用戶登入
用戶名稱:
密      碼:
搜索
教育王國 討論區 升中派位 b1c直資 vs b1b 地區傳統官津校
查看: 19209|回覆: 95
go

b1c直資 vs b1b 地區傳統官津校  

Rank: 5Rank: 5


3152
發表於 18-3-24 22:25 |顯示全部帖子
見到有人話讀直資學校資源較多,會比津校好。但如果級數兩者差少少,大家又會選讀直資定津校呢?邊樣對佢地未來發展會比較好呢?

大家會考慮什麼因素去選擇呢?
1)學校成績 (最好及最差、拔尖補底)
2)選科(文理商科開幾多班/科目,讀2X/3X, m1/2)
3)   課外活動 (音樂/體育/制服團隊/興趣班)
4)師資及校風 (愛心/熱誠/品德/價值觀/校規)
5)發展機會 (遊學團/比賽/校隊/學會/學校指定/挑選條件)
6)同學一般背景 (家底/家長教育背景)
7)畢業生歸屬感/助力/關係
8)學校軟硬件設備/資源
9)宗教/學校理念
10)有冇國際課程
11)   畢業生去向/中途是否多人出國升學
12)學校處理投訴/意見手法
13)學費/交通時間

Rank: 11Rank: 11Rank: 11Rank: 11


43418
發表於 18-3-24 22:37 |顯示全部帖子
其實1b 1c差好遠嗎?
我見你都列出好多考慮因素,應該已經諗過好耐。你會覺得這些因素,哪些重要呢?因為每個人,每個家庭考慮的可能唔同。
我自己就好注重成績(唔好意思,好直白
學校資源,朋輩,交通等等。

點評

MacMacMa    發表於 18-3-27 11:18

Rank: 5Rank: 5


3152
發表於 18-3-24 23:10 |顯示全部帖子
b3410 發表於 18-3-24 22:37
其實1b 1c差好遠嗎?
我見你都列出好多考慮因素,應該已經諗過好耐。你會覺得這些因素,哪些重要呢?因為每 ...

其實想選津校,但係大家都話讀直資視野、機會、個人發展同資源會比較好,而成績又好似差不遠,但朋輩會好吾同,好疑惑究竟所講既視野、機會咁係吾係有咁大好處呢?

見成績好既畢業生會見到明顯多有分別,但一般成績既又好似睇吾出有乜受益係發展機會、視野咁,因為學校實係選成績好既先有得出去見識或比賽咁,是否選津校讀好d書而可能少d機會既好過,疑似機會多些既直資呢?始終無論直資定津校都係集中主要資源俾讀到書果班多過一般大眾。

而朋輩關係就更令我疑惑,直資家長應該都條件比較好,咁應該較優勝,但係有一批其實目標一早已定左出國,小朋友都冇太大心機努力讀書既,咁如果自己冇諗住俾兒女去外國,而跟左呢班人玩咁未慘!

校風呢樣野見到真係可以好吾同,可以好自由拍拖既,又或嚴到男女單獨共處一室都吾得既都有。欺凌/不同既小圈子事件又直資同津校相信都會有。價值觀方面其實係家庭影響大過學校好多!津校感覺學生單純些,直資就較社會化些。咁係單純既好些定社會化好些呢?

Rank: 5Rank: 5


1794
發表於 18-3-24 23:22 |顯示全部帖子
本帖最後由 crazyhippo 於 18-3-24 23:35 編輯

津校都好多人出國 (尤其高中開始).  避考DSE吾係只是直資果班
直資校亦有好多讀得之人
每間學校吾努力讀書都會有後果(不論目標如何), 例如升吾到班, 科目吾合格, 轉吾到校等,咁又會吾會無心機讀呢? 甚至影響出國留學, 成績吾好, 學校點幫你寫推薦信呢?

Rank: 12Rank: 12Rank: 12


55349
發表於 18-3-24 23:26 |顯示全部帖子
JadeW 發表於 18-3-24 23:10
其實想選津校,但係大家都話讀直資視野、機會、個人發展同資源會比較好,而成績又好似差不遠,但朋輩會好 ...
作為父母,子女升中會遇到好多疑問想唔通住,唔緊要,俾啲時間及心機去了解、去問、去尋求最適合自己子女嘅中學。

回應您疑問前,想問吓,之前有無去過一兩間直資或官/津校開放日了解吓?

Rank: 5Rank: 5


3152
發表於 18-3-24 23:56 |顯示全部帖子
小時了了 發表於 18-3-24 23:26
作為父母,子女升中會遇到好多疑問想唔通住,唔緊要,俾啲時間及心機去了解、去問、去尋求最適合自己子女嘅 ...

