請問有無沙田/火炭區既家長比d意見揀N班呀？

akitosing

我住銀禧既，聽身邊好多既朋友話救世軍好，所以報左救世軍乙明同禾輋。(好開心叫做排30幾)但係太太又想揀樓下間私校，銀禧心怡天地/駿景園樂基 ，但博士山(香港)國際幼稚園 太貴唔考慮)。但之後一諗到私校之後就無學券，負擔好大。所以我諗住首選救世軍先。另外穗禾苑都仲有間孫方中有N班。最平係佢，仲有full day~~~

想請問大家既意見。邊一間會係大家既首選，邊間係second揸手好d？

我係好多野諗唔通既新手爸爸。

補充多少少先，太太都係培基小學既舊生，已經知道將來可以加到分幫到囡囡，但係好想90%以上入得返培基小學讀，係我地既心願黎既。

所以揀幼稚園好矛盾呀。又唔想迫得佢太緊，但又擔心讀唔到書。

哈哈寶寶

孫方中最平，全英普。強烈建議最好去校舍睇睇+

另，樂基也不錯，開心、語文好。

救世軍，自理強，愛心教學。

如大抽獎，上列任何一間也没所謂。

培基小學，好像位不多，20分可能要抽。

^0^

akitosing

回覆 哈哈寶寶 的帖子

多謝你的意見丫，我諗緊要唔要去神托會重申洗禮，我地本身都信基督教。但經聖公會洗禮，但諗緊點攞埋5分宗教分。

哈哈寶寶

真心分享，自己經歷。

有心栽花花不香，無心插柳柳成蔭。

順其自然，小朋友最後可行到的路，便是最好的!

隨心!  祝好運!

piglover

樂基好多人爭，考到先講，唔係大B，超大B，都係陪跑。 培基，舊生仔女都唔保證入到。 所以，幼稚園同小學係兩件事。 如果Target 直私小學，私幼會好d. 另外，Joyful 一年五萬幾蚊學費，一d都唔平。 樂基今年都好似四萬八。 培基係津校，係派位，同幼稚園好似無咩關係，讀私幼，英文好d，將來叩門有d用。

akitosing

回覆 piglover 的帖子

好的，多謝你既意見先。

victoriababy

穗禾苑孫方中好似唔係英普？大圍個間先係，我俾左穗禾苑孫方中半日班留位費(因當時第一間有OFFER)，但會放棄讀了，而且放學無校車

akitosing

回覆 victoriababy 的帖子

原來唔係英普架？咁要重新考慮一下。

piglover

akitosing 發表於 18-3-5 12:24
回覆 victoriababy 的帖子

原來唔係英普架？咁要重新考慮一下。

你咁介意幼稚園是否英普教學，其實學券幼已經唔係你杯茶。 始終，津幼嘅英普環境無可能同私幼比。 始終要比學費，如果唔注重語言教育，點會有人願意比錢讀。 講學術，私幼一定好過津幼。 針無兩頭利，你自己衡量一下啦！

akitosing

回覆 piglover 的帖子

多謝你既意見先。

piglover

學券幼通常一星期一堂英文(仲要唔知有無net教)，私幼一星期5堂英文(仲有net教)。 如果你想要好嘅語言環境，錢一定唔慳得。

秋啪頭

akitosing 發表於 18-3-2 14:34
回覆 哈哈寶寶 的帖子

多謝你的意見丫，我諗緊要唔要去神托會重申洗禮，我地本身都信基督教。但經聖公會洗 ...

聖公會洗禮是有宗教分的。

piglover

秋啪頭 發表於 18-3-6 23:08
聖公會洗禮是有宗教分的。

要問番果間小學計唔計，要同一宗教團體。

秋啪頭

piglover 發表於 18-3-7 09:15
要問番果間小學計唔計，要同一宗教團體。

問過，所以我先敢答。

akitosing

回覆 秋啪頭 的帖子

多謝晒你地既回覆丫！