唔讀N班…直讀K1……係唔係會選擇小好多……

hedy32

littlecarrot111 發表於 18-6-13 19:27
考k1多數11月，就算讀n都只係返左兩個月學，根本無優勢

X2!

我既小朋友係12月尾超細B, N班都未開學已經要面試K1，最早嗰間係10月中， 最遲嗰間係第二年既1月頭，  頭尾兩間學校都有offer

bean7714

我都係FTM，小朋友讀緊N班，老實講我好慶幸有幫自己個小朋友報N班，雖然FTM可以自己教同為小朋友安排活動，但有d嘢真係自己教唔到，係要佢喺學校先體驗到，因為學校有嘅係群體性嘅學習，佢可以觀察到其他小朋友從而學習，當然，有學好亦都會學壞，學壞嘅家長就幫佢糾正。而且小朋友有自己嘅同學、朋友，感覺佢進步快咗、大個咗、開心咗、有自信咗！再者，媽媽我又可以襯佢返學嗰短短幾個鐘做下家務，有時可以放鬆下！

至於對in K1有無直接影響，我唸就要睇下邊間幼稚園啦，相信的確係有唔少幼稚園係偏向有讀N班嘅小朋友，雖然interview時開學無耐其實無乜優勢，但起碼小朋友讀完一年N班，到K1時小朋友已經知道返學係點，K1老師接手都容易d。不過話雖如此，又唔代表有讀N班就一定有好offer，始終幼稚園收生睇好多嘢⋯

Eunice0203

我女面試都無講過野咁制 靈糧堂都收左呀 樓主吾洗太擔心

wendee

bean7714 發表於 18-6-30 03:01
我都係FTM，小朋友讀緊N班，老實講我好慶幸有幫自己個小朋友報N班，雖然FTM可以自己教同為小朋友安排活動， ...

絕對同意！

考K的時候可能見唔到分別，畢竟只係讀左2個月N。

但讀完N的小朋友係各方面都明顯有進步，尤其社交同學習規舉，就算FTM用心教都未必做到，因為俾唔到學校個群體環境佢

雖然一開始會係咁病，但下學期明顯病得少左。外人一睇就知佢係有返開學，我完全冇後悔俾佢讀N

星星的後裔

sweetbride119 發表於 18-7-3 09:26
係呀，讀n 開學2-3個月就成日病，適應下就會少D, 唔洗驚！最緊要發燒即刻睇醫生。
...

我覺得病是必然的，你想攤長病定密集式。

無讀N 少左d d 原校直升的機會，雖則無學校會話包你上K1，但多數都得。
有N backup ,升K 的安排可以去盡d, 專揀你心宜的類型去考，去訓練。你有權大包圍，1日考4間個個星期咁考，但大人小朋友都辛苦。

再者，即便考K1時只上了2個月堂，但老師會知未來一年有N 班老師幫手教他自理，對小朋友信心一定大d.

soso3509

除非你心儀間k有n. 否則。k選擇會多好多！

K學位多過n好多！ （有好多學校直頭無n)

easymom112

回覆 suzukimobaby 的帖子

hi ...我是過來人哦, 我覺得如果係年頭出世可考慮讀, 因為佢大個左有人同佢坃都幾好.. 雖然我認同阿媽可以成日同佢去玩, 我都有, 但係係會好攰架... 佢大左要求會多左... 如果又有心儀的幼稚園咪報下佢的n ..


我都認同上面講話如果阿媽教得好係好好既, 可能好過返n..但阿媽真係會攰... 日日係屋企教佢野...或者成日都會諗野比佢做我自己自問做得唔係咁好... 有時我自己想hea 下.. 但我都見到有D阿媽係精力無限。。係教得個小朋友幾好的，　你諗下自己係邊類啦

超級奶爸爸

都係嗰句，六合彩每期都有人中，人地中頭獎唔代表妳都會中，都係睇番自己實際情況啦！

stef

我同你諗法一樣，我又ftm自己教咪得。

我女無讀N, 考k1的確麻麻地。
咩都識但怕羞唔出聲，名幼唔洗諗，而且大部分都設有N班。

如果你小朋同我女性格一樣又想讀好幼稚園，近近地都搵間N讀下先。

soso3509

k既學位多過n好多！好多學校連N都無！
所以不用擔心。除非你心儀既學校有N咁就另作別論。

soso3509

stef 發表於 18-7-16 18:20
我同你諗法一樣，我又ftm自己教咪得。

我女無讀N, 考k1的確麻麻地。

但有返n同k面試少則相差兩個月2個月多則半年左右。真係咁大分別？好多十月十一月頭都要面試。

利申：大仔當年無讀N

islychiang

回覆 suzukimobaby 的帖子

我個無讀n一樣好多offer包幾間名幼，平時俾心機教重有用，又病少啲