朱子穎轉投德萃小學 達雙贏局面（程尚達）

elbar

　　一直推動「愉快學習」的浸信會天虹小學校長朱子穎，新學年將「過檔」私立的德萃小學任總校長，參與籌辦中學部，實踐「一條龍」辦學。記得朱校長在一月宣布離職時，曾表明「決定跳出天虹的安舒區」，要落實教育理念，今次他表明目標是讓德萃小學學生每日只須上四節課便足夠。有教育界友好同程尚達傾開，坦言朱子穎轉投私校的決定，外界的確有點意外，他能否把理念繼續在私校落實，相信仍要觀察。

　　將出任德萃小學總校長的朱子穎，對於新職有不少大計，包括開發教育程式「EdMetro」，結合人工智能及大數據技術，讓學生按學習進度調節，目標在兩年內縮短課節至每天四堂，讓學生有更多時間予自主學習及體驗式學習。

　　德萃將試用有關程式，預計九月有十五所學校參與應用，兩年後推廣至五十所學校，並打算把學校發展成「教育創科學校」，設立「EdFuture教育科技創新中心」，提供共用辦公空間、培訓及教育科技創業培育項目，以社會企業方式，推動創新教育方案。

　　朱子穎「過檔」德萃小學在社交網站掀起熱話，有教育界友好透露，聽聞是校方高層參訪天虹小學後，主動羅致朱校長加盟，雙方一拍即合，「對朱校長來說，在天虹小學的創新手法已達極致，比如現時每日課節減至六堂，再減便恐被當局發信警告。」友好分析，德萃小學校齡不長，對新事物接受程度較高，改革包袱不大，而幼稚園、小學及籌備的中學，供朱校長發揮空間較為廣闊。

　　另一方面，德萃小學雖曾推動大型定翼無人偵察機的STEM（科學、科技、工程及數學）課程，但教學成效有限，亦突破不到傳統的課程限制，「以往提到自主學習，多集中於課程內的學科知識，但朱校長所提倡的更進一步，涉及課堂以外的學科知識，學生利用最新的應用程式學習，這些概念在學界是前所未有。」友好分析，朱校長在天虹的成功經驗，令德萃願意放手讓他一展抱負，同時借助他的加盟，令學校知名度即時提升，可說是雙贏局面。

　　朱校長把天虹小學由「殺校」邊緣，一躍成為家長熱捧的「快樂校園」，如今由津校轉戰彈性更大的私校，為德萃小學帶來甚麼火花，值得學界拭目以待。

猴子爸

都是那句，到底此校背后真正的大水喉是谁？可能是实力雄厚的中资都说不定。中资应该对朱子穎有好感的。

hkpapa852

elbar 發表於 18-3-16 14:05
　　一直推動「愉快學習」的浸信會天虹小學校長朱子穎，新學年將「過檔」私立的德萃小學任總校長，參與籌辦 ...

真係想攪間出色既愉快學習學校, 點解唔去幫自然學校手?

仲有啟基, 啟恩, 救恩........ 大把選擇..... 不過你在揀人時人家亦在揀你

Soundervolt

hkpapa852 發表於 18-3-16 15:46
真係想攪間出色既愉快學習學校, 點解唔去幫自然學校手?

仲有啟基, 啟恩, 救恩........ 大把選擇..... 不 ...

“校方高層參訪天虹小學後，主動羅致朱校長加盟，雙方一拍即合，「對朱校長來說，在天虹小學的創新手法已達極致，比如現時每日課節減至六堂，再減便恐被當局發信警告。」友好分析，德萃小學校齡不長，對新事物接受程度較高，改革包袱不大，而幼稚園、小學及籌備的中學，供朱校長發揮空間較為廣闊。
    另一方面，德萃小學雖曾推動大型定翼無人偵察機的STEM（科學、科技、工程及數學）課程，但教學成效有限，亦突破不到傳統的課程限制”

睇報導嚟講，現任陳校長係俾學管理層叫起身.....

