越叻要求越高，合理嗎？

Jane1983

朋友有兩個女，大的明顯醒好多，讀書成績幾好，細的就學嘢慢d。朋友話大女當年唔使教的普通數學，細女講極都唔明。朋友因為覺得大女有能力，所以對佢要求高，幾嚴厲。對細女就較寛鬆，無乜所謂，當然亦有多少因為孻女拉心肝。

問題來了，大女高小開始睇通件事，覺得自己因為表現好而受惩罰，反而一路差仲好，加上大咗心散，成績下滑……件事令我想到父母有時有盲點，成日恨鐵不成鋼，其實可能唔合理。

熱媽

Jane1983 發表於 18-6-11 11:27
朋友有兩個女，大的明顯醒好多，讀書成績幾好，細的就學嘢慢d。朋友話大女當年唔使教的普通數學，細女講極 ...

多數都係，明知阿大能力做到，佢唔做(仲要知係心散/hea )你實慶，相反阿細能力有限，迫唔到，只要見佢盡力就已經開心。不過家長對2姐妹的態度就盡量做得公平D，唔好比阿大覺得父母好似偏心咗咁，可以叫家姐做過好榜樣等阿妹學習咁。

HaYi

能力高的小朋友好多時喜歡自学多過被要求，我覺得家長要研究下轉下方式， 如何幫叻女自定目標。

shadeslayer

Jane1983 發表於 18-6-11 11:27
朋友有兩個女，大的明顯醒好多，讀書成績幾好，細的就學嘢慢d。朋友話大女當年唔使教的普通數學，細女講極 ...

能力高，要求高，嚴厲，都好正常，但為何大女覺得被罰？

Jane1983

謝謝大家分享。我得一個女，所以無偏心因素。不過睇人地的事，都會反省吓自己有無過份咗而唔知。

Jane1983

shadeslayer 發表於 18-6-11 12:44
能力高，要求高，嚴厲，都好正常，但為何大女覺得被罰？

因為佢數學測驗90分，父母覺得差，點解咁多careless mistakes，題目得唔望清楚。亞妹80分，乜事都無，鬧都無鬧。

待遇係唔同，但我睇得出佢唔係唔錫大女，但小朋友就覺得唔公平。

Lu324

有能力要求高d, 正常。我大仔最近都有投訴，覺得唔公平，不過唔係成績，而係其他。
樓主朋友既小朋友好傻，成績跟自己，有冇人鬧都應該自動波，呢個世界從來都冇公平，只係盡量公平。

shadeslayer

Jane1983 發表於 18-6-11 12:52
因為佢數學測驗90分，父母覺得差，點解咁多careless mistakes，題目得唔望清楚。亞妹80分，乜事都無，鬧都 ...

同孩子解釋讀書，做人係和自己比，要見自己進步。不應和妺妹比較，正如父母不會把大女成績同級一比。

得唔得？

Jane1983

朋友係好strong will的人，我有婉轉提過，不過好明顯佢聽唔入耳，係差在未反眼  

小曳人

我有兩個仔，大嘅聰明、成績好，細嘅學野慢，記性唔好

我地對兩個仔嘅要求，盡量一致，就係盡力而為，讚賞所付出嘅努力，努力有賞，進步都有
基於個別能力，大嘅要求平均分達90，細嘅... 就少d
但明確地，大嘅唔努力都有90分，細嘅幾努力，都唔夠85分
罰？無呀~ 唔需要！

Yanamami

Jane1983 發表於 18-6-11 13:40
朋友係好strong will的人，我有婉轉提過，不過好明顯佢聽唔入耳，係差在未反眼  
...

禁你都幫佢唔到……我調番轉，細女比大女醒，我要求係細比大高，但管教可能係因第一个既关係，係大比細嚴(佢亦会觉得不公平)，我同大講，係因為我經过左佢而反思过教导方法，fine tuned左，所以唔会不必要地嚴，佢更觉得自己係白老鼠｡如上边提，两个細个已知讀書為自己不為父母，所以－问係自己要求自己。

MrBeast

重視過程rather than result，judge whether they have tried their hardest

1998Ruby1998

我都有諗過呢個問題，因為教小朋友，會難免教兩兄弟姊妹，亦難免兩個都有資質差異。

我父母同我講就係：「佢嘅將來比你黑暗好多，亦更加難行，所以依家要多 d 錫佢，對佢要求低 d，唔想佢先苦後苦。你因為讀得書，所以我地要求都高 d，但係咁樣你就可以先苦後甜。」

shadeslayer

1998Ruby1998 發表於 18-6-11 14:44
我都有諗過呢個問題，因為教小朋友，會難免教兩兄弟姊妹，亦難免兩個都有資質差異。

我父母同我講就係：「 ...

咁講細嗰個聽到好 hurt.

shadeslayer

MrBeast 發表於 18-6-11 14:37
重視過程rather than result，judge whether they have tried their hardest

asking primary kids to try their hardest is .... too much to ask.   What is hardest anyway?

Jane1983

小曳人 發表於 18-6-11 13:44
我有兩個仔，大嘅聰明、成績好，細嘅學野慢，記性唔好

我地對兩個仔嘅要求，盡量一致，就係盡力而為，讚賞 ...

朋友無罰，覺得受“惩罰 ”係小朋友的感受。

Jane1983

MrBeast 發表於 18-6-11 14:37
重視過程rather than result，judge whether they have tried their hardest

好難ga，點量度付出和盡力。你覺得佢hea温發夢，佢話佢搏盡……

Jane1983

Yanamami 發表於 18-6-11 13:51
禁你都幫佢唔到……我調番轉，細女比大女醒，我要求係細比大高，但管教可能係因第一个既关係，係大比細嚴( ...

我唔敢諗幫佢啦，未死過咩

係最近我為我女一d表現而唔開心，唔關讀書事。我都谷氣咗幾日，而家唸番轉頭，可能自己根本有唔合理的期望，對佢對我都唔公平。