分享囡轉校後的改變

小寶貝兒

尋日, 我同老公傾計, 我女係旁邊聽下, 佢忽然好認真咁話:"學習, 並唔係只係學校裡面, 書本裡面學, 讀完書, 都應該繼續學習, 無論係煮飯又好, 湊仔又好, 都係要繼續學習!" (以上係大約意思)
當時, 我同老公真係好感動, 因為我地其實最想囡學到既, 就係呢重自主學習, lifelong learner既精神! 我地冇諗過, 只係轉左校幾個月, 佢就已經學識(或者講接受呢個觀念, 願意去實踐)

係決定轉校後, 直到前一陣子, 我都好討厭囡舊校既小二班主任, 係佢, 令到囡由一個對任何事物充滿好奇心既小朋友, 一個半月之內變成一舊木(因班主任要求在學校裡面時唔郁唔出聲唔發問)! 佢對囡做既野, 搵校長傾過, 冇用, 投訴佢, 亦冇用, 我唯有立定決心, 遠一遠都要轉校! (舊校5分鐘步行距離, 新校1-1.5小時車程) 當我收到新校打電話比我, 話收我女插班時, 我係立即忍唔住喊, 足足喊左半小時! 其實我壓力都好大, 就快爆煲!
而家, 我要多謝佢, 多謝佢對我囡咁harsh, 亦從不掩飾佢對我女既一切行為, 甚至係我面前都一樣恐嚇我囡, 令我早早下定決心轉校, 如果唔係, 而家囡又點可以快樂又主動地享受學習?

其實, 我同老公的教育理念一直在調整中, 以前會覺得梗係最好入名校啦(覺得名校一定好, 同埋始終有D虛榮心丫麻), 之後慢慢發現囡既性格, 係就算入到名校, 就算受谷, 谷得起都唔會開心, 我地開始去思考究竟我地想要個囡如何成長? 抽絲剝繭, 睇好多前輩所言, 研究不同的教學法(真係做女讀書果陣都冇咁神心!) 中間同老公都有好多爭拗, 一直努力協調, 調整大家對教育的睇法, 中間囡又轉過幾次校, 體驗過不同的教育法, (之前成日覺得要搵學校好煩, 而家覺得咁早了解多D, 其實係好事!) 而家覺得, IB真係最岩囡, 或許佢將來未必會考到好高分, 但中間呢十幾年既學習, 所得著既, 我覺得會比考得高分入到名牌大學更重要! 至少佢現在已經學到終身學習呢樣野, 夠佢用一世了!

brother4

恭喜！

cutieringo

返學路程對小朋友黎講係重要，但令小朋友有動力返學既學校更重要！

將心比心，大人會揀返一間只係5分鐘路程既公司，但返到office有種比死更難受既感覺；定寧願返一間路程遠少少但返得開心既公司？

Jane1983

恭喜晒!

skkeung

小寶貝兒 發表於 18-6-12 13:13
尋日, 我同老公傾計, 我女係旁邊聽下, 佢忽然好認真咁話:"學習, 並唔係只係學校裡面, 書本裡面學, 讀完書,  ...

這就是好與壞是呼咩角度睇！

超人baby

好感動，恭喜你幫囡囡揾啱路

areyouangry

好多謝你嘅分享，獲益良多。

小寶貝兒

cutieringo 發表於 18-6-12 14:34
返學路程對小朋友黎講係重要，但令小朋友有動力返學既學校更重要！

將心比心，大人會揀返一間只係5分鐘路 ...

係呀, 我都係本住咁既心態,  而家路程遠左, 囡反而早睡早起, 而且一叫就醒, 唔會懶床~ (希望繼續維持落去啦~)

小寶貝兒

skkeung 發表於 18-6-12 18:59
這就是好與壞是呼咩角度睇！

係呀, 但係當刻我真係無辦法有咁好EQ去對住佢, 佢當住我面恐嚇我囡時, 我的理智線真係差D斷, 當我囡不停同我道歉, 話自己真係好錯好錯(但其實佢根本唔知自己做錯D乜, 只知老師鬧佢就要認錯, 而老師係完全冇同佢解釋佢做錯D咩, 點樣先可以做返岩, 我理解唔到咁樣都可以做老師?), 我真係忍唔住抱住佢喊, 我當下真係覺得自己掉個囡落火坑咁, 當晚就立即決定找學校轉校了!
當然, 而家都過左去大半年, 加上囡返新學校好開心, 我先可以丟底件事, 多謝佢當日咁樣對我女!

retriever

小寶貝兒 發表於 18-6-13 00:04
係呀, 但係當刻我真係無辦法有咁好EQ去對住佢, 佢當住我面恐嚇我囡時, 我的理智線真係差D斷, 當我囡不停同 ...

你舊校都係提倡活動教學既新型學校，是否只係個別老師問題？

而家轉左IB校？

shadeslayer

咩學校最好？是乎家長要乜。但國際學校/lB校，好少聽到讀得痛苦。

3hearts

名校的老師咁mean?

mimi222shi

恭喜樓主

Felix223

恭喜!

小寶貝兒

retriever 發表於 18-6-13 08:01
你舊校都係提倡活動教學既新型學校，是否只係個別老師問題？

而家轉左IB校？

可以咁講，但當幾位家長做代表反映班主任的各種問題時(不是只關於我囡的事)，校長的反應令我好失望
係呀，新校係IB校

小寶貝兒

shadeslayer 發表於 18-6-13 08:50
咩學校最好？是乎家長要乜。但國際學校/lB校，好少聽到讀得痛苦。

冇錯！有時我會覺得，有捨才有得，當我捨去有把握的路，得到的是囡有正確的學習態度！
囡讀左IB之後，令我覺得原來讀書都可以好快樂！

小寶貝兒

3hearts 發表於 18-6-13 09:30
名校的老師咁mean?

唔係，舊校不是名校，後一段是我回憶囡過去的幾年的讀書路，諗返起當初囡仲係B B時，我好膚淺地以為考入名校就一切alright, 之後試過不同的學校/教育法，先知揀校真係要了解得好清楚係咪適合自己小朋友，而不是名校=啱自己仔女

小寶貝兒

牛拔雞肉腸 發表於 18-6-13 14:35
恭喜, 由細培養到一個咁好既價值觀比小朋友

多謝！我都好驚喜，本來以為要花好多年時間呢

shadeslayer

小寶貝兒 發表於 18-6-13 16:07
冇錯！有時我會覺得，有捨才有得，當我捨去有把握的路，得到的是囡有正確的學習態度！
囡讀左IB之後，令我 ...

有一D家長，判斷不了重要的是甚麽，死迫死迫，是痛苦的泉源。

如果香港多數家長能睇得通，看得開，學校/家庭便不會制造那麼多痛苦，最終效果不一定比較差。