德萃 vs 陸慶濤

xueyun

回覆 Phinephine77 的帖子

其實轉校是否逃避。我小朋友由陸小讀到現在羅氏S2, 小ㄧ考9拾幾到S2考前30，工餘後付出大部份時間幫小朋友,雖然疲倦,見到小朋友進步便十分開心。我個人認為家長ㄧ對ㄧ去幫小朋友比老師更有效,有時ㄧ齊做作業,有時ㄧ齊對卷,分析及檢討問題,可以針對性地改善小朋友的問題。小朋友還小,如果家長太早放棄,他還可以靠誰呢。當然如果已出盡洪荒之力,便無能為力了。

73662710

polliebb 發表於 18-6-14 11:53
我可以講少少，上堂多小組討論，佢地上堂係好似幼稚園咁分組坐，方便討論，多 presentation, 英文每個學期 ...

請問可以講多少少拨尖班的情況嗎？什麼科有拨尖班呢？

polliebb

73662710 發表於 18-6-17 23:30
請問可以講多少少拨尖班的情況嗎？什麼科有拨尖班呢？

我小朋友無上拔尖班，所以詳情唔太知道，我小朋友嗰班有同學係中文拔尖，佢地一星期有一日導修堂就去上拔尖班，聽講係會以作文為主，要求俾平時高，會另外有功課。無識相熟同學係數英拔尖，因為係以全級成績計，可能其他班有。

73662710

polliebb 發表於 18-6-18 11:16
本帖最後由 polliebb 於 18-6-18 11:33 編輯

我小朋友無上拔尖班，所以詳情唔太知道，我小朋友嗰班有同 ...

謝謝你

scullie

waiwaileung1 發表於 18-6-14 10:12
陸慶濤我個人感受認同真係谷的，不過谷唔谷，真係個個感受唔同，好難有絕對的答案。小一中文我過時已經覺得 ...

其實我想講，德萃中文都唔淺
考試已經要看圖作文，最少100字
中文底唔好，一樣好吃力

waiwaileung1

scullie 發表於 18-6-21 23:41
其實我想講，德萃中文都唔淺
考試已經要看圖作文，最少100字
中文底唔好，一樣好吃力

啊！我想問德萃考試作文卷除了要看圖作文，還有其他嗎？陸小只需80字，但在作文卷只佔其中一部份，還有其他如不供詞填充，擴張句子幾句，改写句子幾句，作句3句，連線，選英文字串成贺卡或邀請卡和故事內容等共8页纸(2页是作文格)要在50分鐘內完成，原來是正常的？那可能只是我和我小朋友個人問題，我覺得真係吃力喎！(純個人感受，不喜勿插)。不過，以家DSE d 中文咁深，小學普遍中文都加深，我之前的留言都有提樓主如果將來考DSE中文都是一個因素要考慮。這裡的意見只供參考，兩間學校都各有優劣点，最清楚自己的子女是父母自己，我相信樓主自己會分析選擇。

hkpapa852

waiwaileung1 發表於 18-6-22 01:49
啊！我想問德萃考試作文卷除了要看圖作文，還有其他嗎？陸小只需80字，但在作文卷只佔其中一部份，還有其 ...

小一考試已要作全篇文，其實算係深，只有部份頂級津小，私小和直資有此要求。

大部份官津小學，小一小二係考作句，續寫句子/段意，再按步就班到小三先考作整篇文章。

sunnymama2

scullie 發表於 18-6-21 23:41
其實我想講，德萃中文都唔淺
考試已經要看圖作文，最少100字
中文底唔好，一樣好吃力

小一嗎？我覺得中文 深得唔合理！因為中文差而想想轉校的媽媽，希望三思。

polliebb

waiwaileung1 發表於 18-6-22 01:49
啊！我想問德萃考試作文卷除了要看圖作文，還有其他嗎？陸小只需80字，但在作文卷只佔其中一部份，還有其 ...

陸小小一唔洗作成篇文章

polliebb

polliebb 發表於 18-6-22 08:53
本帖最後由 polliebb 於 18-6-22 08:55 編輯

陸小小一唔洗作成篇文章

補充：陸小小二作成篇文章80字係看圖作文，有參考詞語提供。
不過我都覺得50分鐘考成份作文卷有啲趕，做得晒都無時間覆卷。

waiwaileung1

polliebb 發表於 18-6-22 08:53
本帖最後由 polliebb 於 18-6-22 08:55 編輯

陸小小一唔洗作成篇文章

我重申我再之前留言是講小二的，但我不知德萃那JM是講小一或小二，我以為她引我例子是講小二的，真係要她解答才知德萃小一定小二需要看图作文要100字有冇字詞參考提供同埋佔全份卷的比率，重有沒有其他部份和所需時間完成等才能粗畧比較到。