有,帶阿仔一齊去添,吾同既直資同津校。

我仔成績非超班1a, 亦冇特異功能,所以目標1b1c既學校而已,冇諗過考神校。


Rank: 5Rank: 5


3152
發表於 18-3-25 00:12 |顯示全部帖子
crazyhippo 發表於 18-3-24 23:22
津校都好多人出國 (尤其高中開始).  避考DSE吾係只是直資果班
直資校亦有好多讀得之人
每間學校吾努力讀書 ...

我見到既係:

津校走都吾會多過半班,而直資多既去到中六走左可以半級。情況都幾嚇人。

直資吾讀書既後果,冇推薦信/留班咁,其實對直資有家底的家長黎講,有人完全吾關心的,佢地只想仔囡讀得輕鬆舒服,求其讀個乜野雞大學既學士返黎,就接管家族生意的亦大有人在。佢地甚至吾覺得一定要讀大學添,只要識做人/識做生意,夠世界識睇眉頭眼額手腕好,冇需要讀大學都冇問題添!我意識到有部分教仔既方法同價值觀跟一般吾太一樣,冇乜講求道德,不分是與非,唯利是圖,見人講人見鬼講鬼話,為求達目的/獲得最佳利益會運不同手段。但當然亦有好多家長係要仔囡認真讀書同要有正確價值觀同品德既,只係感覺世界仔囡佔比例較多。




Rank: 5Rank: 5


3918
發表於 18-3-25 00:53 |顯示全部帖子
JadeW 發表於 18-3-24 22:25
見到有人話讀直資學校資源較多,會比津校好。但如果級數兩者差少少,大家又會選讀直資定津校呢?邊樣對佢地 ...

小朋友不是讀緊直資一條龍學校嗎?

Rank: 5Rank: 5


1791
發表於 18-3-25 01:18 |顯示全部帖子
1B同1C校成績分別始終有限,況且無保證每個學生表現一致的,讀書都係睇個人。
睇學校資源要睇同自己相關的,如子女唔游水,學校有泳池都無用。
我會最在意子女讀邊間會開心啲,中學係好關鍵的成長期,果度好有可能遇到一生最要好的朋友,朋輩影響好大,子女性格大致就係呢段時間塑造出嚟。所以學校傳統或學生文化我覺得好重要,不妨花啲心機比較下。

Rank: 12Rank: 12Rank: 12


55349
發表於 18-3-25 08:00 |顯示全部帖子
本帖最後由 小時了了 於 18-3-25 12:02 編輯
JadeW 發表於 18-3-25 00:12
我見到既係:津校走都吾會多過半班,而直資多既去到中六走左可以半級。情況都幾嚇人。
其實想選津校,但係大家都話讀直資視野、機會、個人發展同資源會比較好,而成績又好似差不遠,但朋輩會好吾同,好疑惑究竟所講既視野、機會咁係吾係有咁大好處呢?
見成績好既畢業生會見到明顯多有分別,但一般成績既又好似睇吾出有乜受益係發展機會、視野咁,因為學校實係選成績好既先有得出去見識或比賽咁,是否選津校讀好d書而可能少d機會既好過,疑似機會多些既直資呢?始終無論直資定津校都係集中主要資源俾讀到書果班多過一般大眾
而朋輩關係就更令我疑惑,直資家長應該都條件比較好,咁應該較優勝,但係有一批其實目標一早已定左出國,小朋友都冇太大心機努力讀書既,咁如果自己冇諗住俾兒女去外國,而跟左呢班人玩咁未慘
校風呢樣野見到真係可以好吾同,可以好自由拍拖既,又或嚴到男女單獨共處一室都吾得既都有。欺凌/不同既小圈子事件又直資同津校相信都會有。價值觀方面其實係家庭影響大過學校好多!津校感覺學生單純些,直資就較社會化些。咁係單純既好些定社會化好些呢?

