500蚊零用錢對中學生來講，真係唔夠咩？

洋蔥頭媽咪

kirstyau 發表於 18-6-15 06:41
本帖最後由 kirstyau 於 18-6-15 06:44 編輯

本帖最後由 kirstyau 於 18-6-15 06:44 編輯

學校小食部通常都比較平，燒賣/魚蛋/三文治幾蚊就有交易，比零用可以訓練孩子理財能力，學控制及儲蓄，想買心頭好就要學懂延遲慾望、學分配，當佢地用儲蓄能買倒想要嘅嘢時，滿足感就會令佢地更懂得珍惜及明白儲蓄嘅重要。我大仔中三時砌部電腦8千蚊都係用佢自己儲蓄去逹成，換手機都係自己比，佢哋用自己錢所以會好珍惜，買 laptop都會周圍格價，Amazon平就情願去訂。
零用比太多會亂洗，太少根本學不倒理財，比之前可以計計數及與孩子協商。

gracelam

洋蔥頭媽咪 發表於 18-6-15 08:04
學校小食部通常都比較平，燒賣/魚蛋/三文治幾蚊就有交易，比零用可以訓練孩子理財能力，學控制及儲蓄，想買 ...

我個女買枝靚靚地筆都周圍格價

上2個星期有韓圑EXO來港開演唱會, 佢有同學買飛去睇, 張飛要$1,8xx, 我問佢你偶像來港會唔會買飛睇? 佢話咁貴要草好耐錢先草到, 佢寧願唔去, 佢會好肉痛。

小時了了

我想問問大家睇法, 我每星期有$50俾阿女零用&儲錢 (即是一個月~$200), 佢每次儲幾星期錢就去淘寶淘百幾蚊衫或去文具店買筆,筆記簿文具之類, 又係月光族, 佢係用佢嘅零用&儲錢去買, 無額外問我哋攞錢, 咁佢算唔算識自己理財呢?

小時了了

bigbigeyeeye 發表於 18-6-13 15:23
係一個月大概$2000，車錢大概一星期$250左右，聽完大家既分享，咁我覺得我比得都唔少，應該同一般家長差不 ...

嗯! 其實我都係一個月大概$2,000俾阿女返學

但係, 阿女返學路途遙遠, 去補習及返教會等地方嘅全部都係巴士及綠色小巴無折扣, 阿女每日係學校食早餐, 依家佢發育期好鬼大食小息又要食野, 放學又要食 tea (唔包午飯因為校內食開支票俾學校嘅), 雖然係每月$2,000俾阿女好似好多咁, 但其實佢都只係有$50/week ($200/month) 嘅零用&儲蓄俾佢洗而已

gracelam

小時了了 發表於 18-6-15 08:49
我想問問大家睇法, 我每星期有$50俾阿女零用&儲錢 (即是一個月~$200), 佢每次儲幾星期錢就去淘寶淘百幾蚊衫 ...

如果冇洗特問返父母攞錢, 我個人覺得OK.

但會提佢量力而為, 想買同需要買的分別, 同埋積榖防肌, 學下草錢。 萬一父母失業, 就唔會再有咁多零用, 等佢有D危機感。

小時了了

gracelam 發表於 18-6-15 09:37
如果冇洗特問返父母攞錢, 我個人覺得OK.
但會提佢量力而為, 想買同需要買的分別, 同埋積榖防肌, 學下草錢。 萬一父母失業, 就唔會再有咁多零用, 等佢有D危機感。

哈!哈! 佢話佢有儲架, 不過只儲幾個星期然後就去淘寶買平野囉!
我又想問吓, 你哋中學嘅仔女買衫父母額外俾錢買? 定係小朋儲錢用自己錢買呢? (我暫時係後者, 小女中學以前好多教會朋友二手衫送贈, 故中學前我好少買衫俾阿女)

mcl203

gracelam 發表於 18-6-15 08:28
我個女買枝靚靚地筆都周圍格價  

上2個星期有韓圑EXO來港開演唱會, 佢有同學買飛去睇, 張飛要$1,8 ...

$18XX 果種係極難買到，你囡可能做錯決定～～～

gracelam

小時了了 發表於 18-6-15 09:45
哈!哈! 佢話佢有儲架, 不過只儲幾個星期然後就去淘寶買平野囉!
我又想問吓, 你哋中學嘅仔女買衫父 ...

我係前者, 同佢一齊買, 我付款。 我覺得衣服鞋襪係必需品, 發育期長得快, 要經常換, 有需要我會買比佢。

kirstyau

洋蔥頭媽咪 發表於 18-6-15 08:04
學校小食部通常都比較平，燒賣/魚蛋/三文治幾蚊就有交易，比零用可以訓練孩子理財能力，學控制及儲蓄，想買 ...

我女小學冇小賣部，所以未比零用呀！係D生日利是自己儲起，所以都有錢係身。

b3410

小時了了 發表於 18-6-15 08:49
我想問問大家睇法, 我每星期有$50俾阿女零用&儲錢 (即是一個月~$200), 佢每次儲幾星期錢就去淘寶淘百幾蚊衫 ...

