個仔好想入演藝，請問要點栽培？(9/2014)

Kanax

3年幾前，這樣問過。
今日收到LTCL(單簧管)成績，有87分，想同幫助過同俾過意見我嘅朋友分享下我地嘅近況。

自從攪清楚條路點走，個仔一直都好努力，佢對音樂嘅熱誠一D都無減退。
自從2014年9月，搵左APA老師私人教之後，第2年入左APA JMC，買左兩支單簧管、考左8級，上年考左ATCL，得7X，所以今年4月再考LTCL，終於叫做攞到個distinction。(琴都考左ATCL，但都係7X。) 期間由YSB轉左去YSO，每日都係沉浸响音樂之中，非常開心。明年考DSE了，佢目標仍然係APA，雖然知道仍然競爭好大，要俾心機繼續努力，但感覺已一步一步走近目標，我都非常替佢開心。

好多謝你地！特別係jandtfamily、RachelNgMaMa！

JJDINOSAUR

Kanax 發表於 18-5-21 16:52
3年幾前，這樣問過。
今日收到LTCL(單簧管)成績，有87分，想同幫助過同俾過意見我嘅朋友分享下我地嘅近況。 ...

恭喜！ 你仔仔好叻、好有決心，最幸福係有媽媽支持！

我仔亦對音樂好有熱情，佢拉大提琴嘅，雖然人仔細細（下個月滿八歲），已經話要入演藝主修大提琴，要成為大提琴家 。

我想請教你，你係點樣栽培仔仔？

titibaby

跟緊APA 老師，應該老師最清楚

或許請老師介紹department head 了解吓機會攞d feedback

讀音樂，這是好普遍的。老師也需要好學生


補充... 再看主題才看到你不是提問而是分享.... 能找到自己想要的，真好，加油(emoji)(emoji)

fany

Kanax 發表於 18-5-21 16:52
3年幾前，這樣問過。
今日收到LTCL(單簧管)成績，有87分，想同幫助過同俾過意見我嘅朋友分享下我地嘅近況。 ...

替你開心！可以找到自己的興趣並不容易！你仔仔咁有目標和勤力，做媽媽的一定支持到底！

你仔仔是幾大才決心行音樂路？是學鋼琴先？兩種樂器同時學怎様兼固呢？

Kanax

JJDINOSAUR 發表於 18-5-21 21:09
恭喜！ 你仔仔好叻、好有決心，最幸福係有媽媽支持！

我仔亦對音樂好有熱情，佢拉大提琴嘅，雖然人仔細細 ...

謝謝！
因為咩都唔識，所以首先係响度問人意見。
之後搵左一位APA老師私人教，學左年幾成功入左APA嘅JMC到而家。
當年讀緊中二單簧管只考到5級，跟左APA老師後每年考一次試，即8級、ATCL、LTCL，上年亦考左樂理8級。
佢一向有玩開音樂事務處嘅樂團，每年有好多表演，好多機會練習。

希望你仔仔都保持到呢份熱情，將來成功做到大提琴家！

Kanax

titibaby 發表於 18-5-21 21:52
跟緊APA 老師，應該老師最清楚

或許請老師介紹department head 了解吓機會攞d feedback

謝謝！因為見佢都考得幾好，好想話返俾jandtfamily、RachelNgMaMa知，佢地真係幫左我好多！

LeeCC

阿仔都喜歡音樂，由幼稚園第一次去演藝學院開放日開始，就常常將“大個要去演藝學院返學”掛在嘴邊

每年去開放日認識到新東西，就會自己嘗試做，道具 ，拍短片，作曲 ，配音，乜都試做。結果幾年來發展了不同關於藝術的興趣，志願都改過好多次，一時話要做鋼琴家，一時話做作曲家，一時又話做指揮，又話要做導演，舞台設計，但都離不開演藝學院的範疇

Kanax

fany 發表於 18-5-21 22:20
替你開心！可以找到自己的興趣並不容易！你仔仔咁有目標和勤力，做媽媽的一定支持到底！

你仔仔是幾大才 ...

