希望聽聽大家的意見: LH vs Think 如何選擇

onpui

小朋友現讀Think AM PN, 下一年K1將會升讀Think K1 eng cantonese class.  雖然PN起初開學都有扭計唔返學, 不過依家已經習慣亦喜歡老師, 同學仔和校巴叔叔。當抱住好大機會的心態留原校時, 考獲LH eng cantonese AM 正取生, 不知如何選擇
小朋友未上PN時都似觀察型小朋友的類型, 不過讀Think 之後, 明顯對外亦活潑有自信了, 這幾個月的體驗告訴我Think 老師包容度高, 學校多活動, K1會行雙班主任模式, 英文程度語景不錯, 不過中文也要靠家長在家輔助
Think 係一間好開心好開心, 功課量少的學校, 小一成績對比其他名幼當然相對一般

在學之園面試過程, 都體會到學校很有系統, 有心辦學, 不過始終自己不是用家, 未算好了解學校是否與Think 一樣, 採用活動教學模式,


而且, 剛了解校車安排, 上學車程多於一小時, 相對現在Think 只是半小時校車, 所以很想聽取各位和用家的意見, 真心請教

lambeanmama

本帖最後由 lambeanmama 於 18-2-22 17:08 編輯

樓主，我不是兩校用家，但我可以分享我選校的一點想法。


首先，你必須明白每位家長都有自己幼兒教育方針的一套；有人重視德育、有人看重學術、也有人最緊要小朋友開心。當然，沒有學校是只重德育而零學術；也沒有重學術的學校不理會孩子的品格建立。在EK問 aa vs bb, 通常也會是名幼優先、其他私幼及學卷幼稚園各有擁護者。有人會說打好兩文三語基礎重於一切；但有人覺得返學車程超過30分鐘不能接受。所以，你不妨問自己，你最重視的幼兒發展是那三方面？然後詳列兩校的優劣，那麼會相對容易選擇一點。

onpui

回覆 lambeanmama 的帖子

感謝回覆. 其實我都明白單看學校名氣, 大部分人的選擇會是那一間學校. 我好記得有一次Think 校長講座問家長, 當小朋友出世時, 你地第一樣諗起係咩, 我地全部在座家長都話, 想佢開心健康成長, 於是校長就話, 咁多年來N班家長答案都大約係咁..... 只係一到K2, 大家就會為了升小而有所改變. 我不是認為LH是一所不快樂的幼稚園, 因為我暫不是用家, 不能評論, 不過Think  係一間開心學校我可以肯定, 但係3年開心後, 是否要付上很大代價呢? 我真係未清楚我家小朋友, 其實都沒有外補什麼或興趣班上, 不過本身小朋友很愛看書, 可能因為佢從書中學到很多常識, 所以能夠應付LH的面試

其實我明大部分父母緊張小朋友入讀邊間學校都係源於愛, 亦想佢地有開心童年, 但係我又怕萬一考唔到私小又派到寶校, 後果好嚴重... 我相信這都是現在好多家長所擔心... 很怕自己為小朋友作了錯的選擇, 所以未想通

lambeanmama

onpui 發表於 18-2-22 17:27
回覆 lambeanmama 的帖子

感謝回覆. 其實我都明白單看學校名氣, 大部分人的選擇會是那一間學校. 我好記得 ...

完全明白。雖不是用家，但身邊LH用家朋友均說學校教的已很足夠，在外參加的也多是興趣班、學術班較少。Think無朋友讀，但相信以學術計，與LH是有距離的，假如你目標是考直資私小；兩校的優勢分及需求是：
1. LH, 遠，但不用擔心學術；乖乖配合學校課程便可以了。
2. Think, 近，但可能家長要外補學術或在家自行跟進。travel時間少了，但家長自教/外補時間/心思可能需要多了。
可自己衡量。重點是其實大部份幼稚園也開心的；好少小朋友會覺得返學是苦事。



希望幫到你。

onpui

回覆 lambeanmama 的帖子

多謝你的回覆呀! 我會從你以上提點再考慮一下

littlecarrot111

onpui 發表於 18-2-22 15:24
小朋友現讀Think AM PN, 下一年K1將會升讀Think K1 eng cantonese class.  雖然PN起初開學都有扭計唔返學,  ...

我聽聞過think 有人叩門入喇沙，所以對依間學校印象深刻。而且你又擔心考唔到私校，其實就算LH都無一定保證必升到名小，而且車程又遠，對一個小朋友來講係咪真係好？think亦有小學back up,就算私小津校入唔到心儀，又會否考慮直升小學呢？

onpui

回覆 littlecarrot111 的帖子

其實Think language 唔錯, 佢地有好多選擇, 例如全英國際班, 英普或英文廣東話班, 英文廣東話一樣有普通話唱遊時間, 佢地K3就全部班都會英普, 國際班就好似無K3, 行國際學校的學制, 校監講明佢地唔係教英文, 而係要小朋友浸英文, 用英文溝通, 所以N班都唔會好有系統教認英文字, 去到K2先開始有phonics, 學校的教學理念我認為係貼地的.  不過中文就要家長幫一幫. 返學好開心, 比如教交通工具, 佢地N班會有遊車河, 高班會帶佢地去坐天星小輪, 課室外的教學都算多, 雖然放假會自己帶佢周圍去, 不過有學校老師同其他小朋友一同去玩係特別開心.  可能學校自由度高, 語文唔錯, Think 的小朋友係勇於表達, 敢嚐試, 所以聽聞好多高年班都有直資offer, 不過未必係自己最想入o個D或名小, 其實Think 的家長, 最著重的未必係純學術, 因為校長不停解釋教育目標同IB理念, Think 有國際小學及中學, 而且佢地IB課程係有license 的.  所以當我地有LH offer 時, 好多人都話無理由唔轉, 我就開始想了解LH更多去決定

onpui

littlecarrot111 發表於 18-2-22 19:18
我聽聞過think 有人叩門入喇沙，所以對依間學校印象深刻。而且你又擔心考唔到私校，其實就算LH都無一定保 ...