我唔俾零用，只俾飯錢車錢。不過學校的獎學金，同平時我哋都會有獎勵，加埋利市錢等等都儲咗D。佢會放一部分自己零用，一部分現金我幫手keep, 最大筆買咗煤氣

平時同朋友出去玩，互送禮物等等，都係自己俾。

所以其實可以考慮再俾多DD，用唔嗮就會諗到理財。

小時了了

b3410 發表於 18-6-15 12:35
我唔俾零用，只俾飯錢車錢。不過學校的獎學金，同平時我哋都會有獎勵，加埋利市錢等等都儲咗D。佢會放一部分自己零用，一部分現金我幫手keep, 最大筆買咗煤氣
平時同朋友出去玩，互送禮物等等，都係自己俾。
所以其實可以考慮再俾多DD，用唔嗮就會諗到理財。

利是錢由佢第一年至今每年全數儲入佢自己名嘅銀行戶口, 呢啲錢我咁多年嚟都係講嗰句儲嚟佢自己將來讀大學用, 又或者大吉利事佢有咩野事入醫院就用呢啲救命錢. 依家阿女開始貪靚想箍牙, 我同佢講佢自己要自己儲錢自己俾錢箍牙, 屋企唔包箍牙. 我話箍牙係儀容野, 好似做 facial 減肥咁, 奢侈品

mcl203

小時了了 發表於 18-6-15 12:51
利是錢由佢第一年至今每年全數儲入佢自己名嘅銀行戶口, 呢啲錢我咁多年嚟都係講嗰句儲嚟佢自己將來讀大學 ...

可能，要儲好多年～～～

HaYi

大家的意見都俾左我個S1 計畫的參考.

我會
lunch + snack  50 一天 x 25天= 1250 (學校訂/食)
車錢因近MTR 預10元一天 x 25天= 250
零用 20 x 25 = 500
即是TTL 2000.  (日子多少佢要自己留未用完的)

依家小六有校車但有時放學活動要巴士 , 但遠, 每個月MTR增值都要500  (另加+ 校車.12XX)   總返學日子每月車費都要1700.
Lunch / Snack 家自備
零用400   
TTL 2100, S1 差唔多.

洋蔥頭媽咪

HaYi 發表於 18-6-15 15:28
大家的意見都俾左我個S1 計畫的參考.

我會

唔介意比少少意見你，其實你已經預鬆左，午飯+零食+零用每日有$70，而且一個月通常唔會返25日學，所以算相當足夠，但別忘記教小朋友儲蓄概念，積少成多。
我建議你可以教小朋友每月先扣起少部份作儲蓄，餘下扣起車費後除開每天可用金額，eg. 每月二千先扣起4百作儲蓄做後備，再減去車費$250，餘款除返學天數，就知道自己每天大約可用款項（2000-400-250）/22 = $61.3，即是每天約有$60左右可用，然後學習控制洗費，多除少補，睇餸食飯，今天用了$70，明天就只用$50，慢慢佢就會學懂。

洋蔥頭媽咪

小時了了 發表於 18-6-15 08:49
我想問問大家睇法, 我每星期有$50俾阿女零用&儲錢 (即是一個月~$200), 佢每次儲幾星期錢就去淘寶淘百幾蚊衫 ...

佢用自己錢去買可以接受，但亦要灌輸佢應洗先洗嘅概念，買衫買文具變月光族不太理想，不過若零用跟妳所説每星期比$50. 其他錢又不用囡囡分配，管理金額太少起不到學習理財作用。

b3410

小時了了 發表於 18-6-15 12:51
利是錢由佢第一年至今每年全數儲入佢自己名嘅銀行戶口, 呢啲錢我咁多年嚟都係講嗰句儲嚟佢自己將來讀大學 ...

箍牙其實也是牙齒健康需要，唔係齋貪靚
你俾佢set的target 太遠，對佢哋來講，會覺得好似一世都等唔到筆錢。

ayubb

我仔仔上年9月升中一，平均大約1400蚊/月。我當初係用以下的計算方法來定呢個金額，
返學日膳食費用50/日 (早餐有時候喺屋企食，學校有小賣部賣午餐)
返學日交通費用10/日 (屋企學校來回計算)
另外仲有課外活動乘撘交通工具的費用。
我會根據校曆表顯示的上課日數來調節每月的費用，例如二月新年假上課日數比較少，就大約俾800蚊佢。每個月都係1號一次過俾錢佢，另外教佢用本簿mark低每日開支，等佢可以知道自己平時各方面的消費。直至現時為止，我覺得呢個方法都幾有效。每個月佢都有少少錢剩，可以當儲蓄或者買心頭好。

HaYi

洋蔥頭媽咪 發表於 18-6-15 18:55
唔介意比少少意見你，其實你已經預鬆左，午飯+零食+零用每日有$70，而且一個月通常唔會返25日學，所以算相 ...

好提議，我個而家駛錢用得好怪，佢愛食，但會櫧起買藍芽耳筒，仲想再儲買架新電話，我吾俾買電話，怕佢更想打机.呢排飲品promote scan code 可以買一送一，佢同同学夾飲平嘢用優惠.

peggy

回覆 bigbigeyeeye 的帖子

阿女一星期$250, 包午餐及零用, 車費另外入落八達通。每個月都有錢剩。

kayeetoby

我2個小朋友中一含車貴同午餐1星期400（車費約120），中四600一星期含車費同午餐（車費約190），大個個聽字面好似好多但外出食飯50搭車要差唔多40都成90蚊實際餘下又唔係真係好多，但又見佢一個月又儲到500蚊入銀行我自己覺得ok,其實比幾多零用錢係好睇自己個小朋友識唔識分配，我初初試過計到條數好盡，比400大個個一星期，個個星期到星期四餘下好小星期五就慳住食7仔啲三文治或者去親戚屋企煮麵當一餐，我知道又心痛又見佢養成唔到儲存習慣，就加佢小小反而效果仲好左