論壇新手小學老師報到

伍sir

以下連結為小一及早識別的資料
https://www.hkedcity.net/sen/spld/basic/page_5292c930e34399b231000000

識別出有學習困難不代表有學習障礙，只係及早為小朋友提供支援 ，給各位家長參考。

mlau216

伍sir 發表於 18-6-17 10:30
細b係大機會慢d就真，但唔排除到有其他因素，晌家情況怎樣？晌學校有無及早識別出有學習困難？
...

細孖喺屋企自理方面冇問題，仲叻過大孖，學生活知識就好快，觀察力強，但就對學術冇興趣尤其是要寫字嘅科目例如中文，同學校老師傾過又話佢冇問題，只係怕忸啲，比較被動，講野勁細聲。喺屋企好鍾意喊，成日要人(emoji)，鐘意扮BB扮細個，一離開屋企就勁黐住大孖，佢有少少自卑，我讚佢叻佢會話”我覺得自己唔叻”,我讚佢靚佢會話”我覺得自己唔靚”

伍sir

mlau216 發表於 18-6-17 11:17
細孖喺屋企自理方面冇問題，仲叻過大孖，學生活知識就好快，觀察力強，但就對學術冇興趣尤其是要寫字嘅科 ...

細孖明顯係自信心不足，要多鼓勵，可以先晌佢的強項上著手，讚佢d強項，佢對自己有自信，慢慢會對讀書方面都會有多d，總有野係細孖叻過大孖吧。

mlau216

伍sir 發表於 18-6-18 10:30
細孖明顯係自信心不足，要多鼓勵，可以先晌佢的強項上著手，讚佢d強項，佢對自己有自信，慢慢會對讀書方面 ...

佢對跳舞有興趣我的就比佢學，有次學校帶隊去比賽贏咗，我有讚佢，有隻碟可以睇返當日比賽，佢死都唔比我睇，真係唔知佢諗乜

伍sir

mlau216 發表於 18-6-18 22:53
佢對跳舞有興趣我的就比佢學，有次學校帶隊去比賽贏咗，我有讚佢，有隻碟可以睇返當日比賽，佢死都唔比我 ...

自信不足就係咁，要慢慢建立。注意有意無意打擊佢自信的言談。

mlau216

伍sir 發表於 18-6-19 07:32
自信不足就係咁，要慢慢建立。注意有意無意打擊佢自信的言談。

明白，多謝伍sir 解答

babieblue

請問老師認為奧數是否有助提升數感呢？謝謝

little_yolky

伍sir 發表於 18-6-16 00:14
你小女的情況我有部分學生都有出現，估計提取記憶時出現混淆，不知道問題與那個課題有關。但以小三來說， ...

講開又似, 佢好奇怪既, 做題目時如果做10題都係連加法, 第11題加減混合佢都會繼續連加, 好似盲咗咁！

Olympian

little_yolky 發表於 18-6-19 11:01
講開又似, 佢好奇怪既, 做題目時如果做10題都係連加法, 第11題加減混合佢都會繼續連加, 好似盲咗 ...

咁又難怪佢過喎。佢點知最後陰佢呢！

little_yolky

Olympian 發表於 18-6-19 11:13
咁又難怪佢過喎。佢點知最後陰佢呢！

吓? 咁都叫陰佢? 做數要睇題目吧? 佢又唔係工廠女工只做一個工序。

上次有條文字題又係咁衰。題目話鴨有XX隻, 鴨係雞既X倍, 問雞有幾多隻。佢平時做開題目係鴨有XX隻, 雞係鴨X倍, 問雞有幾多隻。於是果日佢就直接將XX x X, 唔睇題目, 唔諗下人哋問乜, 合埋對眼就計。

Olympian

little_yolky 發表於 18-6-19 11:19
吓? 咁都叫陰佢? 做數要睇題目吧? 佢又唔係工廠女工只做一個工序。

算陰架 。一起就由頭到尾都有加有減。

bobbob

little_yolky 發表於 18-6-19 11:19
吓? 咁都叫陰佢? 做數要睇題目吧? 佢又唔係工廠女工只做一個工序。

上次有條文字題又係咁衰。題目 ...

