想請教一下，做唔做評估好?

王家爸爸

hilzarie 發表於 18-4-11 03:24
可否詳述一下心得？ 謝謝

首先，如果小朋友有情緒問題，而且已經對家長造成困擾，即係家長自己解決唔到問題，咁就一定需要搵專家幫手。
第二，如果小朋友有情緒問題，但係未對家長造成困擾，即係家長自己可以解決到問題，無必要去做任何評估，以免對小朋友做成壓力。
第三，任何小朋友都有某方面既資優，例如如果你去做義工你會發現，唔少唐氏綜合症小朋友係藝術天才，有狂噪症既小朋友當唔係病發時邏輯性特別強。問題係對於正常既小朋友（只係一般既資優）有無必要去刻意發掘，發掘咗之後真係好咗？如果無好咗，反而增加壓力，是否有必要？

第四，資優其實係一個非常籠統既概念，真正既資優喺任何地方（包括香港）都一定會被發掘出來，亦都一定會受到重視。運動最勁（例如校際游水冠軍）、計數最好（例如IMO香港代表隊）、考試最叻（例如會考狀元）等等，佢哋係點出來既？有幾多個係喺BB時被刻意發掘既？
第五，對大部分小朋友而言，第四點所提及既嗰種資優除外（因為佢哋未必有時間），需要既係平衡發展。另外，小朋友既社交、AQ、EQ既訓練更加重要。

optman88

回覆 王家爸爸 的帖子

同意

optman88

王家爸爸 發表於 18-4-11 09:15
首先，如果小朋友有情緒問題，而且已經對家長造成困擾，即係家長自己解決唔到問題，咁就一定需要搵專家幫手 ...

絕對同意，其實，我都係近期先做測試，因為學校同我都覺得 handle 唔到佢嘅行為，社工 ，心理學家同教育心理學家，trace 咗成年，用咗好多方法，最後先做測試。主要係改善佢嘅態度同行為。