想配矯視隱形眼鏡，即OK鏡，晚間戴

PTL_L

女兒戴硬鏡差不多一年半，一隻眼能控制，另一隻深了50度。視光師說是因為坐姿不好，引至此情況。小朋友是書蟲，每日最少睇2個小時課外書。

angiehouse

b3410 發表於 18-4-26 11:11
成人不如考慮激光，辛苦10分鐘，徹底解決問題

都系既，而家太幸福，有好多方法

b3410

GREENTEE 發表於 18-4-26 11:40
本帖最後由 GREENTEE 於 18-4-26 11:43 編輯

請問軟鏡一年多少錢？

貴一倍多D

retriever

angiehouse 發表於 18-4-26 09:35
我覺得成人都可以用ok鏡，早上吾洗帶眼鏡，其實同小朋友用既原理無分別，但當然度數太高便沒有效果，其實 ...

相信你誤解左我轉述眼科醫生既意見。

不用戴眼鏡跟控制近視增長不是同一回事。前者媽媽們用OK 鏡有即時效果，後者用滴藥水有研究報告支持，停用藥後一年檢查，近視增長減慢，呢方面戴OK 鏡並無研究報告支持除鏡後效果如何。

留意，此處醫生係關注近視度數，是否戴眼鏡唔係重點。

另外，關於成年與學童既差別效果。

因為醫生係睇控制度數增長，而增長速度係跟學童期間眼球長度增長快有關。

成年後戴OK 鏡與學童戴不是一樣的！不一樣係在於控制度數增長，相同只係早上唔駛帶鏡而已。

至於風險差別，又係醫者與患者看法差異。

戴OK 鏡，成效與風險跟是否正確使用有關，較難控制。滴藥副作用有研究報告，可控制在風險範圍內。

mimi222shi

敏感眼每天要用2款眼藥水滴眼, 另用一隻紫盒日本牌子藥水浸鏡, 除蛋白每月一次
經呢度JM介紹, 第一年配硬鏡一萬, 每年換新鏡5千
因為遠, 現在2-3個月才去驗眼一次.

如果用日間軟鏡, 有擔心佢會否日間不適, 有機會摔眼
(因為我無返工之後, 都少戴CON, 感覺唔舒服)

mimi222shi

小朋友戴
一款主要潤眼;另一款敏感(2款都係感敏眼常用)視光師跟OK鏡

D姐

回覆 retriever 的帖子

我都覺得滴眼藥水穩陣啲，以家雙管齊下，幫個囡早晚滴一次，再加帶眼鏡。之前諗住只帶眼鏡就停左眼藥水，點知仲深左

ABC-DAD

本身算好動，日間唔使戴嘅方便，係我兩個小朋友keep 住戴左多年嘅一大原因。
近視加深，同生活習慣都有關係嘅。
無需要又或者覺得唔舒服要就唔好試啦。

KWBN

GREENTEE 發表於 18-4-26 11:02
請問如果是眼敏感有特別的藥水for 硬鏡的小朋友嗎？
我們是用以下呢套的

Hi, 我都係用呢set, 請問你喺邊度買？

Ksnoopy

阿女戴了矯視鏡一年半, 之前我們分析過阿托品藥水及矯視鏡的利弊.


發覺阿托品的濃度越高，控制近視的效果越好，但當停藥後近視會快速加深（反彈）；而阿托品的主要副作用包括睫狀肌麻痺及瞳孔放大。睫狀肌麻痺使眼睛失去調節能力，情況好像患「老花」一樣，無法對焦近距離事物，長遠有可能影響眼睛的調節功能。而因瞳孔放大，大量光線（含紫外線）會因此進入眼內後，長遠對水晶體或網膜產生不良影響（引起眼睛退化），亦會有較嚴重的畏光的情況；瞳孔擴大可能導致晶狀體及視網膜受到紫外光損害，提早出現白內障和黃斑點退化。

至於配戴矯視鏡的風險問題，主要在於衞生方面，這是我們可以儘量控制的，所以我們寧願麻煩一些也給女兒配戴矯視鏡。

Christi

滴眼藥水會增加眼睛吸收紫外線，紫外線對眼的影響唔駛多講。雖然醫生說最低濃度的阿托品不會讓眼睛吸收太多，但吸收了就是吸收了。矯視鏡最大風險是清潔問題，如果堅持做好清潔就得，所以如果兩者必需取其一，我不會比子女冒風險去滴阿托品。

mytambb

Christi 發表於 18-4-30 18:07
滴眼藥水會增加眼睛吸收紫外線，紫外線對眼的影響唔駛多講。雖然醫生說最低濃度的阿托品不會讓眼睛吸收太多 ...

