一起來做臭皮匠：如何改良呈分試制度？

kwunpa

贊成一次過升中試，簡單又公平。建議如下：
1. 一次過全港統一公開試，六年級下學期，三月頭考，五月出成績及報中學，六月中學面試收生，七月注冊。一次過，學生衹是折磨一次，唔系三次。亦唔需要四年級開始就操。

2. 衹考中英數，唔考其他無謂科。成績以 A - J 表示，E 或以上合格，類似以前會考評分制度。

3. 中文： 50% 作文， 50%閲讀理解。無聽力，無説話評估。
                無範文，無得背書。作文最看得出一個人的語文能力，起碼 50%以上。
    英文： 30% listening, 20% oral, 30% reading, 20% writing.
                50% 或以上是聽講， 英文而言，小學生應該培訓聽講爲主，現在一般官津學校嚴重忽視。如果學校日操夜操英文聽講，我又唔介意。怕學校英文老師自己英文聽説能力唔掂姐，唔好話教人。
    以上範圍，基本上無得操，操的話是真正鍛煉到學生的語文能力，不是操無謂野。


4. 各中學自己收生，全部自行，無抽獎，時間上直私不存在收生優勢。順道解決男女生一條隊問題。無抽獎，無 banding, 唔存在band 1 女多男少，女仔先抽。中學自行收生，可因應情況多收男生，因中學也知男生遲發育，遲起步，而且數理強，語文弱；中學可自己調節男女收生比例。

5. 對於突然有病無考試的學生，可以小學校長推薦加校内成績報中學，很多中學是信任有往績的學校或有信譽的小學校長。

6. 小學重返半日制！這是重要的，學校點操都系半日，學生仲有時間做其他野或上興趣班。升中試不考 術科，學生自己可課餘做，更靈活。

dgshygh

kwunpa 發表於 18-4-30 00:46
贊成一次過升中試，簡單又公平。建議如下：
1. 一次過全港統一公開試，六年級下學期，三月頭考，五月出成 ...

感謝你的詳細意見

王家爸爸

ar_mak 發表於 18-4-29 23:46
呢個想法我係偏幫成績唔好既同學仔，比佢覺得個世界未死得哂，仲有一次機會既。。。當然呢個係ＦＦ啦。
Ｐ ...

其實公平有兩個層次，一類係真正既公平；另一類係程序上既公平。真正既公平只係喺烏托邦、桃花源之類既理想世界存在。程序上既公平，其實現有既制度對學生而言，係基本上達到既，唯一你可以話程序上唔公平既就係直屬、聯繫既保留學位。

王家爸爸

kwunpa 發表於 18-4-30 00:46
贊成一次過升中試，簡單又公平。建議如下：
1. 一次過全港統一公開試，六年級下學期，三月頭考，五月出成 ...

其實有啲似英國既 Key Stage 2 考試，亦都有啲似之前既 TSA。你既建議就好似將 TSA 同 HKAT 合併，然後提早考。

hkpapa852

ar_mak 發表於 18-4-29 23:46
呢個想法我係偏幫成績唔好既同學仔，比佢覺得個世界未死得哂，仲有一次機會既。。。當然呢個係ＦＦ啦。
Ｐ ...

你所謂既"三次呈分只計最佳成績", 係以"每科目每次計", 定係"整體成績每次計"呢?

其實論點計, 都可能出現一個問題:

每個名次只取最佳, 咁可能每個名次都會有3個不同學生現

而且, 如果係以"每科目每次計"去選取最佳成績, 可能會令部份學生, 在不同呈分試下, 只盡力考好個別科目

hkpapa852

kwunpa 發表於 18-4-30 00:46
贊成一次過升中試，簡單又公平。建議如下：
1. 一次過全港統一公開試，六年級下學期，三月頭考，五月出成 ...

你既建議, 部份其實係有點"倒退", 或者你可以睇吓升中派位檢討既文件再諗諗:

http://www.edb.gov.hk/tc/about-edb/publications-stat/major-reports/consultancy-reports/9-year-compulsory-edu-review-report/ch8.html

http://www.e-c.edu.hk/doc/tc/publications_and_related_documents/education_reform/MOI&SSPA_report_Chi.pdf


1. 統一升中試其實我係支持, 不過呢香港實在太多道德膠, 話小朋友不適合咁早去面對壓大, 一試定生死, 所以會返轉頭既機會係極低

2. 只考中英數, 其實同Pre-S1無乜分別. 不過, 呢點係升中機制上, 可能係倒退. 因為當年EDB收集意見, 係中小學話學生太集中注重個部學科, 導致學生多方面發展不理想

3. 中學各自收生, 其實我以前都提過類似既嘢, 係全面取消官津學校(或只保留官立學校), 所有學校自行收生, EDB只為中小學生提供類似學券既資助, 資助所有就讀非國際學校既本地居民. 不過, 到時補習生意一定大旺

4. 小學全日制定半日制對小朋友有冇幫勵, 在於學校取態. 小學返完半日都可以要求學生留校補課, 返全日亦可以係下半日唔教書. 淨係睇吓, 現今原來仲有不少小學, 唔係每日都有功課輔導堂就知, 全日制同半日制, 未必太重要.

