幼稚園高班，懷疑讀障，但數理強，要點做？

sexymami

我見好多評估都話要等小一。
依家小朋友只係高班，明年才升小一，但已足6歲，係咪可以做評估？
評估之後又有邊啲地方有啲課程可以幫到佢？

幼稚園老師好好，學校都有啲特別小組俾佢上。

小朋友其實數理邏輯推理，說話同理解都強，所以我冇諗過佢會有讀障。

經老師提醒，我哋先發覺小朋友認字好弱，尤其係中文字。就算今日認得，過2日都係唔記得
而且佢啲字分唔到
例如 九 力/ 有 青 看。等，放在一起佢講得出有咩唔同
但過一陣俾佢睇，佢都係講左其他字出黎

另外小手肌唔夠強，執筆唔好，唔喜歡寫字，連自己個名，寫左半年都仲會寫錯

佢黎緊會跟家姐一樣讀官立小學，相信支援未必好夠

老師有講過可能讀國際學校會好啲，因為認中文哩一式對佢黎講真係好有難度，加上佢其他方面做得好又有成功感，更加令佢抗拒 學同寫中文

有冇有經驗父母可以分享下，我哋都唔知應該點做好...

Pakpak_mama

可找職業治療師訓練，職業治療師會訓練讀寫和小肌，或一些中心都有讀寫訓練班

王家爸爸

sexymami 發表於 18-3-9 13:02
我見好多評估都話要等小一。
依家小朋友只係高班，明年才升小一，但已足6歲，係咪可以做評估？
評估之後又 ...

中文字左右掉轉，b、d、p 、q 分唔到，到小三就自動解決。

sexymami

Pakpak_mama 發表於 18-3-9 19:15
可找職業治療師訓練，職業治療師會訓練讀寫和小肌，或一些中心都有讀寫訓練班
...

咁邊到可以搵到？
協康/小童群益會/YMCA?

Pakpak_mama

sexymami 發表於 18-3-12 10:02
咁邊到可以搵到？
協康/小童群益會/YMCA?

一般協x, 耀x, 都有職業治療師，可能私人機構的治療師會較容易就時間，如邁x, 領x，我朋友個仔小三確診讀寫，佢去過唔同機構，覺得助x會最好，但我仔無試過。我仔有到校服務，大約一個月見職業治療師一次，我會將治療師的建議和家居訓練講比上門老師和密集班老師聽，感覺進展唔錯

TT_BaBa

sexymami 發表於 18-3-12 10:02
咁邊到可以搵到？
協康/小童群益會/YMCA?

你住邊區架？通常附近都有

MissUmuch

王家爸爸 發表於 18-3-9 23:55
中文字左右掉轉，b、d、p 、q 分唔到，到小三就自動解決。

請教王家爸爸，會唔會有考得高分數嘅讀障兒童呢 ?
仔仔入小一前 CAC評估懷疑讀寫障礙，尋日學校社工打電話嚟， 話同班主任其他老師討論咗， 都係覺得仔仔可能有讀寫障礙，所以學校會安排心理學家同佢做評估，但仔仔依家小二，全級考11 .... 有D迷茫 ...

AndrewHo_FB

Kids having dyslexia may be able to have high scores in the early stage of primary schools. The kids remember the wordings as pictures. But when the topics and wordings get more complicated and sophisticated, their scores will drop dramatically.

So, seeking assistance from an occupational therapist should be unavoidable.

王家爸爸

MissUmuch 發表於 18-3-21 09:05
本帖最後由 MissUmuch 於 18-3-21 09:06 編輯

請教王家爸爸，會唔會有考得高分數嘅讀障兒童呢 ?

數學科唔會受讀障影響，所以都可以考得高分數。
語言科，主要係寫錯字，其他都唔會影響到。
我一直懷疑讀寫障礙評估既有用性，小朋友既讀寫障礙有幾嚴重，其實家長、班主任最清楚，只要唔嚴重到家長、班主任都覺得係困擾，或者嚴重影響學業就可以。

MissUmuch

AndrewHo_FB 發表於 18-3-21 10:26
Kids having dyslexia may be able to have high scores in the early stage of primary schools. The kids ...

多謝你意見， 我一直以為讀障嘅一定係成績比較低少少，仔仔看圖作文係無問題， 但只係詞語造句就會句子好奇怪， 希望做完評估，及早治療，對佢高小有幫助 ❣

MissUmuch

王家爸爸 發表於 18-3-21 10:35
數學科唔會受讀障影響，所以都可以考得高分數。
語言科，主要係寫錯字，其他都唔會影響到。
我一直懷疑讀寫 ...

佢中英文作文造句比較弱，默書考試唔可以太早温定， 温完又會唔記得，甩漏太多， 我原以為 男仔係咁 粗心大意，上次家長日， 班主任話佢能力應該可以考級5内， 但總係有d野，令佢唔得，但老師又話諗唔到問題出係邊， 結果社工同班主任傾完，覺得係讀寫