學之園

LittlemBB

好多人都會報學之園，可唔可以分享下黎間學校有咩好？因為我聽過有啲學生要外補英文！黎間學校語境係點？

哈哈爸爸

始終上課時間有限，唔好諗返學校語境好不外補能應對小一面試。始終面試對幼兒要求是高。不過外補也沒保證，大量閱讀伴讀就是必須。

lemonstar28

你可以去開放日了解下， 我覺得老師用心，只講英文， 教材係自己設計。 不過我無報讀，因為地點唔方便。

konew720

LittlemBB 發表於 18-6-12 02:06
好多人都會報學之園，可唔可以分享下黎間學校有咩好？因為我聽過有啲學生要外補英文！黎間學校語境係點？ ...

學校有好多教材派俾家長係屋企同小朋友玩。
學術上係足夠銜接任何小一。

但如果玩小一面試，家長要跟得好足。其實任何一間幼稚園都一樣。

學校行政好有系統, 唔亂, 老師唔係亂咁鬧小朋友，主要同小朋友講道理，活動教學，小朋友返學好開心，學校好著重德育，PN、K1有一系列既德育故事書。

konew720

哈哈爸爸 發表於 18-6-13 09:50
始終上課時間有限，唔好諗返學校語境好不外補能應對小一面試。始終面試對幼兒要求是高。不過外補也沒保證， ...

係，學校好著重小朋友既閲讀習慣，PN開始已開始培養。每星期都有派圖書返屋企睇，家長跟得足，對小朋友好大幫助，見有家長冇跟，去到K2開始有好明顯差別。我囡中文比較好，K2已經可以自己讀每頁有2-3句既中文故事書。

wg_ann

有d學生會外補英文其中一個原因應該係因為大部分LH既NET都唔係外藉人士，係ABC或BBC, 所以有d家長可能會覺得不足。

konew720

wg_ann 發表於 18-6-20 19:07
有d學生會外補英文其中一個原因應該係因為大部分LH既NET都唔係外藉人士，係ABC或BBC, 所以有d家長可能會覺 ...

真心請教，外藉人士同ABC/BBC教英文有咩分別？全部都係講Native English
成日聽好多媽媽話要外藉人士教英文，唔要ABC/BBC。我真係唔太明有咩分別。

konew720

LittlemBB 發表於 18-6-12 02:06
好多人都會報學之園，可唔可以分享下黎間學校有咩好？因為我聽過有啲學生要外補英文！黎間學校語境係點？ ...

每間學校都有人出去外補，SC/KV都一定有唔少。需唔需要外補，要睇小朋友情況，例如我大囡，數學差到爆，出完去外補，比冇外補既同學都差，個個小朋友既長處短處都唔同。

要知語境，open house 去聽下學生同老師既對話就知。

wg_ann

konew720 發表於 18-6-25 00:39
真心請教，外藉人士同ABC/BBC教英文有咩分別？全部都係講Native English
成日聽好多媽媽話要外藉人士教英 ...

坦白講，ABC/BBC對比NET教英文，其實我自己仍未知是否有很大差別（小朋友黎緊讀PN）,我相信大部分既家長都係擔心口音或港式英語。
但基於我於interview時既觀察(華藉英文老師帶circle time同唱歌)，不存在港式英語，但我自己覺得該老師同NET既口音同表達方式會有一定距離(注意: 呢個係好主觀既感覺)，老師既英文係流利既，但我個人覺得同一般港人講流利英語無大分別，個人覺得NET既英語係生動同有趣d, 因為NET老師通常既表情動作會誇張少少，容易帶動小朋友既興趣。
但外唔外補係好睇家長，有人覺得英語流利已經ok, 有人覺得NET生鬼d同可接觸唔同種族，各有所好。

wg_ann

朋友既小朋友係現讀生，佢既comment係LH既英語係一定夠用，即一般對答無問題同聽得明英文指令，但如果想英文教到好似鬼仔鬼妹咁，LH唔會係你杯茶。

little.devil

學之園有分英普班同英粵班，有冇用家分享吓邊班會好d?

konew720

wg_ann 發表於 18-6-25 08:44
坦白講，ABC/BBC對比NET教英文，其實我自己仍未知是否有很大差別（小朋友黎緊讀PN）,我相信大部分既家長都 ...

ABC, BBC and CBC 即係American born Chinese, British born Chinese and Canadian born Chinese。其實佢地係當地土生土長，係唔存在口音問題。一個土生土長既香港人，縱然佢父母唔係講廣東話，佢講廣東話都唔會存在有口音問題。
NET即係native English teacher，任何講native English 既人，任何國籍都好，都係叫native English teacher，呢樣好多香港人都誤會，覺得外國人樣先叫NET。
生唔生鬼我諗都係個人性格，但我係d learning centre見到差既老師，都係外國人樣既。
所以我自己個人唔會咁傻，一定要求外國人樣教，又貴，質素又低左。

konew720

wg_ann 發表於 18-6-25 08:59
朋友既小朋友係現讀生，佢既comment係LH既英語係一定夠用，即一般對答無問題同聽得明英文指令，但如果想英 ...

如果要好似鬼妹鬼仔咁，最起碼屋企既語言環境都要係英文。
眼見讀英基既小朋友，如果屋企唔同佢講英文，佢既英文都唔似鬼妹鬼仔。所以屋企既語境好重要，始終幼稚園係屋企既時間好多。

konew720

little.devil 發表於 18-6-29 09:23
學之園有分英普班同英粵班，有冇用家分享吓邊班會好d?

課程一樣架，不過英粵唔係你想讀就入到，因為佢係上午班，下午班冇英粵，而上午班學校只會跟教處規定留10%俾K1新生，其他全部PN升上去，而PN升K1係抽籤揀班的。

rchan1

konew720 發表於 18-7-11 08:48
課程一樣架，不過英粵唔係你想讀就入到，因為佢係上午班，下午班冇英粵，而上午班學校只會跟教處規定留10% ...

LH過往家長升K1時prefer英粵定英普多?

wesleycheung

回覆 rchan1 的帖子

英普

Louiba

回覆 konew720 的帖子

咁PN 升K 仲要唔仲Interview 架? 謝謝

konew720

Louiba 發表於 18-7-16 09:13
回覆 konew720 的帖子

咁PN 升K 仲要唔仲Interview 架? 謝謝

唔駛，100%直升的。

konew720

rchan1 發表於 18-7-11 09:47
LH過往家長升K1時prefer英粵定英普多?

個個取向唔同。