Phinephine77

好多謝大家的意見和資料！

其實聽到話德萃中文都唔淺，我反而放心，我不是為了幫小朋友逃避中文而考慮轉校，其中一個考慮轉校的重點是不想他因為中文一科慢而拖累其他他原本做得不錯的科目，或進一步打擊他的學習興趣。

陸小的policy 是任何一科主科一旦不合格便要留級，我很明白當社會普遍以DSE作為終極目標去評價一所學校的前提下，學校對小朋友有一定的學術要求是現實的考慮，在這場競賽中，學校為確保質素要執行上述措施亦無可厚非。我想強調，我絕對覺得陸小是一間很好的學校，老師很有愛心，我亦時有和老師聯絡相討小兒的學習情況，當然無疑老師提及留班政策會對我構成一定壓力。

小兒現時的實際情況是，他在目前的學習模式下，不大享受學習，學習動機低，導致和他溫習的過程拉牛上樹，甚至影響親子關係，牽連妺妹也受委屈。此外，他中文根底弱但英文數理都不錯，我最大的擔憂是如果在陸小萬一日後中文失手導致他要留班，他便要重覆學習已經懂得的英文及數理科，這樣會很打擊甚至打沉他的學習興趣。

在中文方面，細緻一點說，他目前的問題是詞彙認識不多，不喜歡牢記抄寫，常常嚷著要我想些遊戲方式和他溫習，我也嘗試過很多點子，但過程少不免比較費時，很多時時間未必許可。此外，他其實滿腦子估靈精怪的想法，在考作文卷中的不供詞填充，他填的答案雖然很稚嫩，但文法上沒錯，不過因為不是標準答案亦取不到分。我想換另一種節奏和學習模式，可能會有多些時間陪他看書，豐富他的詞彙，想多些有趣味的方法和他一起練中文。

就他的情況，我對德萃是有憧憬的，特別是朱校長提過的EdMetro ，會容讓小朋友在不同的科目有不同的進度，我亦寄望學習模式的轉變會提高他的學習自主性。

我當然亦曾考慮過睇定d先，但又擔心愈高年級愈難轉，恰巧今年德萃開新校才有多些位，相信一般來說，插班位都不會多。德萃downside 明顯是沒有track record, 所以實在太多考慮，是一個很困難的決定。

scullie

waiwaileung1 發表於 18-6-22 01:49
啊！我想問德萃考試作文卷除了要看圖作文，還有其他嗎？陸小只需80字，但在作文卷只佔其中一部份，還有其 ...

二年班
中文作文 算其中一科
另外有一份中文卷
有擴詞 、造句 、錯別字、 形聲詞、 上學期仲有普通話拼音，仲有 閱讀理解、 量詞 、短編排序 等等

scullie

sunnymama2 發表於 18-6-22 08:31
小一嗎？我覺得中文 深得唔合理！因為中文差而想想轉校的媽媽，希望三思。
...

小二

waiwaileung1

scullie 發表於 18-6-25 23:18
二年班
中文作文 算其中一科
另外有一份中文卷

啊！謝謝！陸小都一樣有另一份中文卷，都係有阅讀理解，選詞填充，普通話拼音，找錯別字，重組句子，部件造詞語，標点符号等等。中文作文則是另外一份獨立卷，但就不是只有看圖作文80字，還有我之前提過的其他部份一起在50分鐘内完成，做的時間我覺得是很趕。

waiwaileung1

scullie 發表於 18-6-25 23:18
小二

Thx!

小曳人

回覆 Phinephine77 的帖子

其實考慮中嘅，唔只你，我相信今年應該特別多人考慮轉德萃！一個家長群組中，另有傳統津小家長亦考慮中，亦係英數較強，學習動機嘅問題
群組中，有人轉校去咗德萃，孩子表現好大轉變，返學返得好開心
我唔敢講所有孩子都適合呢間學校，但似乎對英數強嘅資優兒好適合！以我所見，吸引到唔少資優兒過檔

scullie

waiwaileung1 發表於 18-6-25 23:57
啊！謝謝！陸小都一樣有另一份中文卷，都係有阅讀理解，選詞填充，普通話拼音，找錯別字，重組句子，部件造 ...

其實都差唔多
不過下年轉校長後
相信會有改變
唔知係咪個個都接受到
到時嘅課程係點，未知

lcffun

回覆 scullie 的帖子

陸小上年九月巳轉校長，是副校升上，冇聽聞話又轉。請問在哪裡聽聞的？

Phinephine77

lcffun 發表於 18-6-26 22:19
回覆 scullie 的帖子

陸小上年九月巳轉校長，是副校升上，冇聽聞話又轉。請問在哪裡聽聞的？ ...

我估你誤會了scullie，佢應該講緊德萃轉校長，不是陸小轉校長。