在孩子測驗考試前後， 家長會緊張？心情如何？

mypineapple

同幾位家長傾過， 大家都會特別緊張， 真係皇帝唔急太監急， 又担心孩子careless mistake 失好多分， 又嫌佢溫習唔認真 唉！

其他家長也會咁嗎？

greentea000

好似唔見爸爸們參與呢個遊戲，訴苦既都係媽媽們。

Jane1983

幾多年班？如果初小，真係無需要緊張成咁，尤其係連測驗都咁在意。試想吓，一個小朋友由細到大，要經歷幾多次測考？仲可能多過一個小朋友，咁上心，長遠來說自己和小朋友都未必頂得順。

b3410

測考就冇咩感覺，反而小朋友參加比賽我會緊張。

Lu324

我好緊張，因為要會小朋友轉校。但如果成功轉到，我應該尤佢自己處理

shirley2014

考前冇乜緊張，溫習時間也好有限，反而等成績緊張;的

greentea000

ar_mak 發表於 18-3-10 23:12
都有，但你會比較難去撞得到。例如樓主個情況，佢同幾位媽媽傾開都有呢個情況，其實就正係大家有共同話題先 ...

又或者係爸爸根本話唔到事

greentea000

ar_mak 發表於 18-3-10 23:28
咁如果按照你個人意願，你想：
Ａ。媽媽話事。
Ｂ。爸爸話事。

Ｂ

tkinwong

身為爸爸，我緊張過小女阿媽很多，因為係我跟阿女的學習，有時甚至不知不覺代入咗去，好似自己去考咁，我知係有問題。

話雖如此，我也是睇住來谷，考試前一樣無影響阿女的娛樂，會比她看電視和落公園放電。

cl919

唔多唔少都緊張，因為上學期考測都唔錯，希望可以可以繼續keep住。

2jkidsfather

mypineapple 發表於 18-3-10 11:26
同幾位家長傾過， 大家都會特別緊張， 真係皇帝唔急太監急， 又担心孩子careless mistake 失好多分， 又嫌 ...

正常 woh

grandmalolo

我個是高小，自動自覺温習做功課，十分留心上堂，一向成績不錯，有些高，有些低，拉上補下，每次測考前和等成績表，我的心情有少少緊張，怕他做卷突然失手跌名次。

kelly6688

我係小二媽媽，她每次測試/考試我都超緊張(emoji)，啊女成績差.幼稚園時沒怎跟她學習.周圍玩. 沒養成學校規律，到小一時，慘啦 上堂唔專心 ，又抗拒寫字 又記性唔好，多科唔入格.小一下學期開始日日看著她，爭取時間幫她溫加補習，到小二第一學期才好些，得一科唔入格， 她真係唔谷唔得，我都真係沒她辦法. 這個星期測試，我都有壓力. 請問各位如果小朋友心散記唔到野，唔識轉彎.沒責任心要怎教好？thanks

HaYi

我2個

大的呈一呈二我會緊張, 但又冇咩可以幫到佢溫, 只是佢做野求求其其, D worksheet 好似爛紙,   我最大的責任是幫佢執番齊worksheet, 叫佢睇. 就來呈三我開始有點油...可能煩得太多自己都怕.

細的比較自立專心, 又好彩只是小一,  我要番工俾到佢的時間好少好少, 只好plan 定要溫的野叫佢寫下我回家睇.  

可能我自己都係冇咩時間, 叫做盡左力分配, 成績如何靠佢地啦.

wongtw

初小，今次考試期間突然緊張，學校出卷量加多40-50%，中英數，每科比過去考多最少4頁紙，英文不計英聆多了最少9頁紙（共考約22-23頁），常識未考不清楚，的家長好驚，好多同學根本不夠時間寫答案。睇嚟是要的家長平日勤加溫習。