用戶登入
用戶名稱:
密      碼:
搜索
教育王國 討論區 教育講場 AI取代職位(左丁山)
發新帖
查看: 615|回覆: 0
go

AI取代職位(左丁山)

Rank: 13Rank: 13Rank: 13Rank: 13


75496
發表於 18-7-14 13:03 |顯示全部帖子
本帖最後由 elbar 於 18-7-14 13:05 編輯




昨日講到恒基兆業地產有限公司副主席/一國兩制研究中心主席李家傑對科技發展極為鍾意,尤其關心AI(人工智能)對就業職位之影響。牛津大學就早在2013年已經研究美國勞工市場如何受到AI衝擊,於是李家傑撮合一國兩制研究中心與牛津大學合作一項研究,名為:「人工智能對香港就業市場的衝擊,如何迎接人工智能時代」,牛津大學派出Paul Duckworth博士負責技術分析,兩制中心則由方舟博士搜集本港資料。研究結果於七月十日公佈。


左丁山之前聽醫生F講AI連醫生都可部份替代,又知道有啲銀行已用AI撰寫投資分析報告,彭博用AI寫業績新聞稿,好想知道AI在香港如何取代工人,於是留意一國兩制研究中心呢份報告。


電腦J攞到一份報告嘅「行政摘要」,傳畀左丁山睇吓:牛津大學馬丁學院Carl Benedikt Frey與Michael Osborne兩位教授曾做過一項研究,利用Machine learning學習方法,發現美國在未來十至二十年,有高達47%的工作被取代的機會高達七成。兩者相乘,47%乘70%,等於約有三分之一嘅工作可能由AI做埋,幾得人驚噃。香港又點呢?


使用上述同一方法,保羅.德託夫博士發現香港370萬就業人口之中,有28%的工作處於高風險區域(即被AI代替的風險,高風險指機會在70%或以上),有18%處於低風險區域(被AI取代機會低於或等於30%)。換言之,在未來十至二十年,香港有100萬個職位可能被AI取代!高風險嘅工種涉及一般秘書、出納員、速遞員等用人手工作較多嘅,其他如會計、核數師、法務助理等也受波及,低風險職位就是對創造性和社交智慧技能要求比較高嘅工種。此外,收入和教育水平與AI風險有着相關關係,即係教育程度越高,被AI淘汰風險嘅可能性就愈低!如此說來香港特區政府有無準備應變?他日無人餐廳、無人超市、無人銀行之馬雲模式殺到,香港如有100萬人失業,怎麼了得?受害者仲大多數係基層勞工㖭!研究結論就是香港必須大力發展科技教育,加強持續教育,改善社會保障等等,AI似乎唔關左丁山呢一代事,年輕人就要發憤圖強培養智慧咯。




左丁山