排i位定係e位好呢？

lalahk

我仔35m,  幾個月前係協康做左評估話佢有自閉特質，專注力不足，言語遲緩，但智力正常。宜家係私人機構上緊密集及言語治療。本來排緊i位，但密集老師話佢排e位都ok. 加上有好多家長，朋友同我講i位冇咩用，話 d訓練好少，家長又監察唔到，又話i 位特殊老師未必個個都有特殊教育資歷。個個都叫我轉排e位。請問我仔情況，排咩位好d呢？我係 full time mum, 可以帶佢去e位做訓練既。先謝謝各位！

crystal媽咪

如果你有時間就e位啦。因為你可以一齊陪同，見到佢哋點樣做。咁你返屋企做家居訓練

i位有時有冇上堂根本監管唔到， 應該大部分嘅老師都有特殊資歷，不過佢哋唔係一年或者三年制嘅課程。只係得幾個月嘅課程都有， 叫做讀過特殊，有啲認識

lalahk

crystal媽咪 發表於 18-4-24 09:59
如果你有時間就e位啦。因為你可以一齊陪同，見到佢哋點樣做。咁你返屋企做家居訓練

i位有時有冇上堂根本監 ...

明白，謝謝你回覆我呀！咁請問到校服務好d, 定e位好d呢？我仔9月會返k1,佢學校有到校服務，我申請左，但當然係有排排。如果到時學校排到到校服務，又排到e位，邊樣會好 d呢？ thanks!

crystal媽咪

lalahk 發表於 18-4-24 10:39
明白，謝謝你回覆我呀！咁請問到校服務好d, 定e位好d呢？我仔9月會返k1,佢學校有到校服務，我申請左，但當 ...

一般嚟講e位嘅人手比較穩定, 剛推行到校服務嘅時候，親眼見過治療師同埋幼兒老師轉得好頻密， 因為要走好多間，可能太辛苦。兩三個月已經轉咗兩個人，太頻密轉變對小朋友唔好，同埋中間有時可能會出現真空期

lalahk

crystal媽咪 發表於 18-4-24 10:46
一般嚟講e位嘅人手比較穩定, 剛推行到校服務嘅時候，親眼見過治療師同埋幼兒老師轉得好頻密， 因為要走好 ...

原來係咁，唔該哂你解答呀！     

NNNNN

回覆 crystal媽咪 的帖子

請問如果到校服務同i位邊樣好?謝謝你……

crystal媽咪

NNNNN 發表於 18-5-30 02:58
回覆 crystal媽咪 的帖子

請問如果到校服務同i位邊樣好?謝謝你……

要睇到校係咩機構同埋i位係邊一間。
有啲i位長期請唔到人，只得一組。變咗就算入咗位其實同入普通位冇分別。
有啲學校有2-3組。如果唔夠人，其他i老師可下晝同小朋友做番個別訓練。