用戶登入
用戶名稱:
密      碼:
搜索
教育王國 討論區 特殊教育 不用再去兒童精神科見醫生
發新帖
查看: 4073|回覆: 8
go

[其他] 不用再去兒童精神科見醫生

Rank: 4


712
發表於 18-3-19 16:47 |顯示全部帖子
請問呢度有冇過來人,上咗小學之後覺得小朋友已經唔再需要去精神科嘅醫生,而自己Cut咗呢?

本身我小朋友兩歲開始去做訓練,因為學校同自己都覺得小朋友好多野都能夠handle到,學校評語都不錯,新來的訓練導師都說看不出來,只係有時對住老總望落去不太友善的人覺得緊張。

但呢個並不是我想cut精神科醫生嘅主因,精神科醫生嘅主因,而係本身佢提供嘅訓練服務我一直都冇去,因為覺得冇用,以出面機構嘅訓練會做到小一之前就會停,咁精神科嗰度每次想去見醫生都只係同小朋友簡單問答,只係睇一睇佢對答嘅狀況如何,唔使8分鐘就走得!咁其實見一見果幾分鐘感覺有點兒。。。最重要係小學請假難啦,同埋唔想比學校知有呢個自閉傾向問題,當然如果學校到時有老師看得出嘅就再作打算。

想問問有冇jm有呢個經驗呢

Rank: 5Rank: 5


1257
發表於 18-3-19 17:48 |顯示全部帖子

回覆樓主

我仔今年小一, 半年見一次醫生,都睇得好快, 我諗住仲繼續睇, 因為怕斷左要再排會等好耐, 聽講到小朋友青春期又有個樽頸位會有變化

Rank: 4


712
發表於 18-3-19 19:50 |顯示全部帖子
KCHK 發表於 18-3-19 17:48
我仔今年小一, 半年見一次醫生,都睇得好快, 我諗住仲繼續睇, 因為怕斷左要再排會等好耐, 聽講到小朋友青春 ...

咁你小朋友請假,有冇比老師知道有sen問題呢?

同埋佢升左小學,自理、同學、一切的變化識應到嗎?

Rank: 5Rank: 5


1257
發表於 18-3-19 23:25 |顯示全部帖子
芒果米池 發表於 18-3-19 19:50
咁你小朋友請假,有冇比老師知道有sen問題呢?

同埋佢升左小學,自理、同學、一切的變化識應到嗎?

老師一直都知道, 也有SEN 支援, 從來無人問我醫院覆診情況。只係當要去醫院覆診咁申請遲到或早退,只係同教務署講。

Rank: 5Rank: 5


1257
發表於 18-3-19 23:38 |顯示全部帖子
KCHK 發表於 18-3-19 23:25
老師一直都知道, 也有SEN 支援, 從來無人問我醫院覆診情況。只係當要去醫院覆診咁申請遲到或早退,只係同教 ...

自理都ok (在家另一回事,成日蝦我), 自學就要睇佢心情, 佢有興趣就學得好快, 中文的閱讀理解唔係太好, 因為佢好多時都唔明背後的意思, 記憶力就幾好, 數學都ok 。 在學校也有朋友, 都習慣學校。只係唔輸得,會有情緒 ,不過老師講佢都算聽話又無搞搞震

Rank: 4


712
發表於 18-3-20 10:53 |顯示全部帖子
KCHK 發表於 18-3-19 23:38
自理都ok (在家另一回事,成日蝦我), 自學就要睇佢心情, 佢有興趣就學得好快, 中文的閱讀理解唔係太好, 因 ...

我個又係,學野真係睇心情,有興趣嘅嘢,日對夜對都冇問題,記憶力、認字、數學暫時不錯。佢都係唔認輸果隻,不過而家叫做好好多,有情緒但唔係發皮氣果種,係會自己係度啜泣,如果我响佢身邊時,把聲就會好腌悶,不停喺度腌住我,佢係好守規矩好聽老師話,但我最怕係,太循規蹈矩唔識轉彎,面對轉變就會企左响度,而家因為幼稚園有老師帶住,只怕將來小學冇人响身邊唔知點處理問題,如果比同學蝦佢玩佢就慘,大軟弱。

Rank: 4


712
發表於 18-3-20 11:02 |顯示全部帖子
KCHK 發表於 18-3-19 17:48
我仔今年小一, 半年見一次醫生,都睇得好快, 我諗住仲繼續睇, 因為怕斷左要再排會等好耐, 聽講到小朋友青春 ...

其實你講得岩,有乜事斷左要再排等好耐,但我又諗反之前,即使佢最難攪,我最需要幫助嘅時候,精神科果邊都幫助唔大,醫生每次都係循例記錄咁,我以為心理學家可以幫到手,點知都係講大路說話,又係循例式問我情況,完全比唔到專業意見,佢所講嘅嘢已經一早上網睇過晒。
所以其實一直咁跟落去,都只係每半年去記錄我哋口中所講嘅情況,實質真係有起事上嚟佢哋可以點幫忙,所以我一直50/50中。
做得最好嘅就係有一team人幫忙做評估果次。

Rank: 4


664
發表於 18-3-24 11:52 |顯示全部帖子

回覆樓主

你覺得老師知道小朋友係sen會有什麼分別?

Rank: 4


712
發表於 18-3-24 12:09 |顯示全部帖子
貪靚媽 發表於 18-3-24 11:52
你覺得老師知道小朋友係sen會有什麼分別?

當普通班老師唔識分辨,咁sen仔都係因為佢地本身嘅特質容易影響到佢平時嘅生活,咁如果冇影響到自己同人,我覺已經不錯,我係親眼睇住佢由最初好多十種八種自閉徵狀影響得一家人嘅日常生活,而當時佢係被各人評為踩界,但就經打擾整個學習。個頭經常撞到黑黑瘀瘀,到今日可以追到學習進度,而且非常合作又合群,同同學溝通良好。
而且我同學校訓練老師傾過,話佢真係冇大問題,外面訓練老師就保守一點,話要留意住佢嘅情緒,當預到挫敗時,多開解去避免產生焦慮症。