九九乘法表

miujoey

回覆 LeeCC 的帖子

我囡果時學乘數, 我買了一本會發聲的乘數表書,是歌仔形式的, 得閒他會跟住唱黎玩, 所以學校未教佢都差不多識曬,過程好快學識,好似唔洗半個月識曬, 佢又唔覺背得辛苦.

mimi1102

我覺得對於數感弱的小朋友, 最好的方法係叫佢死背, 其他覺得可以幫佢明白, 然後就會記到的法方, 只會令佢地覺得更加亂.

我老公同個女講, 9係最易的, 因為唔知咩野加一減一, 唔知咩咩咩就係....我個女夾硬讀到9x3 之後, 頭上面一大舊雲, 講唔到落去...

又試過叫佢用加法, 3+3+3 咪即係3既倍數, 你加三次咪係9囉, 但去到後面, 站站停, 仲要站站都加錯數, 仲衰過叫佢背.

Olympian

miujoey 發表於 18-8-17 10:41
回覆 LeeCC 的帖子

我囡果時學乘數, 我買了一本會發聲的乘數表書,是歌仔形式的, 得閒他會跟住唱黎玩, 所以 ...

果些發聲書或DVD反而係細個d嘅小朋友先肯聽，我諗K2之前。K3 打上都唔肯聽了，因嫌悶和幼稚了。

Olympian

mimi1102 發表於 18-8-17 11:49
我覺得對於數感弱的小朋友, 最好的方法係叫佢死背, 其他覺得可以幫佢明白, 然後就會記到的法方, 只會令佢地 ...

類似我個仔 所以說只能老老實實的背。而且我是不准他用加的。家陣叫佢背，唔係玩心算。教過兩個女仔，一個數很差的，佢就老實背，另一個數叻佢好多的，佢係咁用加，我話咁無用的，仲要叫佢停佢唔肯，係要用加的方法寫晒個乘數表出來。學期中末無咁叻果個已經背到好多了，叻果個仲背得差過佢。

bobbob

Olympian 發表於 18-8-17 12:42
果些發聲書或DVD反而係細個d嘅小朋友先肯聽，我諗K2之前。K3 打上都唔肯聽了，因嫌悶和幼稚了。
...

我仔當年係無心插柳，話說kg時買咗張有乘數表嘅墊枱板俾佢用，佢望望下就入晒腦，背都唔駛背

MrBeast

Olympian 發表於 18-8-17 12:52
類似我個仔  所以說只能老老實實的背。而且我是不准他用加的。家陣叫佢背，唔係玩心算。教過兩個女 ...

其實叫小朋友加 instead of x數表是反面教材，我會問小朋友：若高年級時計 321 x 9 咪加到天光

lovegeneration

helenfan888 發表於 18-8-16 16:23
新西蘭有首歌教小朋友用故仔記乘法，效果很不錯

May I know the name of the song?

feifei_baby

mimi1102 發表於 18-8-17 11:49
我覺得對於數感弱的小朋友, 最好的方法係叫佢死背, 其他覺得可以幫佢明白, 然後就會記到的法方, 只會令佢地 ...

九嘅乘法可在用手指，細個教育電視都有教，八都有pattern，8、6、4、2、0、8、6、4、2、0，基本教一兩次就得，開頭用住手指跟住，之後慢慢甩。我阿女嚟緊升小二，今個暑假背了。

helenfan888

回覆 lovegeneration 的帖子


Times Tales @ American Math English
來看新西蘭的

HaYi

我大仔細時我從未要佢背, 佢都是睇下我貼的墊台膠上小一都自己背左, 細仔而家就升小2, 一樣由細睇個表大, 但真要抽問先肯熟.  個個唔同, 最好笑有一次有個家長閒傾, 佢好驚訝此表是要背!!  好似是見怪獸, 其實我覺得各樣辦法都無拘, 在升P2前快而準就得.

retriever

2jkidsfather 發表於 18-8-16 09:46
又不用看得太嚴重，當玩訓練記憶遊戲啦！

個人覺得背乘數表不是好事。特別有老師話除數係乘數反轉。

背熟乘數表係會快，但細路唔真正了解乘數加數除數關係，背乘數表係可能TURN OFF 左細路對做數學既其他方法。

JustAParent

背唔到就讀得十次百次，讀到背到為止。背乘數表，小菜一碟。唔駛又唱歌又明原理既，算術要快，佢明原理還是要背，同學計數唔通佢坐係度唱歌咩。記憶力練得多就有。

2jkidsfather

retriever 發表於 18-8-27 08:17
個人覺得背乘數表不是好事。特別有老師話除數係乘數反轉。

背熟乘數表係會快，但細路唔真正了解乘數加數 ...