喂！上學年仲講到個無人偵察機嘅STEM有幾好幾有創意，咁快就話教學成效有限又要試新嘢？咁幾時先至試到啱？

搞Happy School唔難，但要搞一間有效果嘅happy school就一尐都唔容易，唔知俾得近七萬一年嘅家長唔會視成績浮雲呢？

hkpapa852

Soundervolt 發表於 18-3-17 00:09
本帖最後由 Soundervolt 於 18-3-17 00:09 編輯

“校方高層參訪天虹小學後，主動羅致朱校長加盟，雙方 ...

其實朱生上任改革後既天虹學生好似都未畢業，真係見到成效？

Soundervolt

hkpapa852 發表於 18-3-17 10:35
其實朱生上任改革後既天虹學生好似都未畢業，真係見到成效？

個成效咪將天虹小學由瀕臨殺校到足夠收生，可能拔X男書院前校長現任德萃張校監睇中佢呢個強項啩？！

hkpapa852

Soundervolt 發表於 18-3-17 10:59
本帖最後由 Soundervolt 於 18-3-17 11:00 編輯

個成效咪將天虹小學由瀕臨殺校到足夠收生，可能拔X男書 ...

咁應該搵聖十架校長，令寶校變到乙2已收爆

Soundervolt

hkpapa852 發表於 18-3-17 11:25
咁應該搵聖十架校長，令寶校變到乙2已收爆

若果朱校長嗰EdMetro繼無人偵察機之後成效不彰，好快又好似陳校長咁需要起身，可能都會諗下聖十架校長都唔定，訪問中都有提及，新校彈性大，所以唔啱可以試到啱。

chriskaan

好期待 , 德箤係九龍區會開辦小學...!!

Terencema7

猴子爸 發表於 18-3-16 14:55
都是那句，到底此校背后真正的大水喉是谁？可能是实力雄厚的中资都说不定。中资应该对朱子穎有好感的。 ...

呢個真係迷!
校董徐飛表面係創辦人，30出頭，教練出生，搞田徑班生意，老實講，咁o既企業可以令佢財力和人脈開辦到私校? 仲要咁多猛人!
只知佢係自由黨內校董中亦有校董是自由黨!

猴子爸

Terencema7 發表於 18-3-17 22:37
呢個真係迷!
校董徐飛表面係創辦人，30出頭，教練出生，搞田徑班生意，老實講，咁o既企業可以令佢財力和人 ...

知道邊個係背後老闆係重要的，先唔講乜嘢理念，依間係私校，要做上軌道收支平衡都要有一段日子，如果背後老細唔夠實力，唔夠承擔，玩玩吓話冇錢玩，唔想玩，到時d家長點算？

anderton

始終香港家長怕蝕底 邊個會夠膽做開荒牛
教育小朋友成日叫佢哋要創新 依家有學校主張創新思維
卻又擔心失敗收場 到時候自己的子女怎樣辦 香港教育制度就係失敗在呢度 亦都因為一班家長怕失敗去配合呢種制度 以為一次失敗就永遠失敗 跟住自己嘅小朋友就永遠陷入呢種咁不知所謂教育制度下嘅漩渦不斷loop

Soundervolt

anderton 發表於 18-3-19 13:32
始終香港家長怕蝕底 邊個會夠膽做開荒牛
教育小朋友成日叫佢哋要創新 依家有學校主張創新思維
卻又擔心失 ...

咁就要睇下失敗咗仲有冇幾多機會再嘗試，如果花咗六年或甚至十二年，其本上冇乜機會喺學業上翻身，咁樣同赔葬冇乜分別嘅話就要三思。

mamaishere

anderton 發表於 18-3-19 13:32
始終香港家長怕蝕底 邊個會夠膽做開荒牛
教育小朋友成日叫佢哋要創新 依家有學校主張創新思維
卻又擔心失 ...