王家爸爸

kwunpa 發表於 18-4-30 00:46
贊成一次過升中試，簡單又公平。建議如下：
1. 一次過全港統一公開試，六年級下學期，三月頭考，五月出成 ...

小學返半日其實唔係好事，因為上課既時數無變，半日制要有一樣時數，就需要提早上堂，或者遲啲落堂。我唔知道你小朋友讀緊既學校係點運作，但係認識既學校來講，下午大多都係活動。需要知道以前半日制係點運作，小朋友好早起身返學，然後，中產既小朋友一般都係，下午立刻去補習班（有啲有午餐飯盒供應），或者食咗飯先去。低下階層既小朋友有兩種做法，一係去圖書館、或者返屋企溫書，一係做街童。
結果係低下階層既小朋友係社會上游既可能性低咗（唔係個個街童識反省，然後努力讀書）。呢啲制度對我哋可能有利啲，少咗競爭者，但係對社會就未必係好事。

dgshygh

hkpapa852 發表於 18-4-30 09:06
你既建議, 部份其實係有點"倒退", 或者你可以睇吓升中派位檢討既文件再諗諗:

http://www.edb.gov.hk/tc/ab ...

多謝您的詳盡分析

王家爸爸

hkpapa852 發表於 18-4-30 08:53
你所謂既"三次呈分只計最佳成績", 係以"每科目每次計", 定係"整體成績每次計"呢?

其實論點計, 都可能出現 ...

另一個問題係，三次呈分，即係有三條所有考生分數分佈既曲線。呢三條曲線，唔可以通過數學運算令佢哋重疊，所以根本無辦法公平咁取每個學生既最佳成績。

hkpapa852

dgshygh 發表於 18-4-28 21:52
本帖最後由 dgshygh 於 18-4-28 21:55 編輯

我諗家長要攪清楚, 你所認為既問題係乜? 唔係求其講一個大概關聯既名詞.

正如律政司要告人, 用錯罪名去起訴係會出事.

呈分其實只係校內試, 除了各科比重有要求外, 其它要求內部係學校自訂, 我認為無乜需要去改變.

其實大部份家長不滿既"升中派位制度"問題, 主要都係以下幾點:

1. 點解唔可以先公佈自行結果?
2. 點解家長唔可以得知自己小朋友派位組別, 先決定如何選校?
3. 點解小朋友是否B1學生, 唔係靠自己努力就得, 係要睇前人既成績?
4. 是否可把小六TSA和Pre-S1合併?

關於第1點, 話說係2005由田北辰(唔知點解, 香港不少大影響既教育政策, 都關佢事?)帶領既專家團隊, 認真分析和研究以後, 認為提早通知會影響學校既學習氣氛, 所以否決咗.

其實, 到所有官津公佈自行結果時, 好大機會已經係5月下旬, 仲有D咩既學習咁緊要呢? 準備畢業試? 小六TSA? 定係Pre-S1?

第2點呢其實要解決好簡單, 之前我曾向EDB同立法會議員提出意見, 不過收到既回覆呢..... 大致如下:

派位機制過往一直行之有效, 加上學校老師有充足資訊和經驗, 絕對可為學生提供合適既派位意見

見到開頭兩句已經有D火起, 睇埋第三句呢, 更加......

至於第3點, 呢個係一個好複雜既課題, 因為要顧全道德膠保護兒意既想法, 要改變不是易事.

第4點, 又要去話吓田生, 又係當年佢帶領既專家團隊, 係認真分析和研究以後, 認為不適宜合併

hkpapa852

hkpapa852 發表於 18-4-30 09:22
我諗家長要攪清楚, 你所認為既問題係乜? 唔係求其講一個大概關聯既名詞.

正如律政司要告人, 用錯罪名去起 ...

或者我又講吓當年我向EDB同垃法會議員提出既關於"如為學生家長提供小朋友派位組別既資料, 而能保留私穩既方法"既建議, 俾大家睇吓:

其實好簡單, 開發一個 IT 介面, 俾學生家長去查詢, 而賬號密碼只有學生家長有

方法係EDB為各小學既學生提供學生資料表時, 同時為佢地設定一個 IT 系統上既賬號. 同時把一封記錄了賬號啟用碼既信, 連同學生資料表一齊交俾小學/學生家長.

家長需要按信中方式啟用賬號, 日後就可查詢派位組別 (包括全港和本區), 以至核實統一派位既填表資料 (甚至可以係個 IT 介面填埋表都得).