謝謝你！
「可以找到自己的興趣並不容易！」非常認同，我自己都無特別熱愛嘅野，反而我兩個小朋友各有喜好，而且都係中意到瞓晒身，我都覺得好開心。


我個仔細個時已中意音樂，4歲幾參加音樂班發現佢學得好快，而且對樂理方面知識係好明白。但因有少少天份，變得自負，有一段時間唔肯練琴，所以唔俾佢學左幾個月，直到佢應承認真練，當時都係响BK講過呢個問題，有位老師自薦，想試下教我個仔，一教就教到而家。佢琴已經考左ATCL，但佢對單簧管興趣大D，所以只係keep住學，暫時唔會再考。


大概8歲時話單簧管D聲好聽，想學，報左音樂事務處嘅班，老師見佢好有興趣，推薦佢入左兒童管樂團。佢嘅熱情相信所有識佢嘅人都睇到，所以音樂事務處所有音樂會、就算唔關佢事，要搵人幫手，第一時間都會搵佢。剛剛有個音樂會，個樂團想要單簧管幫忙吹一小段，佢都有去幫手，所以後來另一樂團要去日本交流但唔夠人，都有叫埋佢去。

從佢身上我都學到，只要你肯努力、肯付出，真係會得到好多機會。

Kanax

TCBJ 發表於 18-5-22 00:38
回覆 Kanax 的帖子

真心欣賞你的小朋友，有毅力、恆心，要找到自己的興趣並且堅持下去，是一件困難的事， ...

謝謝你！

LeeCC

Kanax 發表於 18-5-23 15:06
謝謝你！
「可以找到自己的興趣並不容易！」非常認同，我自己都無特別熱愛嘅野，反而我兩個小朋友各有喜好 ...

孩子能認清自己的目標，太好了

Kanax

LeeCC 發表於 18-5-23 14:58
阿仔都喜歡音樂，由幼稚園第一次去演藝學院開放日開始，就常常將“大個要去演藝學院返學”掛在嘴邊

每年去 ...

你仔仔真係多才多藝！最難得係佢會落手落腳去做，繼續努力！

以前我都有同佢去睇演藝開放日，好多野睇同玩！我都好中意。
另外亦有同佢去音樂事務處辦嘅音樂日營，都好好玩架！

LeeCC

Kanax 發表於 18-5-23 15:16
你仔仔真係多才多藝！最難得係佢會落手落腳去做，繼續努力！

以前我都有同佢去睇演藝開放日，好多野睇同玩 ...

佢都未認清目標，一時一樣，不過還是小學生，讓他慢慢摸索吧

fany

Kanax 發表於 18-5-23 15:06
謝謝你！
「可以找到自己的興趣並不容易！」非常認同，我自己都無特別熱愛嘅野，反而我兩個小朋友各有喜好 ...

看到小朋友的天份，他自己又願意付出努力，一步一步向目標進發，真替你高興！

小女也愛音樂，但在我來看，她不算有天份。同時學兩種樂器，加上學業，活動，非常忙碌，也未能好好運用時間練習。帶她上堂，去樂團，音樂會，看youtube ，我很享受，但也怕這不是她真正興趣，只是媽媽的一廂情願。剛去了考pre junior ，明知機會不大，但自己又好渴望她考上，若真的考上，她真的能應付嗎？心情好忐忑。

Kanax

fany 發表於 18-5-23 15:47
看到小朋友的天份，他自己又願意付出努力，一步一步向目標進發，真替你高興！

小女也愛音樂，但在我來看 ...

