Cheating

星星的後裔

小曳人 發表於 18-3-12 11:28
家長們，既然承認孩子有錯，老師要罰都好應該，請不要過份保護孩子，要接受佢地會做錯，而"錯"其實係好事！ ...

認同

b3410

本來覺得20分冇咩所謂，小一，有個教訓以後不再犯規。

不過，如果最後因為20分，導致不合格（唯一原因），留班，好似後果太嚴重！呢種情況希望學校可以酌情處理。

我覺得小朋友所經歷的，已經俾到好好的教訓佢，唔會再犯了。咁處罰的目的已經達到。

greentea000

亜斯蘭 發表於 18-3-12 19:10
小朋友一直都做得慢，卷一向都做唔晒⋯⋯

雖然我知點都係佢唔啱，難得佢心雄想做埋它，

即係扣呢20分之前仲有兩大問題，成績追唔上同試卷做唔完。

小曳人

如果孩子唔扣20分都唔合格，而因為主科肥咗要留班，都唔關嗰20分事！

請正視問題：
到底係小一適應期，孩子未跟到 (搵人幫手/調節期望/同老師溝通)
定係學校要求比一般高，孩子/家長感壓力 (考慮轉校)
做卷慢~ (可考慮多練習)

做人做事，唔正視原因，只管怪人，並非積極解決問題態度
孩子仲細，學習可以慢慢教

HaYi

小曳人 發表於 18-3-13 06:31
如果孩子唔扣20分都唔合格，而因為主科肥咗要留班，都唔關嗰20分事！

請正視問題：

好同意.     
因"心雄" (or 有僥倖的心理) 而聽到pens down 都想寫埋佢即是明知故犯,  同年紀小唔識停是兩回事.  如果動機是取得多一兩分而當時做左偷睇 / 抄書 / 其它又得唔得呢? 我想大部份人都會直接覺得唔得. 點解pens down 又再寫埋又得呢? 所以心雄唔可以算是一個好的動機, 小朋友要明白利用不合規矩而得到的分數應該都不可以算是成績吧.   而且如果今次老師冇發現, 冇罰, 下次都有機會再重蹈而被人捉罰, 可能罰得重勁.      

此只是學期中的其中一科一次考測吧?  其它拉唔到分嗎?  如果因扣此20分而要留班, 即是本身成績都只是70+分, 小一來說有點緊.   當本來事小的20分成為了留唔留班的關鍵, 大人才有此次事件是否懲處過重的爭論吧?  如果真是如此, 雖我覺得罰得有理及對小朋友有益,  但唯人從人情上出發, 家長亦同校方商議, 希望學校當發出警告, 留班的問題從寬處理吧.  

亜斯蘭

謝謝各位提醒！
當初知道時，心酸係因為佢只想完成最後一題，反而犯錯⋯⋯好想讚佢好努力，但又講唔出口！對於第一次能完成一份卷的小朋友來說，當然唔想被扣分。
我認我好保護佢，因為佢弱，但我唔會批評老師，這也是教的一種，教訓、教導都係教，睇吓自己點睇。
佢話第一日考時有同學都係咁但冇被罰，只口頭警告，而悶悶不樂，我都有解釋俾佢聽，剛開始時犯錯，好多時都會俾次原諒的機會，但妳今次最後一日考最後一科，其實妳知唔可以，這是唔應該會犯的錯誤，所以係應該要罰。（雖然兩科是唔同老師監考，但老師應該唔係針對佢，只是冇俾次機會佢。）

昨日佢話睇吓扣唔扣整體分，我想應該是總分同操行吧！佢話班主任會聯繫我，唯有等下先⋯⋯

我都係第一次遇到這種事，自己都好矛盾，我都怕自己講錯，解釋錯，令佢唔信人，冇信心。煩請各位指點！

shadeslayer

偷野都唔會判終身監禁。出貓罸幾多才 proportionate 絶對是應該討論的，不是過份保護。

如果因為扣20分，由不用留班，變留班，係不合理。不合理不只是懲罰大於所犯的事，如果留班係成績追不上，除非嗰一秒得的分就係衝過界限，如果唔係，留班唔反映學生能力，浪費一年。

MrBeast

知錯能改就得la，我中學時老師和同學玩了個特摯測驗，用意係要我們看清楚遊戲規則，到到e加lo記於心，至於小一咁細學校用咁方法是debatable，家長或須做下心理fu 導。

looks to me 小朋友都有些壓力from 家人，樓主或許需要留意下

Olympian

亜斯蘭 發表於 18-3-13 09:15
謝謝各位提醒！
當初知道時，心酸係因為佢只想完成最後一題，反而犯錯⋯⋯好想讚佢好努力，但又講唔出口！ ...

好明白你心情啊！比我都會好唔開心。扣完廿分仲要扣什麼整體分，對個6歲小朋友來講係太恐怖了，似判了死刑。家長要好好安慰小朋友。

首先，幾難頂都好，一定唔可以話老師錯，小朋尊師重道，服從師長，對佢將來會有好處。況且佢真有唔守規矩。

其次話比佢聽，佢只係呢件事上做得唔好，唔代表佢成個人都唔好，老師唔會再嬲佢。同埋呢件事會過去，下次唔再犯就無事。

扣完廿分又再話要扣什麼整體分，我覺得係"做野"比家長睇。通常學校想你自動走，小一小二會多動作。到小三就會無事，因知道迫唔到你走。但自己都要諗下頂唔頂得順，同埋學校係咪真係適合小朋友。

Olympian

shadeslayer 發表於 18-3-13 09:28
偷野都唔會判終身監禁。出貓罸幾多才 proportionate 絶對是應該討論的，不是過份保護。

如果因為扣20分， ...

一定唔會唗個位比佢留班啦。有位不如收個插班勁人。

MrBeast

李大人 發表於 18-3-13 09:25
講比小朋友聽，爸爸媽媽細個果陣，亦試過比老師扣分，今次你的努力爸爸媽媽比你一佰分，送一份你喜愛的東西 ...

我係明你原意，但做錯都有得奬

MrBeast

Olympian 發表於 18-3-13 09:40
一定唔會唗個位比佢留班啦。有位不如收個插班勁人。

我都覺得唔會因為咁而留班

MrBeast

亜斯蘭 發表於 18-3-13 09:15
謝謝各位提醒！
當初知道時，心酸係因為佢只想完成最後一題，反而犯錯⋯⋯好想讚佢好努力，但又講唔出口！ ...

點解唔主動d 打比老師，問清楚學校會如何處理，但緊記唔好defensive，present it as 如何幫小朋友改善