呢個 IT 開發, 其實只係小case, 可惜當局唔認為有需要

王家爸爸

hkpapa852 發表於 18-4-30 09:22
我諗家長要攪清楚, 你所認為既問題係乜? 唔係求其講一個大概關聯既名詞.

正如律政司要告人, 用錯罪名去起 ...

EDB同立法會議員對第2點既回覆又唔係完全無道理。第一，學校老師真係有充足資訊和經驗，問題係校長同老師既溝通有無問題，校長係唔係搵最有經驗既老師做升中班級既班主任。第二，派位機制雖然唔係最好，有好多改善空間，但係過往又真係大致上一直行之有效。從官僚既角度來睇，又真係一動不如一靜，因為任何改變都會有新問題出現。

王家爸爸

hkpapa852 發表於 18-4-30 09:22
我諗家長要攪清楚, 你所認為既問題係乜? 唔係求其講一個大概關聯既名詞.

正如律政司要告人, 用錯罪名去起 ...

第3點就其實唔合理既。但係，又真係有啲無仔女，或者仔女係制度外既道德膠興風作浪，影響決策。

hkpapa852

hkpapa852 發表於 18-4-30 09:30
或者我又講吓當年我向EDB同垃法會議員提出既關於"如為學生家長提供小朋友派位組別既資料, 而能保留私穩既方 ...

至於另一個大議題: 點解學生分Banding要睇前人成績

呢個其實我都諗過吓:

1. 保留呈分制度和Pre-S1試
2. 呈分改為小五兩次, 小六一次
3. 將Pre-S1定為每年小六上學期11月下旬應考
4. 小六呈分試統一在2月下旬至3月上旬考
5. 自行面試時間, 統一在3月中旬開始 (在學校呈三之後)
6. 統一派位表於5月中才填寫

主要變化:
1. 小六學生考完Pre-S1成績, EDB會按一貫方式, 全學生定出全港Pre-S1對照分和排名

2. 校內呈分第一名的學生, 只會配對在該年該校呈分排名最高的學生分數. 又舉過例子:

學生	校內排名	Pre-S1分數	配對Pre-S1分數
A	1	93	98
B	2	98	96
C	3	96	94
D	4	94	93
E	5	90	92
F	6	92	90

即如學生A在Pre-S1其非考得最好, 但因在校內呈分排名最好, 所以可以取得最高的Pre-S1配對分

3. 呢個方法, 公開試成績唔係直接決定晒自己既生死, 加上學生能為自己Banding負責. 而且, 亦不需要好似現在要按不同年份不同畢業生人數去調整Pre-S1既對照分

4. 但咁樣變了要考4次試喎? 是否可縮減呈分次數呢? 如果把呈分減為2次, 會衍生出一個問題, 可能有多個排多, 會多於一人. 所以點解呈分要以單數次數去進行.

當然可以考慮把Pre-S1也當其中一次呈分, 但又是否合適呢? 呢方面太複雜, 我沒有認真去研究

Yanamami

男士们开如高階討論，我呢d C9參予唔到添~

hkpapa852

王家爸爸 發表於 18-4-30 09:35
EDB同立法會議員對第2點既回覆又唔係完全無道理。第一，學校老師真係有充足資訊和經驗，問題係校長同老師既 ...

我主要係見到呢句扯火啫:

絕對可為學生提供合適既派位意見

王家爸爸

hkpapa852 發表於 18-4-30 09:49
我主要係見到呢句扯火啫:

絕對可為學生提供合適既派位意見

世事無絕對。可以為學生提供合適既派位意見，係基於好多假設。例如，老師真係用心做，老師真係會去研究實際派位情況等等。有假設就無絕對。

猴子爸

政府經常話要公平，公正，公開，但如果處理事情時“不透明”，又如何理想可達到？
如果現行制度要20年加20年才可改變，那麼起碼讓家長及學生知道：
-        所有小學過去一年的band1/2/3畢業生比例
-        所有中學過去一年的band1/2/3收生比例
-        如果自行結果不能提前知道，起碼要讓直資和自行在同一賽場上比拚，官津繼續兩個位，其他可以盡填直資（如果有參加該校面試的話），但先後次序會影響派位結果，大家都要到7月初才知結果。

經常話公佈banding會造成標籤效應，不等於不公佈就沒有標籤，現在EK家長一樣知道那些小學／中學是1/2/3線，只是有一定程度是估估下，與其如此，倒不如公開一些，讓好學校得到肯定，都是一件好事。

王家爸爸

hkpapa852 發表於 18-4-30 09:42
至於另一個大議題: 點解學生分Banding要睇前人成績

呢個其實我都諗過吓:

既然將Pre-S1定為每年小六上學期11月下旬應考，Pre-S1分數成績係自己考既，又點解需要再配對，咁比現有制度更唔公平。