資優的疑惑

HH_HH

呀囡下月五歲，現讀K2，我冇同佢做過資優測試，但班主任就話佢係有偏向資優嘅特質。

• 1. 阿囡冇乜行為嘅問題，但情感比較豐富，觸動佢嘅情感，就好易喊。社交都唔算大問題，佢鍾意一個人工作，但如果有其他同學叫佢幫忙，佢都很願意合作。
• 2. 由六個月大開始，已經有好強嘅專注力，可以好專注某一件事物，研究玩具，睇書等。而且有好強嘅記憶力，K1開始，係屋企讀認字書，基本上只讀一次，已經記得全書的中文字。K2英文已經可以寫正楷及草書。
• 3.由於呀囡讀國際學校，課程因材施教，比同年紀嘅小朋友進度已經快，佢已經讀緊K3嘅課程。阿囡K1嘅時候，已經可以掌握用廣東話，英文，普通話，講同一個故事，不同語言的版本。呀囡由2歲半起學西班牙文，每星期一堂，現在已可以跟西班牙老師溝通。
• 4.佢有出去讀普通話補習班，每星期一堂，其實佢冇特別必要外補，但佢自己好鍾意，因為補習班教嘅內容比平日返學嘅程度更深，讀得好開心，所以俾佢繼續讀。
• 5.呀囡好鍾意睇一啲太空，科學嘅書，書入面有時睇到一啲理論，佢都可以明白到。我有諗過，會唔會係早教嘅關係令到佢比其他小朋友更快學會知識，有同班主任傾過呢個問題，老師說如果因為早教，佢未到程度，亦未能吸收當中知識。佢好似有一種好強嘅求知欲，準備去爆發，隨時吸收學習知識。
  

阿囡資唔資優，對我來說並不是最主要嘅問題，因為我想各方面也平衡，尢其佢嘅身心發展。嚟緊新學年，佢會轉去一間學術更深嘅國際學校，希望可以係呢間學校，滿足到佢嘅求知欲。

我擔心嘅問題，1)呀囡對着自己很大壓力，對自己要求很高，對自己好有計劃，所以經常瞓覺，瞓得唔好(4歳幾人，唔鍾意瞓覺，每日只訓8-10小時)。2)呀囡已經可以認到啲好深嘅中文字，但同時，佢手腕，大小肌肉發展未係成熟，寫筆劃深的字對佢來講好吃力，所以我怕佢對書寫失去興趣。3)其實我唔係好知點樣做，應該順應佢的發展，不斷尋求知識；還是抑制佢嘅求知欲，唔好俾佢發展咁快，等佢同同年紀嘅小朋友一齊學習成長。

小曳人

1) 完美主義响資優兒當中好常見，試下俾d野佢學輸，明白我地唔係樣樣野都做得好，但我地要主視及享受過程
2) 細個d有無玩小肌訓練嘅玩具？其實十隻手指都有長短，既然係讀國際學校，就唔駛太擔心，慢慢啦~
3) passion 係有機會因被壓抑而失去嘅，身邊亦有例子，但我唔可以"建議"你點做，因為呢d關係於你想俾d乜個女！我個人主張孩子主導學習 (蒙特梭利)，但換嚟係有d人會話係我搞到個仔返學變得無聊 (本地學校) ，雖然話係讀緊國際學校，但我估at some point，佢都有機會覺得課室所教嘅好無聊，你自己衡量喇~

sillydad

HH_HH 發表於 18-5-29 13:22
呀囡下月五歲，現讀K2，我冇同佢做過資優測試，但班主任就話佢係有偏向資優嘅特質。1. 阿囡冇乜行為嘅 ...

那麼你的疑惑是什麼?

HH_HH

sillydad 發表於 18-5-29 21:10
那麼你的疑惑是什麼?

疑惑－唔想諗多呀囡係資優。但事實佢現在的學習進度比同年齡快好多，唔知應該點樣處理

964000

HH_HH 發表於 18-5-29 13:22
呀囡下月五歲，現讀K2，我冇同佢做過資優測試，但班主任就話佢係有偏向資優嘅特質。

1. 阿囡冇乜行為嘅 ...

.......

dlam141231

說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible two, 沒發生他身上.  三歲定八十, 小學, 中學, 大學, 到社會做事, 性情也如是.   

