點解有d直資可以happy school，官津得唔得？

Jules_S

唔好意思，有個迷思。點解有d直資學校可以做到happy school, 又可以做到ok學術成績？但一般主流官津學校就較多功課，同常操練學生。

有無官津例子又happy（少功課、少測驗）又有成績？

係直資龍校資源較多，較少競爭環境，還有其他原因嗎？

謝謝

百畝林

個人愚見：

津校除扣門外，無得自己揀學生。
亦無百分百直升嘅中學。升中要banding。咁學校係要做啲嘢。

直資龍校，少升中壓力。學生又百分百經過自己挑選。學校壓力當然無咁大。
直資除政府資助，仲有家長支付嘅額外費用，資源定比津校多。

所以，直資先好似可以有happy school嘅條件。
但人人happy school嘅定義都唔同嘅。

0030

回覆 Jules_S 的帖子

有，初小暫時happy school～

mytambb

Jules_S 發表於 18-2-8 09:13
唔好意思，有個迷思。點解有d直資學校可以做到happy school, 又可以做到ok學術成績？但一般主流官津學校就 ...

因為直資課程有彈性，學生亦已經有基本能力唔洗太谷。整個氣氛能夠較開心，多元化發展。

lulumelody

因為直資你唔谷，學生家長自己會佢谷。

Charlotte_mom

lulumelody 發表於 18-2-8 09:43
因為直資你唔谷，學生家長自己會佢谷。

你果間係咁？我果間唔係wor

Charlotte_mom

我自己咁睇
其實官津都有活動、少功課嘅。不過事實上活動教學係較難同多野準備（在教學層面黎講）。例如，坊間課本唔係依書直說就得，要準備好多校本野，課堂秩序又要維持到。改功課open questions又難改左
傳統學校有包袱，突然轉左而影響教學成效，邊個mer飛？所以未必會唸轉。尤其學校已有一定生源，多一事不如少一事。反正keep住傳統都大把家長揀，跟返現有做法穩穩陣陣

ok3

如果樓主只係要求"ok學術成績", 相信大部分官津都已經可以滿足到你. 如果你要做好top嗰 "浸", 一係你天資聰敏, 否則去到邊間學校, 你仍是要下苦功.

Soundervolt

讀直資或官津Hap唔Happy好睇個人，唔可以一概而論，如果要有好成績，無論傳統或活動教學，官津或直資，學生都要努力付出，好似樓上咁講，如果唔係追求高成績，其實好多學校都可以好happy。CKY用評估代替測考，變相即係日日都正在測考，官津學校定期測考，如果有恆常温習，亦並非一定艱辛，所以好睇個人適唔適合同埋期望。

AndrewHo_FB

The direct subsidized schools can select the best students into their Primary 1. And I do think the schools have also consider the parents' background if they are supportive to their kids' study.

For public schools, their students are randomly selected and the variation among them is really big. It is similar for the trucks, sport cars, bus etc all driving in 1 lane. The result is all the vehicles need to slow down, and all drivers need to suffer.

1998Ruby1998

Happy 睇你點定義，你小朋友叻，天資夠，咩學校都可以 happy。不過可以解釋嘅就係，直資、私立有佢地自己套評核方法，例如平時分、Project 分，你如果係適合呢套評核方法嘅，就當然可以魚魚得水。因為交學費，所以請嘅老師都可以「高級」d，畀學生嘅資源都會多 d。

有成績，係點有成績？多過 60%/50% 入 Band 1 英中？

如果以我認識了解過嘅官津當中，如果只係談初小課程，不談家長自谷的話，聖彼得、聖母無玷、灣仔 St Joe 都係初小算係輕鬆而升中不錯（高小就不論課程深淺，個個都發力）。

Jules_S

謝謝回覆。

其實我期望我小朋友成績ok, 有進步就得，長期‘top‘果d，家長同小朋友都會有唔少壓力。
無論初小或高小，我覺得返學都唔應該係苦差。如果係學術之餘，又有機會同時間，係校内外生活作不同活動嘗試，尋找興趣，認識自己，已經不錯。小學加中學12年，如果唔鍾意返學又日日覺得辛苦，都幾慘。

但正如樓上所講，官津學校已存在一定運行模式、甚至包袱。除非決心，否則尋求大突破不容易。欣賞最近聖公會呼籲屬下小學少功課、甚至零家課, 希望真係可以實行到。

MrBeast

Jules_S 發表於 18-2-8 09:13
唔好意思，有個迷思。點解有d直資學校可以做到happy school, 又可以做到ok學術成績？但一般主流官津學校就 ...

邊間直g你覺得happy 呢？仲有p1 n p6 可能happy 程度有別

HYYU

官津,  真。Happy School 應該只有天虹

雲牛

有時 happy school 的形象, 都是有賴識接受傳媒訪問的校長及那些"親子"雜誌塑造出來, 佢地一定 sell 學校有好多啟發性活動, 加幾張滿面笑容學生攬住校長的相片.  

如果要俾錢讀, 都係同傳統學校一樣, 搵鬼肯俾幾千蚊學費.

woyj

mytambb 發表於 18-2-8 09:37
因為直資課程有彈性，學生亦已經有基本能力唔洗太谷。整個氣氛能夠較開心，多元化發展。
...

全中！
另外，直資收學費，通常net 較多，係語文學習上有一定幫助

tommyxsarah

有。我小朋友果間津小都算happy school .
校長以學生為本， 會聽家長意見。
課程富啟發性

功課量初小 半個鐘搞掂

但4 評估2 考 （4 評估 是將2 評估拆開 ，小朋友溫得輕鬆好多，聽落就好似量多）

升中成績都ok

但始終官津行呢條路唔易 ， 真心讚學校上下

woyj

Soundervolt 發表於 18-2-8 10:20
讀直資或官津Hap唔Happy好睇個人，唔可以一概而論，如果要有好成績，無論傳統或活動教學，官津或直資，學生 ...

CKY 是私校，不是直資。
校長說是愉快學習，想營造學習環境有趣D，老師用好多方法提高學習興趣，但學生仍要專注學習。在我來說，平常默書測驗沒指定日期非常好，家長們不用迫孩子操練。通常他們自己會在高小時意適到自己温習。另期終考有明確日期
雖然我不清楚樓主說happy school 定義，不過普遍家長都知冇免費午餐。

tkinwong

lulumelody 發表於 18-2-8 09:43
因為直資你唔谷，學生家長自己會佢谷。

不能同意更多。