羽毛球 定 讀書 ?

9284

阿女而家9歲, 好在就讀一條龍小學, 無升中煩惱, 本身學校功課又唔多, 可以比佢平日放學後的時間打下校隊, 又打下羽總青苗, 加埋星期六私鐘, 一星期都打左4日波, 在我黎講, 已經係好極限, 始終學校都有Project, 功課, 默書, 測驗, 星期日要留番做family day. 但係而家漸漸覺得, 再打上去都好似無咩意思, 因為好似獎項又唔係好攞到, 平時又無咩時間可以溫書(用哂黎打波), 成績得過且過, 有陣時靜靜地自己一個人都會唸下究竟阿女條路應該點呢? 再花時間打波, 學業就越來越求其, 但而家的大趨勢始終係讀大學, 要考DSE, 我唔係想阿女做運動員搵食, 但都想佢有一技旁身, 究竟係咪真係要取捨呢?有無過來人可以分享下?

miriam

9284 發表於 18-5-28 11:39
阿女而家9歲, 好在就讀一條龍小學, 無升中煩惱, 本身學校功課又唔多, 可以比佢平日放學後的時間打下校隊,  ...

我囡已經 S.3, 今年要揀科

佢由 P.1 開始學跆拳, 亦都用呢個專項入到佢想入既中學, 亦都入埋少訓.

開頭我都諗做運動員搵唔搵到食, 但強扭的瓜不甜, 佢真係好鍾意運動, 亦因為運動而自動波追成績, 點解我要反對.

依家佢除左跆拳亦有另一專項, 岩岩先完成青苗, 黎緊暑假又報左訓練班, 好老實, 我只係講左一句 "你自己小心成績, 主科炒左暑假要返學校補科, 唔想既自己安排時間".

早幾日先問佢數學專補要唔要加堂, 佢同我講約左喇~~


咁我對佢既喜好仲可以點反對呢~~

9284

或者咁講, 我個女唔係特別上進果隻, 起碼學業上仲要我跟到好足, 考試測驗仲未識自動波溫書, 飯來張口果種, 雖然佢好鐘意打波 (起碼鐘意過對住本書), 但又成日唔肯快D做哂D功課, 等自己可以多D時間練波, 成日踢一踢先YUK一YUK, 如果佢打波有成績, 我唔介意投資多D時間金錢, 但而家好似東不成西不就

MrBeast

我覺得在運動中得到的experience或許對將來學業或事業有幫助，尤其龍，我會繼續

Jane1983

我個case類似，都係一星期四日，仲有個問題係好貴。

miriam

MrBeast 發表於 18-5-28 12:38
我覺得在運動中得到的experience或許對將來學業或事業有幫助，尤其龍，我會繼續 ...

讀龍校真係好好, 無呈分試唔使驚跌 band.
我囡 P.6 時我為左想佢成績好 d, cut 鬼左佢學校田徑隊, 點知佢精力無限無得發洩, 呈二同我黎個大冧檔, 成績跌到 B1 尾邊緣.............

我囡係咁多年既比賽, 轉另一專項時又識到唔同學校既人, 眼界亦都唔同左.

仔仔錫錫你

水能載舟亦能覆舟。 我女p4,玩緊兩項專項運動，2樣都入左港隊（但遲d會離開其中一隊），亦玩很多其他項目，亦有獎項。玩咁多不是為報升中，純粹想升中前玩多d，因玩可以學習不少解難方法和與人相處。升中後會很忙，想玩唔易。所以玩多d,我個人認為是對的，亦不用追求獎項。但大前提仍要以學業為重。始終香港好現實，讀唔成書就差不多=0 學一門手藝仍需一定程度學術back up才可成功。 我會同小朋友定好練球及學習時間，成績唔達標就要減練球時間。小朋友多數會為左玩而努力的，加油。

shadeslayer

羽毛球就算好勁，拿哂奬打到體院靑年軍，到中學後期，還要決定全職打波或讀書。

MrBeast

Jane1983 發表於 18-5-28 12:48
我個case類似，都係一星期四日，仲有個問題係好貴。

某些sports ，技術到咁上下，可以約同學一起練，打下分又無咁悶，一舉兩得

haihaimom

9284 發表於 18-5-28 11:39
阿女而家9歲, 好在就讀一條龍小學, 無升中煩惱, 本身學校功課又唔多, 可以比佢平日放學後的時間打下校隊,  ...

