揀小學排名定校網?請發表意見

connie001

若有兩間小學, 一間在觀塘區, 另一間在九龍塘區, 而觀塘區的一間排名比九龍塘區的一間前五十名左右, 若兩間老師都有愛心及受家長歡迎, 請問各位會選擇那間? 原因是什麼?

mcl203

connie001 發表於 18-4-16 15:30
若有兩間小學, 一間在觀塘區, 另一間在九龍塘區, 而觀塘區的一間排名比九龍塘區的一間前五十名左右, 若兩間 ...

排名？ 係源於邊處既排名 ？～～～

connie001

回覆 mcl203 的帖子

'學校大全', 其實排名出自邊度唔太重要, 只想睇下大家會揀學業成績高D既小學好D, 還是將來有好的中學校網的小學好D。請大家發表下意見。謝謝。

mytambb

connie001 發表於 18-4-16 16:06
回覆 mcl203 的帖子

'學校大全', 其實排名出自邊度唔太重要, 只想睇下大家會揀學業成績高D既小學好D, 還是 ...

排名

little_yolky

connie001 發表於 18-4-16 16:06
回覆 mcl203 的帖子

'學校大全', 其實排名出自邊度唔太重要, 只想睇下大家會揀學業成績高D既小學好D, 還是 ...

你最好開名講係邊兩間, 有時呢D所謂大全個排名係可以好搞笑, 所以資料出自邊度係相當重要。仲有, 你個係仔定女, 都係選擇之一。有好多額外嘢你可能一時間無諗到, 但其他JM經歷過, 會俾你意見參考。

connie001

回覆 mytambb 的帖子

為什麼排名好D?

connie001

回覆 little_yolky 的帖子

係藍田循道和新華德, 你們會選擇邊間?

adriantai

我投新華德, 除非住觀塘(emoji)

mytambb

connie001 發表於 18-4-16 16:52
回覆 mytambb 的帖子

為什麼排名好D?

因為排名一般能夠反映實力，而且受歡迎程度。另外，有一個目標，你的執行會較明確，成功率自然比較高。當然唔係個個榜都ok。

加上上EK可以幫到你，有更詳細分柝。

little_yolky

connie001 發表於 18-4-16 16:56
回覆 little_yolky 的帖子

係藍田循道和新華德, 你們會選擇邊間?

咁藍田循道會好D。新華德都係一間好學校, 不過回應你上個問題, 點解名次高會好D。其實唔係名次高低既問題, 係佢哋過去個升中成績, 新華德响同區入面係一般D。因為唔係話讀到去到邊都一樣, 而係好無奈地, 小朋友升中要睇師兄師姐頭, 佢哋考個pre-S1好, 下兩屆小師妹/弟就派得好D。所以, 如果同區入面, 唔屬於強校, 咁其實無乜著數, B1位俾人哋攞晒, 就算果區B1位足都輪唔到你。所以, 呢兩間比較, 應該係藍循佔優。

connie001

是否自己D成績唔好, 若是B2B3成績, 就算在強校有師哥師姐頂下, 都無補於是? 只會幫到D band1生 ?

connie001

唔好意思, 想再問民生好定藍田循道好?

haihaimom

connie001 發表於 18-4-16 17:24
唔好意思, 想再問民生好定藍田循道好?

民生，有直屬band 1中學喎，band 2生都有啲機會上返中學，重駛考慮？

Yanamami

little_yolky 發表於 18-4-16 17:08
咁藍田循道會好D。新華德都係一間好學校, 不過回應你上個問題, 點解名次高會好D。其實唔係名次高低既問題,  ...

洗唔洗睇埋觀塘区同九龍城区升中既中学呢？

little_yolky

Yanamami 發表於 18-4-16 20:52
洗唔洗睇埋觀塘区同九龍城区升中既中学呢？

九龍城區當然好, 不過觀塘都有D睇頭, 雖然話B1位無九龍城咁足, 但因為响九龍城入面, 新華德相對無乜著數, B1率唔係高, 所以除非好似阿大咁, 排得前, 唔係就變B2。而且, 弱校學生考直資或自行相對蝕底。如果話同學可以自己train up, 咁我相信無論响九龍城定觀塘, 家長都係會train up同學, 所以如果學校既B1率相對較高, 係會好一D。不過新華德入面老師同校長都係very good就是。

Yanamami

little_yolky 發表於 18-4-17 08:33
九龍城區當然好, 不過觀塘都有D睇頭, 雖然話B1位無九龍城咁足, 但因為响九龍城入面, 新華德相對無乜著數, B ...

同意係數新华得要考級10名內先穩陣？如楼主揀民生就两全其美~

little_yolky

Yanamami 發表於 18-4-17 09:35
同意係數新华得要考級10名內先穩陣？如楼主揀民生就两全其美~

咁又唔駛級10內咁誇張。我哋間都唔駛咁誇啦。

connie001

回覆 little_yolky 的帖子

多謝各位的意見, 其實阿女已經讀緊民生初小, 但成績好差, 次次都係合格邊緣, 因民生若有2張PAPERS唔合格就要留班或退校, 雖然未出現這個局面, 但我怕來近一兩年先唔合格被勸離校就太遲, 所以諗下好唔好轉校, 我估阿女在現校約是BAND2 OR BAND3生成績(只是估)。而藍循和新華德或其他津校是我考慮之列。但長輩都有意見, 話冇理由跳出民生而轉其他不知好不好的學校, 因阿女從未經歷大抽獎, 所以對其他學校和規則不清楚, 所以現在十分煩惱, 希望大家俾D意見, 指點迷津。

little_yolky

connie001 發表於 18-4-17 10:06
回覆 little_yolky 的帖子

多謝各位的意見, 其實阿女已經讀緊民生初小, 但成績好差, 次次都係合格邊緣, 因 ...

起碼都轉舊華德啦, 派位都好D。你個直覺係啱既, 如果响民小做B3, 又入唔返民中, 不如轉去出面淺少少學校, 起碼做B2個選擇都好過做B3。

connie001

咁大家認為若成績不是好, 應該留在民生還是轉校, 那個較適合? 其實我覺得阿女唔係好大壓力, 但硬係次次測驗考試溫曬書但出來的成績都唔見好, 我自己就超大壓力, 佢見到自己D成績都唔覺有嘜大feeling。