小三TSA變陣 學校回饋非必然（程尚達）

elbar

　　小三全港性系統評估（TSA）經過兩年研究，最終教育局決定採用「不記名、不記校、不收報告，抽樣參加」方式推行，若學校不自願全級參與，便不會獲得學校報告，變相放棄回饋教學功能。有小學校長友好分析，當局由堅持回饋學與教功能，到彈性讓學校選擇，是對評估數據被誤用、操練成風的客觀現實，作無奈但必要的平衡。

　　教育局日前宣布，今年小三TSA採取抽樣形式進行，學生表現用於計算全港層面數據，抽樣學校不會獲發報告；學校若有需要取得評估數據，唯一方法是自願全級參與。記得去年全港試行小三基本能力評估（BCA），時任教育局局長吳克儉曾指「不記校」產生問題，正是無法利用評估數據，在學校層面回饋學與教。如今政策轉向，官方解釋是學校利用報告改善教學發展的步伐不一，加上社會觀感未能一致，只好把評估安排與學校報告「切割」。

　　校長友好坦言，當局亦明白「切割」做法，勢令TSA在學校層面回饋功能，不如以往般普遍，況且「評估促進學習」列入課程文件，強調教師在過程中找出學生的困難，從而對症下藥，如今意味「評估促進學習」不再視為金科玉律。友好認為，當局變相承認異化因評估而起，「評估成為學校表現的問責指標，為了追逐達標，操練應運而生。即使當局正本清源，始終不少學校及教師接受不到學生『打天才波』，承受不了學生不達標，操練誘因依然揮之不去。」

　　友好預料，日後自願參加評估的學校，「一是深信評估數據有助提升教學的學校，一是冀評估有助知己知彼的學校。」學校亦有不少考慮，「教學專業是否需要評估數據回饋？純粹為系統層面進行評估是否值得？家長是否認同全級應考？學校參與評估會否被標籤？」至於家長最為關注抽樣能否減輕操練誘因，友好認為表面上是減低，但不排除學校視基本能力為軟指標，即使大部分學生不用考亦不能偏廢，「最終結果把操練恒常化，只是理由改變罷了。」

　　當局公布小三TSA新安排後，家長反應不一，尤對移除操練誘因最為疑慮，持續逾兩年的TSA爭論，始終解不開的是信任問題，值得當局深思。

Cheeselover

可憐一家學校連自己學生學術狀況如何也不清楚，要靠別人評估。我們自己身體狀況，只靠隨機10%的數據來判斷，你相信嗎？若學校靠報告才知道對症下藥，罷了。所謂藥，學校不外又是＂操＂(實在難聽)，你差他們有什麼magic bullet, 難道有學校會接受減少功課，增加體育課節數，每天下午不教書就可以提升學生學習效能？

shadeslayer

Cheeselover 發表於 18-3-20 09:28
可憐一家學校連自己學生學術狀況如何也不清楚，要靠別人評估。我們自己身體狀況，只靠隨機10%的數據來判斷 ...

幾乎全部國際學校也是咁，人地做到，要思考下本地校點解唔得。唔好講錢，有些國際校本地私校，收費不是天價。而且，這個心態問題多過錢。

akys

shadeslayer 發表於 18-3-20 12:57
幾乎全部國際學校也是咁，人地做到，要思考下本地校點解唔得。唔好講錢，有些國際校本地私校，收費不是天 ...

唔講錢講乜好呢？制度？有興趣想知道如果IS要考呈分試再派位，啲同學有冇咁愉快呢？


香港有幾百家NSS官津小學，講唔講得出3家成績好，跟教局指引唔教快教深，又愉快學習嘅小學？

judy

可憐一家學校連自己學生學術狀況如何也不清楚，要靠別人評估。

又唔係咁講，阿仔讀小五、六時，學校有代辦一些國際試，我都参加(要俾錢嘅)。

shadeslayer

akys 發表於 18-3-20 15:33
唔講錢講乜好呢？制度？有興趣想知道如果IS要考呈分試再派位，啲同學有冇咁愉快呢？

呢個就係做人正面，定負面的分别。我會想人地做得好，我可以學到乜，你想人地要考我的試，睇你點死！

cow

shadeslayer 發表於 18-3-20 16:07
呢個就係做人正面，定負面的分别。我會想人地做得好，我可以學到乜，你想人地要考我的試，睇你點死！
...

別掉入「正面思考」的陷阱！精神科醫師：罹患憂鬱症的，往往都是那些過度正面的人

shadeslayer

cow 發表於 18-3-20 16:43
別掉入「正面思考」的陷阱！精神科醫師：罹患憂鬱症的，往往都是那些過度正面的人 ...

