覺得女兒好難教，求分享

cy372818

女女剛好3歲，屋企有姐姐同我一齊湊
女女平時講英文多過講中文，英文可以講full sentence，中文唔得唔肯講但聽得明，其實咁樣係咪算係言語發展遲緩？
佢好鐘意英文，認到很多英文生字，能獨自閱讀英文圖書，而中文就靠死記
臭脾氣，好易爆喊，硬頸到暈，會郁手郁腳拍打人
平時自己玩多，但有一個老友會欖頭欖頸，因為老友非常主動同佢玩
專注力差，上堂經常發夢，聽唔到老師指示，但老師問佢問題時發現教嘅嘢佢係識
到底我應該順其自然，定係有冇咩方法或者專業人士可以幫到我呢？謝謝

0030

唔覺得有咩問題～但我覺得可以講多點中文

cy372818

0030 發表於 18-8-3 14:25
唔覺得有咩問題～但我覺得可以講多點中文

係呀，呢點我係幾擔心，因為我地唔打算比佢讀國際學校，所以佢一定要識中文，但佢總係唔太願意講

0030

回覆 cy372818 的帖子

屋企個個都講中文的時候她自然會講中文！語言環境好重要～

fibe0313

想問下樓主，最後你孩子有學中文嗎？因我家也類似這樣的情況。今年9月要上k1了，我也很心急。。。

cy372818

cy372818

fibe0313 發表於 19-1-28 22:51
想問下樓主，最後你孩子有學中文嗎？因我家也類似這樣的情況。今年9月要上k1了，我也很心急。。。
...

我女返咗K1 之後好咗啲，因為學校老師只會同佢講廣東話。
再加上，呢半年嚟我主力同佢講廣東話，而家佢可以講到少少簡單嘅廣東話句子。
但佢平時主力都仍然係講英文，因為講英文對佢嚟講係比較輕鬆，簡單，我諗佢已經係用英文思考啦。但當我同佢講廣東話時，佢會嘗試用廣東話答我。
如樓上JM 所講，語境真係好重要。不停同佢講廣東話，教佢講廣東話，對我嚟講係好辛苦，因為我唔係鐘意講嘢嘅人，不過見住佢有進步都值得嘅。
JM, 加油呀！！！！

fibe0313

cy372818 發表於 19-1-30 18:41
我女返咗K1 之後好咗啲，因為學校老師只會同佢講廣東話。
再加上，呢半年嚟我主力同佢講廣東話，而家佢可 ...

謝謝。我女的情況係我教佢中文名詞，佢心情好時會跟住我講，但有高低音。但可能過2日再問佢，佢已經唔記得左中文係咩。。。。好簡單的中文指令佢識聽。但詞語都仲未學到10個。。。 反而英文佢詞語已over 400個。。。學講句子都係用英文。我唔識點樣將佢既母語變番做廣東話。。。。

cy372818

fibe0313 發表於 19-1-30 22:13
謝謝。我女的情況係我教佢中文名詞，佢心情好時會跟住我講，但有高低音。但可能過2日再問佢，佢已經唔記得 ...

盡量多用中文同佢講嘢，佢用英文答你，就教佢用中文跟你講一次，都係慢慢儲返嚟。
而家當我女用英文同我講嘢，我會叫佢「講中文」，佢都可以轉返做中文，有時可能會有啲唔岩，我就教佢正確講法再跟我講一次。
慢慢嚟，唔使心急，語言都係時間浸返嚟。

fibe0313

cy372818 發表於 19-1-31 14:49
盡量多用中文同佢講嘢，佢用英文答你，就教佢用中文跟你講一次，都係慢慢儲返嚟。
而家當我女用英文同我講 ...

好多時候我說中文，她會無視我。直到我講完中文，再用英文說一次，她才有反應

lai_kin

一般小朋友會用言語表達感受，當未完全表達自己時，會多用肢體動作表達，拍打人也是表達的一種，用圖書及role play 教反正確表達方式應該會進步多些，如果教左半年無任何改善，可考慮遊戲治療