請教....E位、I位的選擇

MrsKwong214

tweety82080 發表於 18-3-10 12:33
本帖最後由 tweety82080 於 18-3-10 12:34 編輯

我排左1年倒，你可問下醫務社工那幾間i位快些咁當然要 ...

明白，謝謝你提醒。

KCHK

MrsKwong214 發表於 18-3-10 10:40
很感謝你咁詳盡話我知，多謝你。

你個仔已讀主流小學，係咪已經好返? 因為你有在出面搵私人訓練?  

唔洗唔好意思, 大家都係同路人, 你的心情我理解。 講返你個問題，我仔雖然係讀左兩年S 位, 不過一向接觸過我仔的老師, 治療師都話我仔應該會評估入返主流小學，咁到我仔做小一前評估都話正常智力， 入主流， 但要建議學校提供言語治療， 課後功課輔導。如果你問佢係唔係好返？ 答案唔係， 佢自閉症依舊有， 只不過對主流學校生活暫時可以融入， 也都聽指令。

MrsKwong214

KCHK 發表於 18-3-10 17:17
唔洗唔好意思, 大家都係同路人, 你的心情我理解。 講返你個問題，我仔雖然係讀左兩年S 位, 不過一向接觸過 ...

係.....此刻我的心情，很難受，亦很難接受。不明白點解會咁?  相信只有你地同路人才明白。但我知道一定要接受現實，陪住囡囡一齊行下去。

我上年9月又是已去CAC見姑娘，排了今年10月見醫生。即是和你一樣在外做完評估，7個月後又去CAC做評估。因前日剛做完評估未收到REPORT，唔知心理學家會點寫? 如果好彩和你一樣，見CAC後又比我排多條排就好了........


So far聽咗咁多case後，小朋友長大後自閉問題都仍會有，只是有不同程度的問題。我想.....我真係要好好消化一下。

但值得為你高興，需然你仔仔依然有問題，但至少入返主流學校，又融入到。這是你努力的成果，真替你開心

cookieman

MrsKwong214 發表於 18-3-10 10:35
多謝你寶貴建議，相信我現在的心情會與你當年差不多。

我囡囡心理學家同cac兒科醫生都是offer我 I or E位，我選了e位，現在在主流學校讀k1，用緊到校服務

我於開學時已告訴了班主任囡囡的情況，幸運地學校很接納囡囡的情況，對她很關愛，家長日老師也沒有特別提她有什麼問題，但我自己仍然知道囡囡的固執問題

我都很想自閉症會有好返的一天，但也不知道會否有這一天，惟有知道有咩訓練方法覺得許可就帶她試試，希望能盡量減低自閉症對囡囡的生活影響，媽媽妳也要加油

MrsKwong214

cookieman 發表於 18-3-11 08:30
我囡囡心理學家同cac兒科醫生都是offer我 I or E位，我選了e位，現在在主流學校讀k1，用緊到校服務

我於 ...

昨晚綜合所有意見和老公商量後，決定排I位，因為我始終要返工，而囡囡又好彩大小肌無問題，不需要物理/職業治療，相信I位+出面的治療訓練，應該都可以。
你講得好啱，自閉症最大問題是社交，我都好怕將來囡囡在學的羣體生活會點？ 所以學校的老師有無關愛是好重要。特別我囡囡唔鍾意採人，鍾意就採，唔鍾意又走咗去，唔鍾意時更會用力推開或掉野落地，咁樣好易嚇親其他小朋友不被接納.......唉。所以我只能相信，學校既然有I位的學生，啲老師應該會接納啲班小朋友的行為。

嗰日心理學家同我講結果時，話我囡囡早發現，咁早啲訓練有幫助，甚至可以好返，令我那刻心存一絲希望，但睇左咁多case後，得出即使嚴重定輕微，都是無得好，只能盡量改變情況，能夠融入羣體已經好好。

我不是好媽媽，我覺得個女有自閉症或多或少都是因為我。因為我陀佢時胎盤前置+胎盤植入引致經常出血，又無休息，最後早咗一個月出世，所以係我害咗佢，但一切已經太遲挽回唔到，現在只能盡力去做。所以我覺得你地好堅強和勇敢，你地付出的努力，更值得我敬佩。


另外，請恕我麻煩又問，你等E位和到校服務，等咗幾耐？和我昨天網上搵資料，

MrsKwong214

另外，請恕我麻煩又問，你等E位和到校服務，等咗幾耐？和我昨天在網上搵明愛的資料，唔知係咪我問題，只搵到佢地社區和到校服務，搵唔到當私人比錢服務，請問你可以給我一些資料嗎？

cookieman

MrsKwong214 發表於 18-3-11 10:04
另外，請恕我麻煩又問，你等E位和到校服務，等咗幾耐？和我昨天在網上搵明愛的資料，唔知係咪我問題，只搵 ...

明愛可以去Facebook打明愛樂融會見到資料，另外耀能妳可試樂同行，價錢相宜

我到校等了一年，e位等了年多未等到

cookieman

MrsKwong214 發表於 18-3-11 10:01
昨晚綜合所有意見和老公商量後，決定排I位，因為我始終要返工，而囡囡又好彩大小肌無問題，不需要物理/職業 ...

妳這些想法我之前也有，因爲我於懷孕期間亦多次出血入院，但其實想這些也沒有用處

MrsKwong214

cookieman 發表於 18-3-11 10:51
明愛可以去Facebook打明愛樂融會見到資料，另外耀能妳可試樂同行，價錢相宜

我到校等了一年，e位等了年多 ...

找到了，Thank you very much
原來E位等咁耐架.....

MrsKwong214

cookieman 發表於 18-3-11 10:59
本帖最後由 cookieman 於 18-3-11 11:14 編輯

妳這些想法我之前也有，因爲我於懷孕期間亦多次出血入院 ...

係，已成事實，想多都無用.....

MissPuffs

樓主你好，請問協康評估要排好耐嗎？
我小朋友20個月，其實同你小朋友好相似。

1. 唔肯講野,指野也不會。有時會捉我手去佢想要的物件。
2) 唔理人，唔睬人，感覺不認識自己名。
3) 眼神交流弱，不會望人。
4) 媽媽爸爸不會叫，語言能力低，玩具名，動物名，顏色全部不會。
5. 認知能力也低，不會動物顏色玩具人物，不會講不會指。
6. 指令不明白，比個波波我，比書我。起身，坐底，全部唔識。
7. 只喜歡一兩隻歌，不停重覆重覆。
8. 只喜歡玩一兩樣玩具，不停玩。
9.成日拍手，佢做到做唔到都會拍手。

屋企人，朋友只說係男仔說話能力比較慢，但我覺得不是。
看完你的case, 更感覺相似。

weiwai

我女兩樣都試過，我偏向E位

AndrewHo_FB

不如你找一些有到校服務的幼兒園, 省回不少時間.

weiwai

可以上網各kg的i位排隊情況的。我當年个个月去望睇下進度，因為用家係可以隨時改選擇，我就䀹實邊條隊短排邊條