又係衰英文科。。

1998Ruby1998

回覆 YolandaTam 的帖子

我教其中一個小朋友就係學唔識 phonics，幼稚園學到小學都搞唔掂 ，好彩依家情況好 d，開始領悟到拼音。

little_kid

assado 發表於 18-3-27 19:54
我小朋友Phonics 學得好好, 好多字可以併音出來, 需然不是100%準確, 但誦讀文章冇難度, 亦好好聽, 串字都 ...

咁好好喎，可自行閱讀。

little_kid

assado 發表於 18-3-27 19:59
其他學科成績可以? 還是只係英文落後些?

其他科ok，至少有温習過的都可答到差不多水準。其他科我識同佢温，唯獨英文科用過很多方法，但結果都係零。

little_kid

1998Ruby1998 發表於 18-3-27 20:12
回覆 YolandaTam 的帖子

我教其中一個小朋友就係學唔識 phonics，幼稚園學到小學都搞唔掂 ，好彩 ...

要等佢長大啲自己領悟到？

1998Ruby1998

回覆 little_kid 的帖子

可以咁講，不過個個小朋友「領悟時間」都唔同，有 d 睇睇下書叮一聲就明曬，有 d 就做練習做下做下先發現原理。我記得有一次教小一 here 同 there，講左好耐都唔明（我都唔明佢點解唔明 ），結果每一條題目我都要佢畫畫，畫返個「距離」出黎。畫左成堂先明。另一次就教個小四 before xxx, I yyy，又係畫左兩堂 timeline，題題都畫；但係教另一個小朋友同一樣野，簡單講解，做兩三題，即刻上手。
你話小朋友練習、測驗錯完唔知錯咩，咁佢有冇改正？如果你唔提佢，佢識唔識自己圈字眼？通常改正我見好多小朋友都明自己錯咩，圈到提示字眼。如果佢真係連提示字眼都搵唔到，完全「一舊雲」，咁應該佢係唔明，得個殼。

little_kid

1998Ruby1998 發表於 18-3-27 21:35
回覆 little_kid 的帖子

可以咁講，不過個個小朋友「領悟時間」都唔同，有 d 睇睇下書叮一聲就明曬，有 d  ...

係呀係呀，我有時都唔知佢唔明咩! 有時啲題目，例如填充题，佢做錯了。我解釋了文法/意思，再作例子說出分别，說了一大輪。第二日再做又係填同一個錯嘅答案。我再解釋。。。再做，好似我完全無解釋過咁，佢填番同一個錯答案。我好多時嬲到喊。。。

Sarahroman

樓主平時點教女女温英文？只係不停做練習？

kwokbobo

little_kid 發表於 18-3-27 18:56
我都唔明。佢其他科目嘅成績都在預期之內，唯獨英文科攪幾年都未攪掂。
...

係咪因為緊張?考試此終係要在限定時間完成，緊張就可以容易錯

yovin

little_kid 發表於 18-3-27 18:44
我也認同閱讀有助提升語文能力。但要提起閱讀興趣，首先要佢識多些生字。怎樣令佢記得多些生字，又唔抗拒 ...

我也認同大量閱讀可以提升英語水平;
我也認同大量閱讀可以提升英語水平。
首先講兩次，我唔想啲閱讀派插我。

最大問題係你仔仔暫時不太喜歡閱讀英文書， 對嗎？但他肯做練習

針對你情況， 實事求是的方法有三個。
1) 閱讀理解和練習是有幫助的， 但你要找一些有質素的 閱讀理解文章，例如:我仔昨天做I passed the examination with flying colors. 先不要漁翁撒網要貴精不貴多.
2)然後 ，揸住一啲你揀過嘅文章和練習， 直接問英文老師應該點做？ 其實老師會有好多唔同嘅方法，好老師會根據你仔仔的情況逐步 、逐步 、去教你的。P.S.好老師
3) 請外援， 找一個好似Ruby咁的補習老師。

