怪獸家長投訴子女操行得B 九龍名校「造假」設兩份成績表

little_yolky

b3410 發表於 18-4-11 09:50
我哋學校操行俾分都算緊手，不過我覺得又合理喎。大女其實算乖，成績又唔錯，同學關係都幾好。不過操行絕大 ...

呢個標準我覺正常喎。我大女讀五年書, 只試過兩個學期A-。一次係一年級上學期, 老師話, 一開始就俾A, 同學無進步空間, 所以俾A-; 另一次係四年級, 老師話佢唔夠主動, 上堂時明明係識既都唔主動舉手答。我返屋企問佢點解唔主動, 佢話, 成日舉手答, 好似懶叻咁, 唔好, 所以唔會主動舉手。

Junjun7

記得我女之前試過摞操行奬都係A-,我女話老師講嘅，人人都有缺點，沒有完美的，哪裡有A+，返佐六年都係A-,但得一次有奬

大件仔

亞仔學校都有㗎

之前，有精英家長投訴英文老師教得差，令佢兒子果年英文成績走下坡，投訴完下年就不見了那位老師。

另外在呈分亦有家長投訴視藝科老師比分太低，每次都要求加分比佢，學校老師又加比佢喎，所以話，怪獸家長無處不在。

HaYi

好似几多直資中学申請是要b+，我個一般都b+，近期有a-，其實好難，佢一個公職如领秞生班長都吾去申請評核，佢好怕管人，可能都自己知自已事，做其它職位. 如果高班冇出名公職會差些

b3410

ar_mak 發表於 18-4-11 11:06
你已經知道點樣拎Ａ，但又知唔知道點樣拎Ａ＋？

Ａ）係街會幫手捉賊，拎埋好市民獎。

要俾個金紫荊獎佢！

b3410

jumphigh 發表於 18-4-11 10:09
好老師梗係睇你講果啲啦，無良老師就睇果學生家長識唔識做，有冇私下送礼、請自助餐囉  成績做唔 ...

夠膽收禮食飯，唔驚俾人舉報！

JadeW

jumphigh 發表於 18-4-11 10:09
好老師梗係睇你講果啲啦，無良老師就睇果學生家長識唔識做，有冇私下送礼、請自助餐囉  成績做唔 ...

嘩！原來有咁多「好」老師，可以用另類手法加分！ 我認為宜家呢個世代吾應該有，點知回歸後此勢反而有上升趨勢！

Soundervolt

jumphigh 發表於 18-4-11 13:54
最后兩年人人搏殺，家長同學生都有顧忌，因冇人預計到學校知道后会点處理，誰敢係呢個敏感学年出声？
...

我都知有某名校嘅校長同家長經常一齊打牌炒樓（當事人親口同我講），不過已經係半世紀以前發生嘅事。如果今時今日為咗飲飲食食、小恩小惠去優惠學生，呢尐低回報而高風險嘅行為，只可以話蠢到冇人有。

1998Ruby1998

回覆 little_yolky 的帖子

係架，所以我都學會唔舉手（呢一學就學左 7 年），靜觀其變，結果 dead air 冇人答問題。我好鍾意答問題架，因為我知道個答案一定正確，答中好開心。不過同學老師唔係咁諗，同學覺得我好煩，懶叻，老師覺得我抹殺其他學生回答嘅機會，會果堂唔畀我舉手／無視我（明明係佢地放棄？）。
結果老師出招，回答有獎、participation 分。回答有獎好常用，但係都有同學唔稀罕獎勵，participation 分就一定迫到學生舉手，當然仍然有一兩個學生唔稀罕果一兩分，但係舉手率一定翻幾倍。

akys

睇返以前小學成績表，原來自己係乙-，丙+份子。阿仔比我好，B和B-啫。

somoon

deleted

Chowying

Ccccc

KipperBB

jumphigh 發表於 18-4-11 10:09
好老師梗係睇你講果啲啦，無良老師就睇果學生家長識唔識做，有冇私下送礼、請自助餐囉  成績做唔 ...

咪以為分數做唔到手腳，啲作文同口試都係主觀比分，加加減減可以將學生之間的分數差距啦闊，從而造皇。如果成績好接近，一個操行長期A，另一個永世得B，大家一齊去考同一間學校，你估人哋會唔會多個考慮點呢？


其實，老師仲有好多招數，例如特登唔比個學生入校隊，無得代表學校出賽，等佢張cv無咁靚，成績表評語寫到平平淡淡，又或者讚兩句又暗踩一句，總之要玩人大把嘢可以做。

ANChan59

KipperBB 發表於 18-4-12 02:04
咪以為分數做唔到手腳，啲作文同口試都係主觀比分，加加減減可以將學生之間的分數差距啦闊，從而造皇。如 ...

點解會咁多個老師同時做一個學生？似大台的膠劇多些！

一個就話啫，個個都針對佢，神奇。

我幸運些，中小學教師們都幾關招個仔，家長不用做什麼踩界或者非法嘢，只要互相尊重，有家校合作的心，個個老師都不知幾開心了！

JadeW

KipperBB 發表於 18-4-12 02:04
咪以為分數做唔到手腳，啲作文同口試都係主觀比分，加加減減可以將學生之間的分數差距啦闊，從而造皇。如 ...

冇錯，當考卷分數接近，口試作文平常分就會變得好關鍵。

識老師話要「等某某同學先默書」因佢果日請左假，會影響佢平時分，那位老師仲會俾果位同學既描寫文作文9x分，實用文就話有9x分姐，描寫文咁高分就奇怪，而其他班至叻果個都係8字頭！操行分仲奇怪全A,但果位同學係經常在班內談天說地影響別人上堂的！全部只因果位同學阿媽發功俾果位教中文既班主任！睇到都眼火爆！