係咪操得多，見到條題目唔洗諗就照『方程式』答？我不嬲覺得數學唔好操太多，物極必反

little_yolky

bobbob 發表於 18-6-19 11:28
係咪操得多，見到條題目唔洗諗就照『方程式』答？我不嬲覺得數學唔好操太多，物極必反 ...

操? 佢5月至開始報到數研咋, 得個半月, 每個禮拜做幾份練習, 邊得咁快有效果?

little_kid

伍sir 發表於 18-6-14 13:21
各家長有關小學問題可討論一下
歡迎大家討論下學校、學生、教學、育人等。
...

請教伍sir, 我小朋友小三。英文底子不好，作文gramma 混亂，幾時用is, are, has have仲未搞清楚。英文書還是只喜歡閱讀兩三句一頁的圖書。叫佢每日寫英文日記，短句故事當練習寫一排又唔寫？什麼提升英文能力？

mamabianca

伍Sir, 請指教: 我小朋友(小二)平時做數學綀習卷時頗隱定, 但一到考試, 見到份卷那麼多頁, 心急怕做唔完(事實是她能完成所有題目還有小小時間剩, 但班上確有數位小朋友做唔完), 便粗心大意, 錯一些很簡單的數, 請問可以怎樣幫她改善呢?  另外, 出試卷時學校有規定題目的數量嗎? 家長應否訓練學生的答題速度?   

伍sir

little_kid 發表於 18-6-19 11:52
請教伍sir, 我小朋友小三。英文底子不好，作文gramma 混亂，幾時用is, are, has have仲未搞清楚。英文書還 ...

小朋友似乎對學英文無興趣，比較難處理。起初佢英文做得唔好唔好鬧，教佢方法去完成課業，有可能係d死記梗背的方法，等佢啱少少先，再鼓勵佢。
無興趣呢條路比較漫長，有可能搞到升中時都係咁，家長要俾耐性。

伍sir

mamabianca 發表於 18-6-19 14:28
伍Sir, 請指教: 我小朋友(小二)平時做數學綀習卷時頗隱定, 但一到考試, 見到份卷那麼多頁, 心急怕做唔完(事 ...

小二有此情況不用擔心，慢慢解釋俾佢聽圖畫多先咁多頁，反而叫佢注意唔好揭頁揭多左。
錯簡單的數其實好平常，小二身體很多結構還在發展中，偶有錯誤提醒就可以，到高小情況會有改善。
此外，一般數學卷係有限制不同範疇出的題數數目，運算部份與非運算部份會有個平衡。

little_kid

伍sir 發表於 18-6-19 18:33
小朋友似乎對學英文無興趣，比較難處理。起初佢英文做得唔好唔好鬧，教佢方法去完成課業，有可能係d死記梗 ...

唔好嚇我，要搞到升中!我依家同佢温英文每次真係温到自己喊。幾時喊到上中學？ 就是簡單的full stop後面英文字母要大階，依家仲有錯，there has , my 同me 搞亂成日出現。

伍sir

little_kid 發表於 18-6-19 18:49
唔好嚇我，要搞到升中!我依家同佢温英文每次真係温到自己喊。幾時喊到上中學？ 就是簡單的full stop後面英 ...

部份學生升中d英文都係得小二三水平，大有人在，不過呢類型通常係無家長理，你肯陪小朋友走呢條路，情況一定樂觀得多，別太擔心。
如果陪佢學英文係一件苦事，會感染佢覺得英文本身就係一件苦事。其實唔苦就奇，只能調節自己期望，佢有少少進步就讚下佢，相信佢會進步，改善。你自己都無咁辛苦。

little_kid

伍sir 發表於 18-6-19 19:04
部份學生升中d英文都係得小二三水平，大有人在，不過呢類型通常係無家長理，你肯陪小朋友走呢條路，情況一 ...

謝謝提醒，我要盡量表現得不是苦事。