三歲許入讀幼兒園, 偶爾老師也讚句聰明, 那個年代卻不流行老師跟家長說令郎可能是资優兒.

我最相信的一套是自幼培養廣泛閱讀興趣, 請留意, 是閱讀興趣, 不是閱讀能力.  我不記得他三, 四, 五歲時會看懂些甚麼書, 只記得他喜歡閱讀, 也享受母親培讀這段時光.  今年春節兒子從美國返港過農曆年, 果然, 我在他背包裏看到两本書, 一本閒書, 一本跟工作有關.   兒子像其他男生一樣也鍾愛打機, 但旅程之中, 背包裏總也帶著書本.

我也沒在家中教他數學, 總之幼兒園教甚麼就是.  但三歲開始玩Lego, 五歲開始學習國際象棋, 這些都應當有助思維發展.   上文有網友提到學會輸, 學棋確是可以讓孩子學會輸.  我見過有孩子輸棋哭喊, 更甚者有打翻棋盤.   國際象棋一直學到上中學才停止, 這七,八年間鍛鍊出過人專注力.  我慢慢留意到, 兒子自恃聰明, 讀書相對hea, 但每到考試, 他都能立時安下心來, 發揮得比預期中好, 無論升小升中升大, 都能取得意料之外的佳績.   

三歲開始習泳, 一直到上中學才停止.   其餘也有讓他上過畫班, 跆拳道班, 音樂班等, 見他沒興趣的沒天份的, 遂一篩選, 集中一體一藝, 就是習泳和國際象棋.

到兒子小學, 申請资優課程, 按校方規定要做IQ test.  夫家两代人都是讀書聰慧, 我當時猜想兒子大概也是讀書種子.  测試結果是IQ 147, 文理俱優, 理勝於文, 邏輯思維強.

兒子小六的暑假, 我開始教他煮簡單的菜式, 他在美讀大學的幾年, 大三開始搬出去住, 都是自己燒菜, 两個室友大讚, 結果是兒子煮, 室友洗碗清潔.   這些都是生活, 中學幾年在家中也要他每週负責洗廁所洗露台, 不會因為讀書而不讓他做.

去年兒子從美國名牌大學畢業, 他選擇了留美先工作两年再返校園.  他的工作, data science, 跟數字有關, 是他的強項, 更是他的興趣.  他說了, 明年再返校園, 也會朝著這方向發展.

寫了這麼多, 是想表達, 若是资優, 走不掉的, 天赋也不會被浪費.  孩子幼時, 養成好良好生活習慣, 和健康體魄, 多多親子, 有親厚母子關係, 才是正途, 這是我所經驗所得.   

Appleqq

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

謝謝分享，獲益良多!

HH_HH

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

謝謝你的分享，你兒子的成長經歷，我得到點啟發。

picture

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

(emoji)(emoji)

citygirl

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

好好嘅分享！

cafeva

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

謝謝分享。不知如果是女孩子的話，你會有不同的培育嗎？

mermaidmama

回覆 dlam141231 的帖子

聽講好多資優兒都有情緒問題，但你個仔性格溫和又易與人相處，真係幸福！

ABC-DAD

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

《寫了這麼多, 是想表達, 若是资優, 走不掉的, 天赋也不會被浪費.  孩子幼時, 養成好良好生活習慣, 和健康體魄, 多多親子, 有親厚母子關係, 才是正途, 這是我所經驗所得.   》

寫得很精要。
很久沒看過文筆咁好嘅分享。


可否請教一下你，
1對語言發展你沒有太多著墨，故唐突點問一問你個人觀點。
2對於有家傭照顧的小朋友，跟全職媽媽照顧的小朋友，你個人有沒有建議能分享一下呢？


謝謝！

王家爸爸

小曳人 發表於 18-5-29 16:00
1) 完美主義响資優兒當中好常見，試下俾d野佢學輸，明白我地唔係樣樣野都做得好，但我地要主視及享受過程
2 ...

學輸

mewbubie

dlam141231 發表於 18-5-30 13:15
說說我兒情況.  他自幼性格溫和, 易與人相處.  5個月大戒母乳後便一覺睡天光,很易湊.  西方人說的terrible  ...

很棒的經驗分享！讀後得到啟發！多謝