要做學霸一定要大量閱讀， 上面的方法可以keep到band1。 不要嬲到喊， 你係好媽媽， 付出的努力是不會白費的。

我朋友個仔三年級， 沒有數感，e.g.小明有十元……， 同一題數， 小明一分鐘後轉咗做大強， 亦都會計錯。 其實什麼類型的小朋友都有， 用心機慢慢教唔好氣餒，加油！

yovin

eviepa 發表於 18-3-27 07:20
回覆 1998Ruby1998 的帖子

//小朋友有好多野唔鍾意添，做家長咪一樣迫到佢做。你要佢做，實有辦法的。//

41褸#細路仔有幾多個唔係畀老豆老母迫去做呢樣、做嗰樣吖？迫唔到根本係藉口

睇到呢個貼 ，真係有啲激氣:
有幾多個細路仔 俾父母迫到有情緒病？
有幾多個中學生大學生 俾父母迫到去跳樓？

枉你讀咁多書 「迫唔到根本係藉口」 呢啲說話 ，實在不負責任。

assado

little_kid 發表於 18-3-27 21:11
本帖最後由 little_kid 於 18-3-27 21:19 編輯

其他科ok，至少有温習過的都可答到差不多水準。其他科我 ...

我估小朋友是P3/P4 ?
要準備高小呈分試。
考慮請位英文補習老師教, 相信可提升英語成績, 自己亦可專注小朋友其他科。

assado

YolandaTam 發表於 18-3-27 20:01
咁恭喜你，小朋友語文天賦不錯。有啲人係學唔識 phonics 㗎，要另想辦法。
...

我小朋友K1 可以講出 Phonics A -Z 發音(佢睇DVD 自學) 後來找老師教Phonics, K3 已学得好, 小學默書好易應付到。

掌握6歲前小朋友學語文能力好重要。

eviepa

yovin 發表於 18-3-28 06:47
41褸#細路仔有幾多個唔係畀老豆老母迫去做呢樣、做嗰樣吖？迫唔到根本係藉口

睇到呢個貼 ，真係有啲激氣: ...

妳第一日識我咩？妳肯定知道我教女方針同埋宣揚嘅方法係「愉快」同「有效」。

eviepa

我喺EK講過好多次，個女讀中小學時，佢每月放學後都享有幾小時自由時間玩樂，夜晚我會強廹佢閱讀半小時至四十五分鐘英文。之後係上床講故事、講通識、傾閒計。

1998Ruby1998

回覆 yovin 的帖子

我都覺得小朋友唔願睇書，但係肯做練習呢點其實已經幫唔少（好奇樓主用咩方法令到小朋友肯額外做咁多野，等我都學下野對付班百厭星 ）。我遇唔少唔肯睇書又唔肯做練習，真係要我坐係度望住佢。

eviepa

如果對「強迫」嘅定義夠寬鬆，當年我每朝都會強迫個女由夢鄉起身番學。

我係一個自由主義者，深信如非必要，否則唔好管仔女任何野。

不過作為家長，無可避免地有時要管束一下個女，管束就係強迫佢做唔願意做嘅嘢。如果家長永遠唔管束、永遠唔強迫仔女做佢哋唔願意做嘅事，呢D家長叫做唔負責任。

eviepa

我個女讀小學時唔駛做練習唔駛補習，老豆仲同佢揀咗間好少功課做嘅小學。佢有大量時間玩樂，包括享受中文閱讀嘅樂趣。我只係要佢每晚做少少佢唔係幾鍾意做嘅英文閱讀。咁嘅生活，睇怕好多细路都羡慕不已。但係就因為咁，佢嚮小學已經打稳中英文基礎，中學條路就好行好多。

eviepa

我成日慨嘆，家長每日都強迫仔女浪費大量時間去做無乜用嘅練習同補習。真正固本培原，而且較為無咁辛苦嘅閱讀就話迫唔到！

mimi222shi

如果小朋友肯大量閱讀，一般語感會比較好，好多野不用死記硬背。
英拼音一定要識。

我現在每天可提供約一至三小時(一至五)閱讀時間，假期再多些，小朋友完全主動。
我投訴功課少，係臨考測前都要温下習。

greentea000

1998Ruby1998 發表於 18-3-28 07:43
回覆 yovin 的帖子

我都覺得小朋友唔願睇書，但係肯做練習呢點其實已經幫唔少（好奇樓主用咩方法令到小朋 ...

做練習通常有針對性，而閱讀可以好盲目。