最近理大有一種離焦的眼鏡，好似話幾好。有冇人想試下？

mimi222shi

以前位眼科醫生只肯賣0.01，佢話大過呢個劑量唔安全，唔會賣。

retriever

Christi 發表於 18-4-30 18:07
滴眼藥水會增加眼睛吸收紫外線，紫外線對眼的影響唔駛多講。雖然醫生說最低濃度的阿托品不會讓眼睛吸收太多 ...

仍然係轉述返眼科醫生既意見。

戴矯視鏡跟滴藥水，唔係同一個層面既比較。前者係日頭唔駛戴眼鏡，後者係減慢近視增長。

風險要各自衡量了。

retriever

mytambb 發表於 18-4-30 19:31
最近理大有一種多焦點的眼鏡，好似話幾好。有冇人想試下？

呢樣幾有意思。。。

年幾前係因為對呢類雙焦多焦鏡有興趣，相信理工較專業中立，問理工驗光師（驗眼果個）呢類鏡有無效，再三問佢都話無效（外面驗光師會叫你配），所以配左普通鏡片。

有智慧人士最近去幫細路配鏡，話理工內間眼鏡舖既驗光師（或SALES）幫緊人配呢類鏡。。。

我好奇，佢哋眼鏡舖是否外面承包，還是直屬理工？ 點解有不同專業意見？

mytambb

retriever 發表於 18-4-30 20:30
呢樣幾有意思。。。

年幾前係因為對呢類雙焦多焦鏡有興趣，相信理工較專業中立，問理工驗光師（驗眼果個 ...

Thanks for your reply.

但我都有疑問我地係唔係講緊同一樣嘢？！據報這是理大科研成果得到日內瓦國際發明展 「多區正向光學離焦」眼鏡鏡片奪得全場總冠軍。

https://www.polyu.edu.hk/web/tc/media/media_releases/index_id_6530.html

「理大最新設計的DIMS眼鏡鏡片把「近視離焦」功能加入近視鏡片，為使兒童在進行任何活動也適合配戴DIMS眼鏡，鏡片中佈滿0.8微米的微型鏡片，並均勻覆蓋整個鏡片，讓兒童的眼睛不論移動向鏡片哪個區域，近視離焦也能發揮作用，而臨床實驗發現配戴DIMS鏡片兒童的近視度數和眼球軸長較另一組別顯著減慢60%，更有21.5%兒童近視並無加深。」

因為報導話夏季先推出市場，而且呢種眼球可以移動到不同區域也有效，好似比舊的有效？

https://www.hk01.com/親子/179611/兒童近視-減慢近視加深速度-dims鏡片或是ok鏡較好

利申：我地都係用緊藥水，我信醫生多過視光師。但都想睇下係唔係有其他新方法？

retriever

mytambb 發表於 18-4-30 20:45
Thanks for your reply.

但我都有疑問我地係唔係講緊同一樣嘢？！據報這是理大科研成果得到日內瓦國際發 ...

噢！咁一定 ＊唔＊ 係同一樣野，但聽落原理相同。

傳統雙焦鏡，係分上下兩區域，佢呢種似係用方向分。。。

但。。。 有冇用要長期臨床實驗。

傳統多焦或漸進，理工視光師話長期研究後發現無幫助（意見跟眼科醫生一樣），呢D 新野點樣証明有效呢？

mytambb

retriever 發表於 18-4-30 20:55
本帖最後由 retriever 於 18-4-30 20:56 編輯

噢！咁一定 ＊唔＊ 係同一樣野，但聽落原理相同。

你都講得啱，都係睇定啲先轉。