同我仔情況幾似，我哋都係龍校唔駛擔心升中。中、英、數成績keep住中游我收貨。讀得龍校緊係要玩體藝，唔玩就真係對唔住自己。我仔會快快手做完功課去訓練，我反而覺得運動令到佢個人更有自信同更積極及更堅毅。當然有時功課會馬虎啲，不過整體來說好既影響多啲。

Jane1983

MrBeast 發表於 18-5-28 13:04
某些sports ，技術到咁上下，可以約同學一起練，打下分又無咁悶，一舉兩得

真係，要仔細度吓。

little_yolky

9284 發表於 18-5-28 12:33
或者咁講, 我個女唔係特別上進果隻, 起碼學業上仲要我跟到好足, 考試測驗仲未識自動波溫書, 飯來張口果種,  ...

要多D同佢傾計, 大個了, 都要為自己諗多D。

MrBeast

9284 發表於 18-5-28 12:33
或者咁講, 我個女唔係特別上進果隻, 起碼學業上仲要我跟到好足, 考試測驗仲未識自動波溫書, 飯來張口果種,  ...

有時我會用運動上的經驗（最好用成功positive的）做metaphor，有時我自己也會反思下運動和學業上的共通點找啟發

9284

MrBeast 發表於 18-5-28 12:38
我覺得在運動中得到的experience或許對將來學業或事業有幫助，尤其龍，我會繼續 ...

就係因為係龍校, 先至放心比佢玩左4年, 如果唔係我一早就CUT左, 要佢專心讀書

9284

Jane1983 發表於 18-5-28 12:48
我個case類似，都係一星期四日，仲有個問題係好貴。

貴唔貴都仲係其次, 一體一藝呢D野, 預左比錢, 但精神和時間是無價的, 用左精神/時間在羽毛球, 自然少左精神/時間讀書, 呢D先至要慢慢計

9284

仔仔錫錫你 發表於 18-5-28 13:00
水能載舟亦能覆舟。 我女p4,玩緊兩項專項運動，2樣都入左港隊（但遲d會離開其中一隊），亦玩很多其他項目， ...

佢好勁WOR, P.4已經入左2項港隊, 一星期要訓練6日, 邊得黎咁多時間?

9284

shadeslayer 發表於 18-5-28 13:02
羽毛球就算好勁，拿哂奬打到體院靑年軍，到中學後期，還要決定全職打波或讀書。
...

我就係預計到前面條路會係咁, 遲早都要決定, 所以而家想好好考慮清楚

9284

haihaimom 發表於 18-5-28 13:07
同我仔情況幾似，我哋都係龍校唔駛擔心升中。中、英、數成績keep住中游我收貨。讀得龍校緊係要玩體藝，唔 ...

其實我的確相信一定係好處多過唔好處, 不過我考慮既係, 為興趣而打? 定係為將來而打? 如果只為興趣, 我唔需要一個星期打四日, 如果為將來, 我會比佢一個星期打足六日, 就係而家兩頭唔到岸, 都唔知點好

Jane1983

9284 發表於 18-5-28 14:07
貴唔貴都仲係其次, 一體一藝呢D野, 預左比錢, 但精神和時間是無價的, 用左精神/時間在羽毛球, 自然少左精神 ...

差不多一年10萬的使費，我真心覺得貴。不過佢無補習，所以就當補習使咗。

我會再睇多一兩年，如果唔能够有突出表現，或者佢的興趣退减，會cut ga。

9284

Jane1983 發表於 18-5-28 16:15
差不多一年10萬的使費，我真心覺得貴。不過佢無補習，所以就當補習使咗。

我會再睇多一兩年，如果唔能够 ...

所以有陣時都會唸, 如果呢D錢洗落去佢身上補習, 可能成效仲大, 自問阿女而家學業根基其實打得唔穩, 再讀上去可能會辛苦, 好多家長都有同我分享, 其實學左一樣運動咁多年, CUT左佢好似心有不甘, 但係其實魚與熊掌, 好難樣樣都要, 其實無幾多個小朋友鐘意讀書, 但現實世界就係咁, 你運動叻到比你代表港隊好未? 香港運動員又有幾多個冒出頭來? 李慧詩, 黃金寶, 珊珊, 伍家朗? 數來數去咪又係呢幾個....... 體院每個月比D全職運動員, 出糧都係得萬零兩萬蚊, 日日訓練到死咁.......HK運動員叻到在香港出哂名, 到打世界性比賽時, 又有幾可有冠軍攞(有冠軍先有獎金和名氣), 我真心睇唔出香港運動員辛辛苦苦訓練完出來又有D咩成就