明白,已經參觀過及有啲了解官/津/直資了。咁我嘗試講講我所有限體驗直資中學情況,官/津校嘅情況要其他網友補充了。

直資多既去到中六走左可以半級:
我當您呢句係用誇張修辭手法,
http://www.ssc.edu.hk/images/document/SchoolReport2016to17_ver2.pdf  赤柱聖士提反呢間就會走半級(S1: 196; S6: 116) 培僑,顏寶鈴S6都只係走~50幾人,匯基(東九龍)走~30 無半級咁多。

一般成績既又好似睇吾出有乜受益係發展機會、視野咁,因為學校實係選成績好既先有得出去見識或比賽咁,無論直資定津校都係集中主要資源俾讀到書果班多過一般大眾:
我唔敢講其他直資,我阿女讀嗰間呢方面情況唔係咁。
舉例:學校球類校隊,只要同學仔報名就可以參加校隊代表學校出賽。

而學校有好多唔同嘅學會、遊學、組織、比賽,又係報名就有得去玩去比賽,無睇成績。
惟一我見要睇成績才有資格申請嘅就係全校得十幾個位嘅1至2個月海外交留生計劃,呢個要成績真好, 達到一定水準才可以申請喇。
而阿女學校無分精英班,所以學校無話集中資源去讀到書嗰啲學生。

有一批其實目標一早已定左出國,小朋友都冇太大心機努力讀書既,咁如果自己冇諗住俾兒女去外國,而跟左呢班人玩咁未慘:
唔否認直資真係比較多學生去外國讀書,但其實大部份學生都會留香港讀大學/ASSO DEGREE 之類的。點解會覺得去外國讀嘅學生就會無心機讀書呢?如果真係驚仔女受影響,其實家長係咪應該係屋企做一啲教導呢?

利申:我有打算阿女去外國讀書,反而我叫阿女俾心機讀,因為DSE要30分以上才有機會考入。另外,本家庭係非常草根家庭。

津校感覺學生單純些,直資就較社會化些
反而我會覺得官/津校同學較雜啲,直資單純些 。呢點,阿女堅覺得佢班同學好好好純(唔知係咪阿女間學校特別基督教氣氛濃烈有關,有一半係教徒所以單純)另外,官/津校較平民化啲,直資中產啲.


間間直資校風及學生家庭都有唔同,又唔可以一竹篙打一船人直資點點點,津校如何如何。例如:赤柱聖士提反書院學生多海外留學打算;匯基(東九龍)多基督徒家長;福建中學多內地學生及家長; 東涌YMCA多外籍學生等....

希望您慢慢了解,從而能夠幫小孩搵到適合佢成長嘅中學.加油!

Rank: 6Rank: 6


7495
發表於 18-3-25 08:54 |顯示全部帖子
JadeW 發表於 18-3-24 22:25
見到有人話讀直資學校資源較多,會比津校好。但如果級數兩者差少少,大家又會選讀直資定津校呢?邊樣對佢地 ...

你可能見到我npl vs bhjs既回覆而問呢條問題。

不過,我答係指著npl 同 bhjs答,並不是直資同津校答。對我而言,直资同津校分別只有交學費與否,其他東西不能以偏概全。

Rank: 11Rank: 11Rank: 11Rank: 11


30359
發表於 18-3-25 09:02 |顯示全部帖子
JadeW 發表於 18-3-24 22:25
見到有人話讀直資學校資源較多,會比津校好。但如果級數兩者差少少,大家又會選讀直資定津校呢?邊樣對佢地 ...

本帖最後由 retriever 於 18-3-25 09:24 編輯

俾我揀,9764。

學校宗教理念,永遠都係最先。

師資家長圈係條件,讓學校做唔做到果個理念。

無理念當然什麼都不是。

Rank: 11Rank: 11Rank: 11Rank: 11


30359
發表於 18-3-25 09:18 |顯示全部帖子
JadeW 發表於 18-3-25 00:12
我見到既係:

津校走都吾會多過半班,而直資多既去到中六走左可以半級。情況都幾嚇人。

學校未畢業走人未必HEA。 有D 傳統直資,學生國外大學收左佢都堅持考埋DSE。

去到尾,好話唔好聽,係咩學校集中咩嘢家長圈,咩家長圈養出咩學生。

所以直資唔可以一概而論話家長圈好D。 睇下學校吸引邊D 家長,有家長係為左新型教學,但亦有唔少家長(EK 見好多呢D言論 家長) 係為逃避功課,樣樣怕辛苦細路,才揀新型直資。大量吸引呢類家長既學校,真係見到都走唔切。

