band 2a 成績叩寧波二，都無面試機會?

bb鼠

tpmon 發表於 18-7-17 15:27
應是大抽獎的隨機Number 不好。

我怕你現在太遲叩門其他區官津校，間間都截了止。

樓主係咪無set保險缐呀
我都number唔靚跌咗落去

峰仔媽咪

我還諗緊明年有無轉校機會。

bb鼠

峰仔媽咪 發表於 18-7-17 16:14
我還諗緊明年有無轉校機會。

可能讀落唔差呢

小黃豆B

峰仔媽咪 發表於 18-7-17 16:14
我還諗緊明年有無轉校機會。

樓主可能叩門準備不足錯過左黃金時間，依家唯有逐間去問仲有邊間會收表。假如小朋友有實力，明年還是轉校，學校學習環境同氣氛真係好重要，而不同水平既學校真係好唔同。而且band越低唔讀書既人越多，樓主要提醒小朋友唔好因為校內成績好就放鬆，亦要小心佢可能會同班唔讀書既一齊玩，到時候大家鬥hea。我以前讀band5中學見過有人中一上學期全班第一，但中三可以差到升唔到中四。

峰仔媽咪

我都係諗緊個學習環境同氣氛問題。

e2m

有朋友嘅仔舊年派左去band 3學校，但今年考級一，令小朋友信心大增，變得更成熟，所以有啲嘢冇絕對。

tpmon

e2m 發表於 18-7-17 19:09
有朋友嘅仔舊年派左去band 3學校，但今年考級一，令小朋友信心大增，變得更成熟，所以有啲嘢冇絕對。
...

我自己細過在一間Band 5小學(已被殺校多年)考全班top 3，順利入到一間Band 1中學。

小時入到Band 1中學讀對我原來反是壞事。我當時原來程度不達標，中文和英文科要讀特別補修班，每年考全級由尾數上top 10，剛好緊繁升到班。

我自己的中學生活活在自卑中，對成長有很大影響。我問自己，如果當年在Band 2中學讀，對我一生會否更好(e.g. 自信心)?

mrs.so

寧波二中係順天邨係B2競爭既一間中學
另一間寧波中學成績不及寧波二中
所以入去睇校網

小黃豆B

tpmon 發表於 18-7-17 20:09
本帖最後由 tpmon 於 18-7-17 20:11 編輯

我自己細過在一間Band 5小學(已被殺校多年)考全班top 3，順利 ...

我從band5中學一直混到大學畢業，見過各種失敗的例子多到可以用來寫故事。
你這種case我也見過，我一個成績不錯的小學同學被派往區內名校，結果全班考包尾。
也有在band5中學考到全級第一，充滿自信地轉校，發覺外面完全唔同水平，結果跟唔上最後書都讀唔成。
也有本來讀到下書，因為見其他同學無心向學，自己唔駛點努力已考得比人好，結果大家一齊鬥hea足咁多年。

還有其他的不能盡錄...

結論都係最老套個句，沒有最好既學校，只有此時此刻最適合既學校。
所以樓主先認清小朋友水平，係之前高估左定係真係錯配。假如係高估，勉強轉校只會有反效果。假如認為係錯配而自己有足夠能力就越早轉校越好，不同水平學校既學習環境和氣氛係完全唔同，時間越耐，學生水平就會越拉越越遠，到時候轉校就越難適應。

LJ3981

小黃豆B 發表於 18-7-17 23:45
我從band5中學一直混到大學畢業，見過各種失敗的例子多到可以用來寫故事。
你這種case我也見過，我一個成績 ...

不是人人能接受呢一套呢

tpmon

小黃豆B 發表於 18-7-17 23:45
我從band5中學一直混到大學畢業，見過各種失敗的例子多到可以用來寫故事。
你這種case我也見過，我一個成績 ...

我自讀完Form 5後離開了間讀到個人自卑的Band 1中學，自信心才開始建立。後來順利入到8大讀(不是3大)畢業。

所以樓主為何為叩不入寧波第二咁苦腦?  我自己人生中讀幼稚園、小學、中學和大學，最不開心就是那五年讀一間校風不錯的觀塘區Band 1中學(不打算開名，避免影響學校)，天天返學跟不上，天天都自卑，雖然最後會考的成績中規中舉都不錯。

tpmon

峰仔媽咪 發表於 18-7-17 15:13
到今天都係唔開心，這幾年努力為咩，
學校又係領袖生，真係……無諗過。
想問下將軍澳，黃大仙，有邊幾間是 ...

樓主請不要太在意叩不到同Banding 外間形容為好少少的中學吧。可能入讀基智後，它能令你的孩子建立自信和得以發揮，又可能這是上天給你的孩子最適當的中學？

當你看看上面我以前讀Band 1中學不開心的故事，你便會明白，讀區內排名高的中學，如果學生程度不相配，可能反而是件壞事!

峰仔媽咪

非常多謝各位的支持鼓勵，現在鼓勵個仔努力讀好書，裝備好自己，
如佢自己都想轉的話，我有資料在手就可以配合他。