有無有用開精油嘅媽媽遇到以下嘅問題？分享下

candyvickyhk

我仔讀K2

話說我仔咳，就用精油幫佢擦(唔食藥架喇)， 返學都盡量搵左啲清新啲嘅油！但但老師聞到，就話唔好用，因為班上有G6PD學生，唔了解我用啲油有咩成份, 所以要我仔返屋企沖涼，咁我都有同老師解釋返我用緊嘅精油係無樟腦成分。我唔知老師們知唔知咩叫做"精油"， 只見到佢地好趕急地, 不耐煩地叫我地返去沖涼 😑
平時個班主任都已經好趕，好似趕住收工咁同我講下阿仔係學校嘅野，都無咩耐性同我呢個家長傾，因為我係插班生，搬屋所以阿仔都要轉校😕

mykate

咁學校做法都好正常。。。

點會清楚知道個成份；如果有問題，（g6pd 唔止樟腦呢樣有影響）g6pd 小朋友聞到，真係會好嚴重架。

又可能會有d 小朋友有其他敏感症，學校小心d 都合理。

miriam

我只能夠講老師做法正常.

各人敏感症狀不同, 未必一定係 G6PD 先會出事, 假若有小朋友有其他敏感症, 後果會好嚴重.

以我為例, 我對天拿水呢類揮發性物質有敏感, 嚴重到可以面腫同氣喘, 好彩既就即時噴氣管藥頂一頂跟住去睇醫生, 最近一次要食類固醇, 抗生素同抗敏藥 (共四種).........同埋我係嗅唔到天拿水味, 到發現唔妥時已經好遲...........

candyvickyhk

回覆 miriam 的帖子

聞唔到咁大件事~咁你其實有無用開精油架？

candyvickyhk

回覆 mykate 的帖子

我都明白這是正常其實我想知嘅係你地用精油嘅同時，點處理我呢啲問題？

mykate

candyvickyhk 發表於 18-3-13 18:51
回覆 mykate 的帖子

我都明白這是正常其實我想知嘅係你地用精油嘅同時，點處理我呢啲問題？

我兩個女，番學前都唔會用。

病緊冇番學就屋企用。

如果有番學，就放學後先。

kitty0204

老師做法非常洽當

bitofpeace

I apply essential oils on my child’s feet before school.

candyvickyhk

回覆 mykate 的帖子

學校叫我返學唔好用，我都無用到喇！都係放左學先用，好喇！今日返學我都左聞右聞阿仔身上有無味道先返，點知返到學校阿仔就俾啲老師圍，我只遠距離望到，隔左陣就唔見左阿仔以為佢入左去心，點知個班主任打黎話聞到我仔有精油味，我話今日無擦到油，又話要同我傾，我就話要同校長傾。我入去學校時，校長佢地都聞到我身上都有精油味，因為我屋企24hrs擴香，衣服頭髮實有味，同校長傾完，結果就係要我俾我用開嘅油嘅成份俾佢，ok 無問題呀！我好樂意！由於我用嘅油都係單方精油，所以佢地叫我影低樽後的成份表sd俾佢，我影左，但佢地覺得唔足夠(e.g. Lemon, 成份就是Lemon, 100%精油無加其他野)。其實我都唔太清楚佢地要睇啲咩成份，之後 又sd 左句"其實我都唔清楚妳用邊幾種精油，請家長自行預備。"(... 真係奇怪....我已經sd左套我用嘅精油名同成份俾你，又唔清楚？)跟住又話" 如未能提供完整資料，本園建議閣下暫時停止使用。" 😵(咁就慘啦！我細仔有嚴重氣管敏感，靠精油提升免疫能力，用少啲類固醇.....其實，點解人擴香可以順利返學，點解我擴香就咁多阻礙.....)

candyvickyhk

回覆 bitofpeace 的帖子

唉......等我仔可以返學嘅時候，我都只擦腳疷。
最慘係唔知佢地學校搞到幾時，我仔呢個假期可真長了.....

candyvickyhk

回覆 miriam 的帖子

假若，有其它小朋友有敏感......
嚴格黎講，學校各職員學生都應該要check下   ，衣服有無嗅丸味，有香味的護膚品 都要驗下有咩成份， 洗頭水 洗完頭後所發出嘅香味有無致敏原，啲香味會唔會引起G6PD 學童有反應？點解只針對我啲精油呀？

candyvickyhk

回覆 bitofpeace 的帖子

你擦精油前，會唔會同老師講聲？

candyvickyhk

哈哈哈！間學校又轉口喇！
話唔會拎俾醫生睇，(之前話會拎啲成份俾醫生睇下會唔會有問題) 因為醫生都唔會知，或保證啲咩，佢要我去簽份便條，證明我而家用緊呢幾支油，若有改變要再同校方講，" 如果個g6pd學生有咩事，我需要負上呢個責任". 但校方搵人睇過我俾嘅資料，覺得ok無問題，先俾我返學，跟住又話如果個敏感學生出事，負責任嘅只有我，唔關學校事？

candyvickyhk

回覆 candyvickyhk 的帖子

剛開始咳，擦左一次返學忘記了同老師講，但之後我返學前都無擦，佢地都一樣聞到，原因係我屋企會擴香，連我身上都會有味，即使小朋友擦唔擦油，都會有味

hiuwakelly

candyvickyhk 發表於 18-3-15 10:47
回覆 candyvickyhk 的帖子

剛開始咳，擦左一次返學忘記了同老師講，但之後我返學前都無擦，佢地都一樣聞到 ...

https://m.mingpao.com/pns/dailynews/web_tc/article/20160104/s00005/1451842543034

既然家長用精油為自己小朋友治療，即係都相信精油的療效。但家長自己又有無對精油的專業知識？ 新聞也有很多小童或大人精油半毒的事件，希望大家也參考一下。

candyvickyhk

回覆 hiuwakelly 的帖子

謝謝你的意見。
我嘅配方係由專業嘅芳療師俾我，而唔係香港事但讀個證書個啲！
每個人嘅體質唔同，所用嘅油都唔同，所以，我絕對放心用。

candyvickyhk

回覆 hiuwakelly 的帖子

即是好似睇醫生咁，醫生開藥我食藥
你地用油，唔係都係有個專業人士guide住架咩？
自己開黎用？

hiuwakelly

candyvickyhk 發表於 18-3-15 12:10
回覆 hiuwakelly 的帖子

謝謝你的意見。

請問專業芳療師的專業資格牌照是哪個機構組織給予？要讀幾多年？分多少個專科？怎樣才能穫得？哪個國家的政府監管和認證？我一直也找不到詳細的資料，麻煩分享一下, 謝謝

miriam

基本上你用到飯煲做全日全屋擴香，可以話成身都會有味, 不論係頭髮同衫都會有, 已經無可能用咩洗頭水丫, 沖涼液黎做比較.

學校要求你咁簽一定有原因, 既然口頭同你講都無用, 唯有 B&W 咁寫到明出左事責任由邊個負責.

tychow

不如轉校