津校與直資,在你呢帖既討論,差異我覺得係費用。

你提到有家長學生,信靠人脈關係,唔駛努力屋企大把等佢承繼,呢D 更加唔好識。

壇內回覆過人,有D 學校,唔係屋企有生意等接手,只係普通家庭,最後唔好揀。

Rank: 7Rank: 7Rank: 7


14244
發表於 18-3-25 09:45 |顯示全部帖子
我自己選校是/ idea

1)學校成績 (最好及最差、拔尖補底)- 我的理想1BC2A英中, 1A入到都覺得未match 亦不想要追成績同比較.
13)學費/交通時間 - 4K or below / within 30-45 min per trip, closed to MTR/Bus
8)學校軟硬件設備/資源 - reasonable, better hv swimpool
5)發展機會 (遊學團/比賽/校隊/學會/學校指定/挑選條件)- not so limited to good academic
4)師資及校風 (愛心/熱誠/品德/價值觀/校規)- 自由, 重自律
2)選科(文理商科開幾多班/科目,讀2X/3X, m1/2) - 商科英文不差, 英通識
10)有冇國際課程 - 有就最好
3)   課外活動 (音樂/體育/制服團隊/興趣班)- 最好多些music /drama / multi media
6)同學一般背景 (家底/家長教育背景)- 類同
11)   畢業生去向/中途是否多人出國升學 - 接受多人出國, 自己亦考慮
7)畢業生歸屬感/助力/關係 - 有是bonus, 無亦可接受
9)宗教/學校理念 - 尊重個人成長及選擇, 不喜集體化思想迎合宗教,
12)學校處理投訴/意見手法 - 開放

對於我, 多些B1BC直資會較合以上要求, 當然如B1B官津又免費又合大部份要求, 真是流晒口水架. 不過因好多制度上的關係, 未必有機會入啦.

Rank: 13Rank: 13Rank: 13Rank: 13


87970
發表於 18-3-25 09:55 |顯示全部帖子
本帖最後由 Yanamami 於 18-3-25 09:58 編輯
JadeW 發表於 18-3-25 00:12
我見到既係:

津校走都吾會多過半班,而直資多既去到中六走左可以半級。情況都幾嚇人。

中学部真係禁差咩?見你都好buy小学部的~
我揀4198&13

Rank: 5Rank: 5


3152
發表於 18-3-25 10:05 |顯示全部帖子
Yanamami 發表於 18-3-25 09:55
中学部真係禁差咩?見你都好buy小学部的~
我揀4198&13

什麼是 9764、4198 、13?

Rank: 13Rank: 13Rank: 13Rank: 13


87970
發表於 18-3-25 10:25 |顯示全部帖子
JadeW 發表於 18-3-25 10:05
什麼是 9764、4198 、13?
你上面列出的條件……

Rank: 7Rank: 7Rank: 7


12378
發表於 18-3-25 10:27 |顯示全部帖子
JadeW 發表於 18-3-24 22:25
見到有人話讀直資學校資源較多,會比津校好。但如果級數兩者差少少,大家又會選讀直資定津校呢?邊樣對佢地 ...
或者你可以開多個Post問下讀直資嘅家長『如果可以從來,你會否放棄直資,選擇差不多成績的官津中學?』呢條問題其他家長有切身感受,容易答啲。

Rank: 8Rank: 8


15176
發表於 18-3-25 11:35 |顯示全部帖子
本帖最後由 October. 於 18-3-25 11:35 編輯

我比較簡單啲,一係入神校,神校唔收,就普通官津B1校。

當年阿女升中時我係咁做,快十年過去了,回望過去,諗法冇變過

點評

Yanamami    發表於 18-3-25 12:43

Rank: 5Rank: 5


3152
發表於 18-3-25 11:35 |顯示全部帖子
Yanamami 發表於 18-3-25 09:55
中学部真係禁差咩?見你都好buy小学部的~
我揀4198&13

學校吾係話差,但亦考慮下是否有更好的選擇,同其實點先算好既選擇。

新派直資家長裡面既分野其實幾大,由自由奔放型到傳統讀書型都有,只係小朋友夾/跟邊批人玩既問題。小學相對簡單些,家長既影響力可以較大,而價值觀亦一早開始灌輸左俾小朋友,但去到中學青春期始終朋輩影響不容忽視。去一間9成學生齋讀書、7成讀書加少量特定課外活動既,定一間5成讀書但可自由玩、打機同發展吾同興趣既,係差異好大!講緊6年中學既生活同成長過程,長大後相信會有好吾同既影響。

學校既理念同教學方式亦都要重新檢示,小學科目少、相對自由度較高,家長可自行調配整合想小朋友發展的方向。但到左中學如旨在考Dse 入大學,就必要跟大原則去培訓,或按小孩能力資質去發展,學校既影響就會更加突出,因學習時間有限,學校如何分配資源及安排課程,而家長俾小孩所需支援/培訓都更需要考慮周詳。除左成績,點去培訓孩子的其他能力,如口才、自信心、領導力、協作力、統籌計劃能力、社交技巧都要在課外活動中同別人相處中建立的,學校點俾到呢d機會吾同既小朋友去發揮同引導佢地亦係重要的。

因變數實在太多,衡量實在有難度,所以想集思廣益睇下家長們的意見如何再去好好思考。