老師有問題啫

二年班仲未學乘數就講除數

HaYi

retriever 發表於 18-8-27 08:17
個人覺得背乘數表不是好事。特別有老師話除數係乘數反轉。

背熟乘數表係會快，但細路唔真正了解乘數加數 ...

我覺得乘數表同英文字母 A_Z一樣, 是工具, 不是需要思索的推理數學,   如果乘數表唔背, 一味了解左原理就算識,  難道用時下下思前想後, 下下連加?   是冇辦法"合理地"計快的.   點都是要背才會前進去到之後的應用 (較深的數. )   

retriever

HaYi 發表於 18-8-27 12:26
我覺得乘數表同英文字母 A_Z一樣, 是工具, 不是需要思索的推理數學,   如果乘數表唔背, 一味了解左原理就算 ...

如果計算機是工具，那是要明白所運算的原理，才用計算機？

多用工具，少講原理，數學命題改一改就不懂計了，譬如：SIN，COS，TAN 跟圓圈既關係。

簡單測試，某小學雞背乘數表不熟，背到6X6 就不懂背下去（留意，不是說你孩子），眼望家長或老師，這情境很常見吧？

如細路深懂乘是連加，他/她不會懂背6X5，而說不到6X6，甚至超過9X9 也不是問題。

個人覺得，學數學要由FIRST PRINCIPLES 開始。

HaYi

retriever 發表於 18-8-27 13:05
如果計算機是工具，那是要明白所運算的原理，才用計算機？

多用工具，少講原理，數學命題改一改就不懂計 ...

你的前題是大人要小朋友背乘數表是忽略左教小朋友乘的原理.  我唔知你小朋友是如何學乘的,  但我自己的一開始接觸乘 (我個是P1前),  我都會從原理開始教.  問題是識原理是一回事, 但數一大, 佢地靠"加"會很慢, 所以只識原理是不能實際幫到他們運算.    而熟乘數表就可以幫助他們快出答案.   其實背一背又有咩壞處呢？   尤其在再升上去, 有HCF / LCM時, 熟乘數表的組合排列拆出因子會快些.     
同一原理在初小生用"心算". 小朋友早明白加減, 但心算好慢, 如果不想個辦法快些, 之後需要複雜理解的題目更是雪上加霜.  熟悉簡單2位數的不同組合是其中一個方式  (eg  18 可以是9+9, 10+8..etc), 是不是死背, 我又覺得不是, 只是如何可以在初小時熟用準確, 我就覺得比乘數表要更花點心思.  

retriever

HaYi 發表於 18-8-27 21:05
你的前題是大人要小朋友背乘數表是忽略左教小朋友乘的原理.  我唔知你小朋友是如何學乘的,  但我自己的一開 ...

你跟我講的沒差遠，重點是你提及的“嫌慢” 或“想快”。

確有不少人教細路數求背不講原理，亦有教原理後但求效率而令細路忘掉原理。

情況跟求效率操題類似，所以我亦反對年紀太少操題。

回到我上帖的問題，細路背乘數表，識6X5， 但不懂6X6，這個是假設但真實的例子。

你認為問題在於，背乘數表不熟，還是不懂乘法原理？

哪個問題大鑊些？

yuenkw

初初係玩數字版（ 1-120），第一步係先把 2 的倍拿出來、第二步係將10的倍拿出來、之後5、3、6、9等，如此類推。

由1-10，一個暑假就初步數到，然後再背乘數表，事半功倍。大前提係家長有時間陪玩+按部就班，不要給小朋友太多壓力，小朋友只要當玩，好快就上手。

當時小朋友係升 K3！

HaYi

retriever 發表於 18-8-27 21:38
本帖最後由 retriever 於 18-8-27 21:41 編輯

你跟我講的沒差遠，重點是你提及的“嫌慢” 或“想快”。 ...

說到底其實大家做法一樣, 都是先教原理再要求熟能生巧.  唔教原理直接背表, 我都不讚成.  
同你一樣, 不讚同盲目操, 尤其是為快幾秒而狂做百題形的, 是怕小朋友冇左興趣更不上心.

同你可能有異, 有需要時選擇直接背乘數表同記熟數組合, 我接受此因為不是長期學數的模式, 只是熟悉工具一步, 之後做複雜的數可以有效speed up.