有無有用開精油嘅媽媽遇到以下嘅問題？分享下

lshakhak

其實你衣物上可能會吸左你屋企用，無申報既精油。如果因為咁，吸入左令小朋友有嚴重反應甚至死亡，你都唔會過意得去啦。申請轉班或轉校，好似對相方都好。希望你都為其他小朋友著想，身教都是好重要

jude170

相信簽什麼文件也只是”象徵式”，樓主日後轉用其他精油也不會向學校重新申報，簽署文件只是學校曾經處理問題的證據而已。
樓主每次轉用不同精油擴香時，會否同時考慮到那位 G6PD學生？不是自己小孩有 G6PD 不上心也是人知常情，即使轉校也有幾會遇到另一個 G6PD，怎樣可以不帶”味道”返學，避免影響他人才是重點！

Rabbitpigsheep

hiuwakelly 發表於 18-3-15 12:22
請問專業芳療師的專業資格牌照是哪個機構組織給予？要讀幾多年？分多少個專科？怎樣才能穫得？哪個國家的 ...

其實所謂香薰治療師、芳療師等
同醫生、護士、物理治療師、職業治療師等等有好大分別

前者發牌不需政府監管
後者入學有嚴格準則，要通過不同類型考核
達到標準先可以取得專業執照

有興趣可以聽下以下youtube
會有解釋
https://m.youtube.com/watch?feature=share&v=SDGaKgpN4N4

我覺得學校無權要求家長簽什麼責任聲明
不過學校有權為保障其他學童安全而拒絕樓主小朋友入學校。

Ps. 我有用香薰多年，不過有小朋友已開始減少使用了。

fruitfulsnoopy

作為G6PD家長，我見到呢個post好傷心。
其實我都知，我唔可以要求別的家長唔可用什麼什麼！呢個就係覺得好無奈的事。可以講我自己小朋友有問題點解要人就佢。
某程度上，我只求好彩，小朋友冇因別的小朋友用了一些佢唔聞得的嘢。
有時搭lift聞到臭丸味，我慶幸在他身邊即出lift，有時都諗工人姐姐可能冇我咁敏感就慘了！
希望各家長能企係我小朋友呢類人著想一下。
Sorry！有感而發！

acfun

我有類似經驗, 唔係精油係蚊怕水.
因為小朋友等校車位好多蚊, 有一排俾蚊咬得好犀利, 所以噴左蚊怕水, 仲專登搵G6PD都用得的產品, 本身我小朋友係無G6PD.

但點知學校的註校護士打電話俾我, 話唔得, 除左大味外, 驚影響G6PD學生, 要我即刻接走小朋友. 個刻我都有D嬲嬲地, 但細心諗下學校都係有責任感先咁做, 我同護士解釋再俾個產品名和資料佢, 護士比較放心後, 問我同唔同意幫小朋友洗腳換襪, 等無咁大陣味先入課室.

我覺得要體諒學校點解咁做, 始終學校係一個群體生活的地方.

Saboc

自私樓主

Faseenai

fruitfulsnoopy 發表於 18-5-21 13:01
作為G6PD家長，我見到呢個post好傷心。
其實我都知，我唔可以要求別的家長唔可用什麼什麼！呢個就係覺得好 ...

媽媽好叻
有類似情況既媽媽真係要多d出黎發聲，等多d人圍插個d無知又無品既家長，佢地先可能會收下

MrBeast

路過，之前都冇聽過g6pd, 又學到野。

我小朋友都有氣管問題，之前老闆信埋d朱朋狗友買左d唔知乜油，我發現後掉哂

Bighamster

學校做的非常正確！

celialing

candyvickyhk 發表於 18-3-15 00:58
回覆 bitofpeace 的帖子

唉......等我仔可以返學嘅時候，我都只擦腳疷。

Beckyabbie

Saboc 發表於 18-5-22 15:18
自私樓主

真係好自私, 淨係諗自己小朋友唔比搽油會點影響身體, 完全冇諗過其他小朋友聞到會有咩影響, 間學校處理得好好，完全冇問題，有問題果個係你呀。。好好反思一下
氣味過敏反應可以好大, 我對某啲氣味都會敏感, 小問題就打乞嚏, 大問題係會呼吸困難。。所以問題係可以去到好 嚴重及影響性命

hfnyd

超級自私，只從自己角度出發，萬一有同學有敏感，出了事，你會安樂嗎？
睇你都應該唔會之餘，仲振振有詞。

cholewong29

自私家長，咁睇唔起學校就咪讀

BABA124

樓主邊間學校？處理得好好！值得表揚！老師花咁多時間保護小朋友，唔會趕收工啦！係想避呢個怪獸家長。

bbellchung

candyvickyhk 發表於 18-3-13 13:58
我仔讀K2

話說我仔咳，就用精油幫佢擦(唔食藥架喇)， 返學都盡量搵左啲清新啲嘅油！但但老師聞到，就話唔 ...

其實G6PD可以好多嘢都唔聞得架，臭丸、薄荷呢啲只係大部分患者唔聞得，但每人體質唔同，無法一概而論架，仲未計有敏感的人。小朋友咁細唔舒服都唔會識講，唔好有味就最好，要有同理心。

happyma12

其實學校安排好合理