停學一年（K1) ？求意見。

MCEsc

大家好，兒子23個月在協康評為懷疑自傾，那時候我們安排言語治療及觀察他N班後的進度情況。

返左幾個月N班，除了成日病之外進步不大，而且因為成日病亦打亂了治療的時間表。

去年12月，CAC評為自閉傾向（不是懷疑），有高額津貼。我馬上安排ABA及排協康密集訓練。2月開始了高額津貼（包感統，綜合訓練及言語治療）、5月開始返ABA每星期10小時、星期六返1小時言語治療。

感覺是返了ABA後，兒子情緒管理好了很多，而且固執行為改善了。

上星期協康打來，話屋企附近centre有密集位，我想兒子停學一年（K1), 做以下東西：

（續）

MCEsc

我想兒子停學一年（K1), 做以下東西：

星期一至五早上：ABA
星期一三五：協康密集
每月另加6小時高額
因為資源有限，星期六既言語治療唔讀。

大家認為停學一年ok嗎？

lobb2015

你仔是年頭定年尾出世，大仔定細仔? N 班有繼續讀嗎？是甚麼學校? 有沒有到校? 你排緊咩位?

MCEsc

lobb2015 發表於 18-6-10 21:33
你仔是年頭定年尾出世，大仔定細仔? N 班有繼續讀嗎？是甚麼學校? 有沒有到校? 你排緊咩位?
...

您好！大家小朋友應該差唔多大嗎？
我仔是中B, 唔大唔細！
其實我想佢唔讀K1 直接讀K2, 唔知可唔可以？

如果唔可以，6歲時是否可以抽獎讀小學？

lobb2015

MCEsc 發表於 18-6-10 21:45
您好！大家小朋友應該差唔多大嗎？
我仔是中B, 唔大唔細！
其實我想佢唔讀K1 直接讀K2, 唔知可唔可以？

我仔是二月B。和你仔同年。冇讀 PN。今年九月會讀 K1。

睇番你舊留言，你仔排緊 S 位。可能佢要追的進度都不少。專心做治療或許是務實的做法。其實最了解你仔情況的是現在的各位治療師。你可以向他們請教一下。

KCHK

樓主， 唔讀主流學校係可以參加自行同大抽獎的， 不過考私校同直資就難d，我仔係讀S位的然後畢業的， 注冊學校時問讀什麼幼稚園， 我就寫S位的學校名。不過唔讀K1第二年去另一間主流讀K2就真係唔知學校收唔收

Winniebabe

MCEsc 發表於 18-6-10 17:48
大家好，兒子23個月在協康評為懷疑自傾，那時候我們安排言語治療及觀察他N班後的進度情況。

返左幾個月N班 ...

請問ABA係咩訓練?

belok

MCEsc 發表於 18-6-10 17:48
大家好，兒子23個月在協康評為懷疑自傾，那時候我們安排言語治療及觀察他N班後的進度情況。

返左幾個月N班 ...

我仔仔係確診後上密集再讀主流K1+協康訓練，依家讀緊S位，開始針灸治療。
如果細b,當遲一年先入學都好呀

AndrewHo_FB

Heep Hong is doing very well for the matters and training.

You should listen to the professional.

It is very hard to catch up with the school syllabus later if your kid is not doing well on his overall foundation.

fandd

回覆 MCEsc 的帖子

我大仔2歲評為中度自閉，嗰時其實已有好多學校收咗佢讀N班，但我最終決定唔俾佢讀N班，改去上每週五天的密集訓練。細仔3歲半被評為自傾，最終決定俾佢重讀K1。現在兩兄弟都喺主流小學讀緊書，成績屬中前。

當時為佢哋作決定，主要喺預計或見到佢哋做唔到「喺學校坐定定，聽老師指示進行活動，與其他學童般喺日常課堂中學到嘢」。每次諗返轉頭，如果當時夾猛比佢哋讀上去，佢哋就肯定唔會有而家既表現。

小朋友讀書時間係一條漫漫長路，開壞個頭，佢哋未適應，或能力未及，將來就會好辛苦。我哋為佢哋做決定既真係要特別審慎呢！