不過我地暫時未考慮小學會行IB 或者去國際學校, 因為我覺得中文係重要的, 所以就決定唔到喇... Think 舊年都有全日project 班的同學考入St Paul Co Ed.  不過入到好出名學校的人相對LH少係事實.  始終, 我相信兩校家長對小一的expectation 係有分別的,  

fatwai007

好欣賞樓主提出黎俾大家討論。好多時，大家都係跟主流意見，但係就比較少從另一角度諗下件事同埋諗小朋友感受。
不過相信每樣野都有利有弊，係真係要小心諗清楚小朋友以後條路點走。
如果係我，車程應該係比較大concern，超過一小時會比較辛苦，不過小朋友適應力比較強，相信好快適應到。
另一樣要諗就係小朋友能力，因為我估LH 會比較demanding， 小朋友會唔會大機會跟得辛苦？會唔會搞到家長小朋友都會有壓力？
當然，target 咩小學係另一重點，呢個相信大家都明白。

利申：本人小朋友而家係think N 用家。真心見到小朋友番學開心，好鐘意d 老師。

未央

我們同樣面對Think vs xxx 的苦惱，正路和大路都應該選xxx ，但Think 有些好的地方令我難以取捨。你有決定後(emoji)️否分享一下？

onpui

fatwai007 發表於 18-2-23 18:52
好欣賞樓主提出黎俾大家討論。好多時，大家都係跟主流意見，但係就比較少從另一角度諗下件事同埋諗小朋友感 ...

Think確實有很多可取之處。我係愈來愈喜歡依家學校，所以就唔知點撰好。始終小朋友已經適應左學校

onpui

fatwai007 發表於 18-2-23 18:52
好欣賞樓主提出黎俾大家討論。好多時，大家都係跟主流意見，但係就比較少從另一角度諗下件事同埋諗小朋友感 ...

Think確實有很多可取之處。我係愈來愈喜歡依家學校，所以就唔知點撰好。始終小朋友已經適應左學校

onpui

未央 發表於 18-2-23 20:32
我們同樣面對Think vs xxx 的苦惱，正路和大路都應該選xxx ，但Think 有些好的地方令我難以取捨。你有決定 ...

其實我有調轉頭諗，如果我小朋友唔係讀Think之後開朗自信左，冇之前咁怕醜，佢會唔會考到LH正取生

未央

onpui 發表於 18-2-25 01:16
其實我有調轉頭諗，如果我小朋友唔係讀Think之後開朗自信左，冇之前咁怕醜，佢會唔會考到LH正取生 ...

其實我覺得你想讀Think都呼之欲出，只是旁人都說LH好，你怕選錯。我都明白要你力排眾議揀 Think 要好大勇氣。
聽聞LH比較谷，同Think 都幾唔同，你想要什麼？
Think 3月10日有briefing session, 或者你聽聽會有啟發。

hkiwi

onpui 發表於 18-2-25 01:16
其實我有調轉頭諗，如果我小朋友唔係讀Think之後開朗自信左，冇之前咁怕醜，佢會唔會考到LH正取生 ...

請問是LH那分校？謝謝

Luikm

onpui 發表於 18-2-22 15:24
小朋友現讀Think AM PN, 下一年K1將會升讀Think K1 eng cantonese class.  雖然PN起初開學都有扭計唔返學,  ...

請問是九龍塘think 嗎？ 我依家有 think and York pn offer? 大家覺得邊間好D？thx!

happygirl1284

首先恭喜樓主，小朋友好叻，LH好難入呢！我的小朋友也是在Think讀PN, 我也非常滿意這間學校，上至校長下至校工姨姨都好有愛心，我囝好中意d老師，我亦好欣賞學校自製的主題教材。我都覺得n直上k都不錯，因為語境好。所以k我只替囝囝考龍幼&名幼（包括Lh)當見識，但幸運地考到了一間名幼offer ，因為這間學校在考直私小學的支援及名氣比think更勝一籌。
如果我是樓主,我會選lh,聽bk家長講考小一支援十分足夠，語境亦好。
不過如果樓主自行夠分就無所謂。但想考直資無疑lh會好d, 在你來說考小學和車程哪個因素較重要呢？

KumamonJ

恭喜樓主，我也是Think Pn用家，我也有幫小朋友考名幼，但全部也只是waiting offer, 在無選擇下我會繼續Think，升K1.

我家小孩很喜歡Think 學校的老師和姐姐們，我也好欣賞這學校好有heart ，小班教學，如我是樓主也覺得很難選擇吧！

KumamonJ

Luikm 發表於 18-2-25 17:29
請問是九龍塘think 嗎？ 我依家有 think and York pn offer? 大家覺得邊間好D？thx!
...

我也有York K1 offer , 但我決定唔讀了，選Think.

onpui

回覆 未央 的帖子

其實我有同現在老師討論過, 佢話我小朋友應該可以接受較深的課程, 不過佢會好適合活動教學, 因為我小朋友係天馬行空的類型.  正如你所說, 我身邊亦有好多人話, 如果我唔選LH,  他日考小一, 一定後悔..