唔補習可以入到大學嗎？

王家爸爸

freespeech 發表於 18-7-17 18:10
咁奇怪，學校唔方便教考試技巧？！！

唔方便教？有專利問題？！其實點可能唔方便教。

dlam141231

我仔在北美出生長大, 14歲隨家人回流.  在他的字典裏, 自動刪除了補習两字.  北美長大的, 你同佢講, 溫多個鐘書, 90分變95分, 佢回答對90分這個數字已很滿意, 為咗多5分而要讀多個鐘, 佢寧願去打機, 打籃球, 閱讀......等等.  阿仔係美籍+加籍, 我起初唸住佢返加拿大讀大學, local fee只係每年幾千元加幣, 不過, 真係讀得, 资優兼績優, 唔駛補習, 拿全額奬學金返美入讀私立名校, 四年大學, 學費宿費全免, 去年畢業了.  

STee

王家爸爸 發表於 18-7-18 11:16
唔方便教？有專利問題？！其實點可能唔方便教。

我覺得老師和大家對卷就係想大家知道那裏失分，怎答會高分，吸唔吸收就看受衆

ABC-DAD

我又出個題目：『人地個個同學話去補習，我唔補上唔上到大學？』

重有一個題目：「人地 PG 40分都去補，我唔補上到大學嗎？」

ABC-DAD

如果從小學去補習係要重新教學校的課程同做功課，咁就係一條不歸路；如果到左中二、三，補習嘅老師可以提升到同學嘅學習興趣，理順到同學嘅學習模式同疑難，又有這樣的需要，大概不壞。高中最後一兩年，參加雞精班去適應這場人生大挑戰，同學應該有足夠能力去分析有無需要同必要。

Aibb@

唔洗補，有興趣自然會自動去溫，冇興趣只會拉牛上樹

王家爸爸

STee 發表於 18-7-18 18:10
我覺得老師和大家對卷就係想大家知道那裏失分，怎答會高分，吸唔吸收就看受衆
...

講得啱，如果係做 DSE past papers，老師其實係用 marking scheme 同學生對卷，就係想啲學生知道自己邊度失分。至於吸唔吸收到，因為對既係自己份試卷，所以正常既小朋友吸收到既機會都大。

王家爸爸

ABC-DAD 發表於 18-7-18 19:33
如果從小學去補習係要重新教學校的課程同做功課，咁就係一條不歸路；如果到左中二、三，補習嘅老師可以提升 ...

我反而覺得補習係心理作用，補咗習心理暗示你識，所以會答得有信心啲。呢個就係點解我之前話求神、祈禱、擺文昌位效果可能更好既原因，因為心理暗示既效果可能會更好，而且花費既時間更少，可能多啲時間溫習，成績自然好啲。尤其係深信既教徒，祈禱絕對有幫助。

ABC-DAD

王家爸爸 發表於 18-7-19 08:48
我反而覺得補習係心理作用，補咗習心理暗示你識，所以會答得有信心啲。呢個就係點解我之前話求神、祈禱、擺 ...

遇上好的老師都係祈禱內容。

王家爸爸

Aibb@ 發表於 18-7-18 19:49
唔洗補，有興趣自然會自動去溫，冇興趣只會拉牛上樹

講得啱，興趣先係重點。

ABC-DAD

好睇『去補習』實質係做左啲咩。

ABC-DAD

ABC-DAD 發表於 18-7-18 19:33
如果從小學去補習係要重新教學校的課程同做功課，咁就係一條不歸路；如果到左中二、三，補習嘅老師可以提升 ...

本身唔需要補習都入神科，一心只想去見識考察一下，亦有空閒時間，自己諗諗囉。

anna59

回覆 freespeech 的帖子

學校系教授知識，吾系教人考試，學考試，當然要去補習社

freespeech

anna59 發表於 18-7-19 18:33
回覆 freespeech 的帖子

學校系教授知識，吾系教人考試，學考試，當然要去補習社 ...

你 認為什麼才是報考試？學校不停測驗考試 ，還不是在和學生練習考試嗎？！？！

唔明點解咁多人還在迷信補習 的功效

杰杰媽媽

等我個仔6／8真係入到佢最想入既大學再話你知。咁大個佢都未補過習，佢學校成續只係中上，每日90%時間都係打機，考dse 個日改為50%打機P. S.  佢學校做份report 就係“補習真的有用嗎？“，佢自已就係一個唔補習既例子，好彩個個同學都補習，好易就搵到人幫佢做晒訪問

hw1115

杰杰媽媽 發表於 18-7-21 00:43
等我個仔6／8真係入到佢最想入既大學再話你知。咁大個佢都未補過習，佢學校成續只係中上，每日90%時間都係 ...

恭喜晒。讀咩?

manman333

洋蔥頭媽咪 發表於 18-6-8 08:07
凡事唔好只睇表面，能取得好成績嘅學生都要經過努力，自律，補習只是學習中其中一樣輔助，始終當事人都需要 ...

終於搵到共鳴, 人地問我仔暑假還有補習嗎？我答有, 中英兩老師仍是一個星期見一次, 巳經比人圍插到飛天。  又話比補習揍到大又話依賴。  
那兩老師主要跟寫作, 我知道看書重要但同時也要寫因為唔知吸收幾多而透過寫可知程度，但如果沒人叫你寫會自己去寫嗎？就算自覺的人自動去寫, 寫完有誰看? 那裡錯又有誰可改?
兩老師也補了一段時間了，亦師亦友, 而老師的學識好廣泛, 除補課題外有時也會講下其他興趣如美術和電腦, 我仔可以全堂都不離開張櫈。  就如jm 所說, 不是補習, 應該視為增潤更貼切。

hw1115

manman333 發表於 18-7-25 08:30
終於搵到共鳴, 人地問我仔暑假還有補習嗎？我答有, 中英兩老師仍是一個星期見一次, 巳經比人圍插到飛天。  ...

你仔肯听老師话肯去作文咁係䃼啦!
我仔直头唔肯做, 無計。