我都唔覺得我個仔特別有天份。
佢讀書OK，自動自覺，所以唔係用好多時間。
佢得閒會自己上youtube睇音樂會，或一路聽歌一路睇譜。
佢唔好多打機、上網(上網都係睇音樂會)，所以都幾多空閒時間。
練琴佢唔係固定練幾多，有時諗起邊D歌想彈就彈，單簧管都係，練習時間好多時都在半小時以內。
因為一星期有3日要出去(我地住新界，交通時間往往要大半個鐘)學樂器、練樂團，佢搭火車時就會攞本書去溫習，佢而家中五，所以都比較緊張學業。

由於佢做嘅野，包括上堂、練樂團、在家練習、聽音樂會、睇youtube都係佢嘅興趣，一得閒就會做，唔覺得辛苦或緊張，所以係好開心，好輕鬆。

不過佢都成日話自己好忙，因學校越來越多野做，到中六佢都打算暫停學琴。
自從佢開始學樂器，就算學校考試都會繼續，有時會得佢一個上堂，不過佢攪得掂我就唔理佢。所以從小打好基礎，讀書考試無壓力都好重要。

其他活動就無，淨係暑假會迫佢去游下水，做下運動，始終健康都好重要。

LeeCC

Kanax 發表於 18-5-23 16:54
我都唔覺得我個仔特別有天份。
佢讀書OK，自動自覺，所以唔係用好多時間。
佢得閒會自己上youtube ...

小朋友肯自發是最大動力，阿仔每日都彈琴，之前細個d, 如果有日無得彈琴佢會哭，老師話教左20幾年琴，第一次有學生無得彈琴會哭的。

佢都中意上網睇音樂會，不過唔會甘乖睇住譜，只系睇完音樂會，自己彈返d 歌出來，平時練習都唔多願意睇譜，好在老師都令到佢肯練睇新的譜，每星期俾幾首新歌佢自己試彈，俾d 挑戰佢，所以sightreading成績唔錯。

Kanax

LeeCC 發表於 18-5-23 17:08
小朋友肯自發是最大動力，阿仔每日都彈琴，之前細個d, 如果有日無得彈琴佢會哭，老師話教左20幾年琴，第一 ...

真係啊，能夠有呢種熱誠係成功最大關鍵。(雖然唔敢話我個仔好成功，但真係能向住自己目標前進！)以前我個仔去到邊，一見到琴就會彈。
好老師都好重要，能根據佢問題去啟發佢，老師本身有熱誠，小朋友都會感染到。

Ocean419

恭喜你，仔咁生性懂事為自己定立明確目標、為目標努力付出！

想請教你APA這條路，是指棄傳統8大學學位，在APA專修音樂和樂器？考完LTCL 後仲有咩試會考？要讀幾多年才畢業和畢業後的工作前景如何？如果他日我小朋友願意我亦會支持他們向音樂方面發展，只是我自己沒有音樂背景，不太瞭解這條學業+事業路

Kanax

Ocean419 發表於 18-5-24 07:18
恭喜你，仔咁生性懂事為自己定立明確目標、為目標努力付出！

想請教你APA這條路，是指棄傳統8大學學位，在 ...

謝謝你先！
APA這條路，是指棄傳統8大學學位，在APA專修音樂和樂器？係。我仔首選入APA，會照考DSE，JUPAS會報MUSIC，如APA唔收，就會考慮入8大嘅音樂系。

考完LTCL 後仲有咩試會考？
可以考FTCL，但明年考DSE，之後先考慮考唔考FTCL。


要讀幾多年才畢業和畢業後的工作前景如何？
我諗同讀大學一樣，佢有聽APA嘅講座，好似D畢業生多數做freelance，教音樂、伴奏、攪音樂會、做音樂老師、指揮業餘樂團、入音樂事務處做等等都有。如果你個小朋友想讀，中四五都要留意APA嘅admission talk，咁就會清楚D。

bb630

能夠找到人生的方向, 真替你和你仔仔高興!

我仔都有學樂器, 而且學得不錯, 但音樂路難行, 我仔都有同我講將來想入APA讀音樂, 但他仲細, 我怕他未認清方向...