第一，你憑我一句，就斷定我跌入正面的陷阱？

第二，作者係

高雄市心理健康促進會 委員 
耕心療癒診所 院長 
高雄市忘憂草憂鬱防治協會 理事長

你信？ 我唔信。

cow

shadeslayer 發表於 18-3-20 16:53
第一，你憑我一句，就斷定我跌入正面的陷阱？

當然唔係.
我覺得凡事太過偏向一邊, 未必係好事. 所以上網睇下, 原來思想太正面都唔係太好. 好多文章都有講.

shadeslayer

cow 發表於 18-3-20 17:46
當然唔係.
我覺得凡事太過偏向一邊, 未必係好事. 所以上網睇下, 原來思想太正面都唔係太好. 好多文章都有講 ...

如果你唔係認為我那一句是跌入正面陷阱，你回我文，提出「正面陷阱」做乜？

唔敢太正面，係亞洲人普遍態度，你揾一遍亞洲人寫，唔知有冇嚴謹科學的文章，有乜用？

我相信，你揾到一遍反正面思想的文章，我最少揾到三遍 The power of positive thinking 文章。

akys

shadeslayer 發表於 18-3-20 16:07
呢個就係做人正面，定負面的分别。我會想人地做得好，我可以學到乜，你想人地要考我的試，睇你點死！
...

感覺你的負面思維強啲。帶出嘅意思係制度！制度！制度！因為很重要所以講3次。


世間事大部份問題係來自制度缺陷，雖然NSS並不一定是缺陷，而是有意為之，因為這就是唔少市民引以為傲嘅亞洲精英教育，出到去外國大學把本土人打到死死下，隨時喺名大佔有30% 以上學位。制度會催化一些結果，參與者就要接受。或者有啲米嘅可以逃離NSS，玩下其他學制。弊！又去返錢添。


坊間NSS學校又愉快又成績唔錯嘅大概有港同，培僑，英華等幾間，可惜冇啲實力或早教都幾難入。

akys

cow 發表於 18-3-20 16:43
別掉入「正面思考」的陷阱！精神科醫師：罹患憂鬱症的，往往都是那些過度正面的人 ...

不用擔心，佢應該唔係。

Doray

akys 發表於 18-3-20 19:10
感覺你的負面思維強啲。帶出嘅意思係制度！制度！制度！因為很重要所以講3次。

but they are not "跟教局指引唔教快教深"

shadeslayer

akys 發表於 18-3-20 19:10
感覺你的負面思維強啲。帶出嘅意思係制度！制度！制度！因為很重要所以講3次。

你應為制度問題，咪學下人地的制度囉，點解要睇下人地考呈分試點死？

其實我好懷疑難，制度係咪一切。試下一線名谷校，全校老師學生免費入主 Kellette, 用其制度。但心態不變，會忽然變成愉快學習？你信？我唔信。

akys

Doray 發表於 18-3-20 19:20
but they are not "跟教局指引唔教快教深"

仲想喺NSS學校裡面搵幾間好嘢出來添！我唔識了，搵其他人提供吧！

shadeslayer

akys 發表於 18-3-20 19:10
感覺你的負面思維強啲。帶出嘅意思係制度！制度！制度！因為很重要所以講3次。

名大學随時30%DSE？有時間再講。

shadeslayer

akys 發表於 18-3-20 19:23
仲想喺NSS學校裡面搵幾間好嘢出來添！我唔識了，搵其他人提供吧！

有乜証據証明佢哋教快教深。

其實教快教深唔係最重要，愉快學習最重要。

akys

shadeslayer 發表於 18-3-20 19:22
你應為制度問題，咪學下人地的制度囉，點解要睇下人地考呈分試點死？

仲唔係負面思維？幾時話要睇佢哋死呀，我係有興趣這些學校如果喺NSS體制下需唔需要改變教學方法，催谷一下啫。另外，我係羨慕你等有米就有得揀，個制度點樣都影響唔到自己。


所以我成日講，唔好攞IS和LS比，根本唔同制度，就算水平評核嘅用途都唔一樣，而家咪幾好，回歸正途。

akys

shadeslayer 發表於 18-3-20 19:35
名大學随時30%DSE？有時間再講。

亞洲人

shadeslayer

akys 發表於 18-3-20 19:48
仲唔係負面思維？幾時話要睇佢哋死呀，我係有興趣這些學校如果喺NSS體制下需唔需要改變教學方法，催谷一下 ...

睇下你點死，係我用到肉D方法演譯你意思者，你講下名谷校全體師生移植去 Kellette 制度，你信唔信從些愉快學習先喇。