陸慶濤小學 呈分試疑問

ToMing123

小兒註冊了LHT, 之前看了該校很多資料覺得學校各方面也不錯，惟獨沒有呈分試令我有些疑慮。請問將來升中如想出去報考直資或者自行，沒有考呈分試是否有很大影響？
另外沒有呈分試壓力，有點擔心學習上會不會太“hea”，就算直上羅氏都會突然追得好辛苦…

請問家長可以俾些意見嗎？謝謝

Yanamami

https://www.edu-kingdom.com/forum.php?mod=viewthread&tid=3156761


参考下~

Charlotte_mom

我可以試下答答你第二條問題
我仔女讀有呈分直資龍校。其實95%學生都預左直升，呈唔呈分對佢地黎講根本無壓力（都係校內試一個）。剩落黎嘅5%，多數知公海茫茫，搏自行一擊即中，一早操fit晒年年一大堆獎喺手，當然呈分亦會繼續fit
咁其實打唔打算直升，都會有若干%出去考下其他直資試下實力，不過既然已有龍校收，壓力自然少了

tpmon

ToMing123 發表於 18-4-21 21:12
小兒註冊了LHT, 之前看了該校很多資料覺得學校各方面也不錯，惟獨沒有呈分試令我有些疑慮。請問將來升中如 ...

只要將來不是報考官津的中學，就沒有問題。

直升的PLK 羅氏，也算不錯。

1998Ruby1998

冇呈分唔一定 hea，你爬文睇 St Mary's 個帖，裡面有家長話有 d 人入到 St Mary's，然後讀得辛苦，中文追唔上。有時候可能就係因為龍校冇呈分，學校就會畀多 d 野做／試卷出難 d，咁你就要迫住追上，冇得 hea。

Munma

其實當初考龍校應該都係愛佢一條龍直升唔洗再同大海嘅人鬥過你死我活啫，為什麼考到之後卻反追求跳返入茫茫大海呢？

haihaimom

ToMing123 發表於 18-4-21 21:12
小兒註冊了LHT, 之前看了該校很多資料覺得學校各方面也不錯，惟獨沒有呈分試令我有些疑慮。請問將來升中如 ...

聽讀緊既家長講，LHT一啲都唔hea,反而你要有心理準備，每星期有test。保良局學校，好少hea。

waiwaileung1

係陸小我想你唔好唸會可以hea讀。至於直上羅氏都會突然追得好辛苦，你看看中學交流或升中版面個度多d討論，見話外來生反而辛苦d。

haihaimom

haihaimom 發表於 18-4-22 10:51
本帖最後由 haihaimom 於 18-4-22 10:53 編輯

聽讀緊既家長講，LHT一啲都唔hea,反而你要有心理準備，每 ...

其實我有啲唔明㸃解一條龍會=hea。多咗既時閒用黎培養音樂/運動興趣，閲讀中英文圖書，小學生每曰可以玩一個鐘，依啲先係充實既小學生活。

lcffun

其實hea不hea讀是家長自己才知道。
學校就一點也不hea, 是有要求的，無論是德育品德、學術、音樂和體育。

lcffun

另學校有很好的升中銜接安排和課程，很少聽lht升上羅氏的學生話辛苦。

至於冇呈分，應該是少些壓力和沒有不必要的操練，也可參加多些課外活動和學其他興趣。如果小朋友成績很出眾，也可升中時在自行階段跳船去神校。

其實，最重要都是看看那間學校較適合你的小朋友，小朋友又喜歡和讀得開心。

haihaimom

lcffun 發表於 18-4-22 17:49
另學校有很好的升中銜接安排和課程，很少聽lht升上羅氏的學生話辛苦。

至於冇呈分，應該是少些壓力和沒有 ...

Hea讀我覺得係學生問題多過學校問題。學生㸃樣利用課餘時間？唔係要學校俾好多功課同測驗先識學習㗎。

assado

hea 吾 hea 讀是學生/家長選擇, LHT 一定吾會hea 教, 小测都多。

hkpapa852

明顯樓主對LHT無乜認識。
稍有認識都唔會話擔心LHT會hea

ToMing123

hkpapa852 發表於 18-4-23 07:38
明顯樓主對LHT無乜認識。
稍有認識都唔會話擔心LHT會hea

我是看了EK很多關於LHT的討論，知道LHT很多小測及評估，學術也不差，但當有家長把LHT和其他學校VS，不論是VS直資還是官津，普遍回覆還是其他學校優勝，所以我才有疑問是否因為沒有呈分試導致被比下去。

ToMing123

Munma 發表於 18-4-22 00:43
其實當初考龍校應該都係愛佢一條龍直升唔洗再同大海嘅人鬥過你死我活啫，為什麼考到之後卻反追求跳返入茫茫 ...

我考直私也是為了一條龍升中有保障，只是看到很多家長認為有呈分試的直私龍校學術上比沒有呈分試的直私龍校學術上較好，所以有此疑問。

lcffun

其實我上年也曾有這疑問，但當想清楚，你會看到是沒有一間學校是完全perfect, 又非常適合小朋友，又啱家長要求，大部份人都想找間平靚正讀12年的龍校，有100%b1英中直升，又有DSE成績保證，可將來升讀大學機會率高，小朋友這12年又讀得開心、較輕鬆和多元化。

再加埋兔B和龍B出生率高，競爭非常大。即使有呈分，英中位也是有限，咁變相6年小學又是要不斷狂谷成績，keep在級前頭。如㨂得龍校，又要付學費，何苦要攪到小朋友和大人都咁大壓力呢。

從另一角度，你可諗諗冇呈分其實對你和小朋友有什麼影響呢？

lcffun

個人意見，如㨂有呈分，我會㨂官津讀。但如果龍小和龍中也是很適合自己小朋友，小朋友又喜歡，我會揀直龍讀，不需再煩呈分和升中再爭b1英中位。

如到時小五、六，見小朋友的成績非常出眾，也可考慮到時在自行階段試考神校。我聽很多在LHT 成績叻的高班小朋友其實不想轉校，想直升羅氏，主要因讀得開心，又有一班好同學一齊升中，升到初中時很易適應。

mormorl

我是下一個學期陸慶濤小學家長。在這裡分享我的個人觀點，大家在同一題目上會有不同的看法。沒有必要聽取每個人的意見，亦恐怕你永遠不會找到適合你孩子的學校。根據我自己的觀點，陸小的缺點是 1）該建築物已經使用了太久。如果翻修或像其他學校一樣擁有新的千禧小學標準，這將是一件好事。2）校車網絡不夠大。

lcffun

回覆 mormorl 的帖子

少少補充和分享：第一點，校舍內部上年暑假做了大裝修和設施更新，今年初禮堂也完成大裝修，所以你去參觀學校便見到。
第二點，校車主要cover九龍東。