仔仔4歲發現右邊中度弱聽，但佢又話聽到野

Normanlo1908

醫生話可以唔駛做住手術等半年再睇下，佢好似塞住左隻耳，聽唔到一半野但因為左邊無事所以小朋友平日不覺得有問題，我個仔發音唔準同埋遲左9個月講野

4ponymum

我女右耳失聰，左耳無事，顧問醫生甘形容一邊100，一邊0，好嗰邊唔會突然變差，差嗰邊唔會自己變好，要做野係要兩邊都有事，所以無野可以做。有一年上課程遇到一個導師，佢分享腦有腫瘤，手術後聽力係一邊，佢形容佢係聽到聲音但無方向感，因我地有20-30人，我地要講野就要舉手提佢，邊個講野，嗰刻我更了解我女點解有時聽唔到我叫，但面對我時我輕聲說話佢係聽到（我問佢答，叫佢重覆我話語）。

denwwm

醫生有冇講是邊類型弱聽？如果係因中耳炎等耳腔積水引起的弱聽，是可以做手術後恢復的
但如果是神經性的弱聽其實中度一般都不會做手術
小朋友需要睇返聽力學家評估要唔要戴耳機
如果只要單邊 小朋友係聽到嘅，只係辨別聲音來源會有困難，同埋係聽障側講說話會聽得比較差
家長同小朋友互動記得坐喺去正常耳仔果面～
另外都要睇下有冇言語治療需要，6歲前是治療黃金期啊

Pollyowen

denwwm 發表於 18-4-17 17:15
醫生有冇講是邊類型弱聽？如果係因中耳炎等耳腔積水引起的弱聽，是可以做手術後恢復的
但如果是神經性的弱 ...

知唔知道弱聽會唔會年紀愈大愈差嗎? 似近視咁樣會加深嗎?

Pollyowen

Normanlo1908 發表於 18-2-21 20:35
醫生話可以唔駛做住手術等半年再睇下，佢好似塞住左隻耳，聽唔到一半野但因為左邊無事所以小朋友平日不覺得 ...

想問樓主小朋友有冇做手術?

icanhear

Pollyowen 發表於 19-3-11 10:10
知唔知道弱聽會唔會年紀愈大愈差嗎? 似近視咁樣會加深嗎?

個個小朋友情況不同，要睇病因。
若病因不明，就要定期跟進。

有些小朋友的聽力會一直下跌，有些會平穩，有些會反覆變動。