本帖最後由 mamaishere 於 18-3-19 14:02 編輯

贊成你嘅説法！

仲要不斷針對性批評學校嘅人又唔係讀過/讀緊/想讀/參考過真正用家意見嘅人，只係一味冷嘲熱諷所有關於呢間學校嘅所有話題。人哋學校只係有個新校長上任，有一啲新理念嘅英普私校，唔明做咩要咁落力批評，乜有用家投訴交完學費覺得貨不對辦咩？就算係，俾得起7千蚊學費嘅私校家長自然會有資源用腳投票。又係啲父母自己話香港教育失敗，而家有人想take action改革又話人哋不切實際！人哋又無叫你夾＄交學費！有人supply又有人demand咁有咩得罪你呢？

利申：同德萃零關係亦不打算入讀，只覺得太多人無根據就個個post追住踩，好救命！

lui

mamaishere 發表於 18-3-19 14:01
本帖最後由 mamaishere 於 18-3-19 14:05 編輯

本帖最後由 mamaishere 於 18-3-19 14:02 編輯

Can’t agree any more!

anderton

Soundervolt 發表於 18-3-19 13:41
本帖最後由 Soundervolt 於 18-3-19 13:43 編輯

咁就要睇下失敗咗仲有冇幾多機會再嘗試，如果花咗六年 ...

我所講嘅就係呢種思維 好老實講在我立場 我唔會相信一個小朋友喺學校六年甚至乎12年一啲野都學唔到我真心視排位和學校成績如浮雲 只要教導小朋友正確付出理念 結果係點樣都無愧於心
教佢用咩正確嘅態度面對將來佢嘅社會 呢個反而係我最注重嘅嘢 我絕對唔怕失敗黎搵佢
我最驚佢逃避失敗 同埋唔知點面對失敗 同埋將失敗歸咎於其他人和事

hkpapa852

投資項目可以保留幾十年, 小朋友讀書生涯只有12年

猴子爸

mamaishere 發表於 18-3-19 14:01
本帖最後由 mamaishere 於 18-3-19 14:05 編輯

本帖最後由 mamaishere 於 18-3-19 14:02 編輯

我的鄰居大X蓮向我投訴，話她的親戚麻麻煩煩，難得自己找到一個好男人，那男人看起來出類拔X，又新潮又醒目，有很創新的想法，但d親戚就叫她戴眼識人，要認清那個男人的背景才好繼續交往，她就覺得那些親戚不斷針對性批評那個男人，自己又唔係上過/上緊/想上對方，只係一味冷嘲熱諷所有關於呢個男人嘅所有話題。人哋只係個樣新潮d jie，唔明做咩要咁落力批評.又係父母自己話大X蓮失敗沒人要，而家有人想要大X蓮，又話人哋不切實際！人哋又無叫你夾＄做嫁妝！有人追大X蓮又有人肯受，咁有咩得罪你呢？

对不起，作更正：我写漏了：应该是"自己又唔係喜欢上過/喜欢上緊/想喜欢上對方。

猴子爸

猴子爸 發表於 18-3-19 14:52
我的鄰居大X蓮向我投訴，話她的親戚麻麻煩煩，難得自己找到一個好男人，那男人看起來出類拔X，又新潮又醒目 ...

对不起呀，把留言落错了位置！ sorry 呀

话时话，我觉得大X莲都有道理，即使最后大X莲被人昆左，又关d 亲戚什么事？钱又不用他们付，用不着他们说三道四的。

呀，我记得喇，她叫大德莲。

mamaishere

猴子爸 發表於 18-3-19 14:52
我的鄰居大X蓮向我投訴，話她的親戚麻麻煩煩，難得自己找到一個好男人，那男人看起來出類拔X，又新潮又醒目 ...

見你用得出呢個比喻就知你份人幾有深度！一間學校有辦學團體、校長、主任、老師、同學、家長去組成，唔係咁簡單可以用一個新潮男人會唔會欺騙阿大X蓮嘅感情去概括！再講，大X蓮就算真係最後婚姻失敗又如何？需要要死嗎？下次再搵老公咪知邊款啱自己囉！結咗婚六年先離婚好失敗嗎？一齊嗰六年唔可以有滿滿幸福快樂嘅回憶？唔可以從個男人身上令自己增值，個男人教識佢好多之前唔識嘅運動音樂新知識，又介紹咗好多高質素新朋友佢識令佢network擴闊，增廣見聞，唔再淨係以為自己得大X呢個優點，其實眼界可以更闊！最後唔好彩要分開，呢一切就變成不值一提？香港人，接受唔到新意念就繼續默默原地踏步吧，唔好到時又投訴測考功課多，小朋友抑鬱自殺，全部都係你哋呢D默守成規或且因為酸葡萄人哋俾得起七千蚊學費而沒殺別人理想嘅人！