小學生連續兩天尿濕褲

samhongkong

小女讀小二，最近連續兩天落校車回家途中尿濕褲，我問她為何不在校去厠所，她說午飯時有去，但那是3小時前，之後上堂去廁所會被記名及扣小組分，所以不敢去，放學後也沒時間去廁所，否則搭唔到校車，現在她午飯後都不肯渴水。

其他小學的情况如何？我點算好？

mytambb

為什麼上堂去廁所會被扣分？

siden

samhongkong 發表於 18-1-28 13:23
小女讀小二，最近連續兩天落校車回家途中尿濕褲，我問她為何不在校去厠所，她說午飯時有去，但那是3小時前 ...

同老師反映

Jane1983

放學上校車前，第一時間去洗手間，快快手都係用三幾分鐘。校車一般會名齊人先開車，亦可以向跟車保姆講聲。

Ocean419

直接同校車姨姨講怕小朋友在車上瀨要去洗手間再上學車，一定要數齊人先開車

1998Ruby1998

回覆 mytambb 的帖子

會，我小學以前上堂如果舉手去廁所係會畀老師鬧同埋扣操行（除非你真係面無血色、死得果隻），理由係小息、小休已經畀曬機會你。有人試過肚疼／想嘔唔畀去，我自己就試過手指畀釘書機訂到流血唔畀去畀老師鬧，要自己係班房止血搞到條裙有血跡。然後聽說有人上藝術堂，戒刀戒到手指流好多血，但係老師睇唔到當個學生係尿急黎鬧，好耐之後同學幫手向老師反映，老師先知驚訝 call 白車。
我地果陣冇依家 d 細路咁醒，見到老師不斷鬧，只會驚到縮埋一二角自己解決，唔會講自己真係有需要。

不過我細個果陣為左上堂唔去廁所，會唔飲水，結果真係成個小學生涯我去廁所係只為洗手。

不過按道理唔會 miss 校車，你畀左錢，而且係學校出發，校車姨姨有責任點齊人先出發。過去我都曾經發生過差 d 唔記得接學生，會有其他同學話「XXX 未上車吖」。

shirley2014

你地老師都好過分記過。我地老師可能好D，上堂我女都經常去廁所，不過如果多人話要去就可以唔俾，有時飲多左水去廁所正常呀，佢哋覺得口渴自然不自覺飲多左，下次叫你女一放學即去廁所，去完先上校車冇理咁多

shirley2014

1998Ruby1998 發表於 18-1-28 19:54
回覆 mytambb 的帖子

會，我小學以前上堂如果舉手去廁所係會畀老師鬧同埋扣操行（除非你真係面無血色、死 ...

哇，你小學啲老師真係過分，簡直是教書就只是教書

tutik

呀仔學校都唔係每次批准去厠所，尤其放學排隊入禮堂聽宣布，跟住去排返自己條放學隊，如果校車車程遠都好慘，小朋友飯後唔飲咁多水，放學一回家就習慣飲杯水先都ok 呀。

Joanlpk

午膳後再冇小息？

b3410

女仔上廁所經常要排隊，小息時可能真的不夠時間，唯有一落堂即刻衝去廁所。
家長都可以同老師反應返依家的情況，相信老師都唔會咁不近人情

b3410

重複，delete

mytambb

tutik 發表於 18-1-28 22:45
呀仔學校都唔係每次批准去厠所，尤其放學排隊入禮堂聽宣布，跟住去排返自己條放學隊，如果校車車程遠都好慘 ...

我覺得唔比小朋友去廁所好似虐兒，會做成身心傷害。要同校方反映一下。

1998Ruby1998

回覆 mytambb 的帖子

唔知幾時開始，上堂去廁所係罪。老師成日鬧做咩小息唔去，或許佢地已經唔記得小朋友忍尿能力未必有大人咁高（有帶小朋友出街就會知道），好多小朋友話尿急果陣係已經去到好急果隻。尤其多左老師會霸小息時間去罰留堂／趕課程。
之前行路返學，聽到班英國人係度講個 Chinese 好白癡，已經讀大學但係都仲係 lecture （百幾人上堂果隻）舉手問教授可唔可以去廁所。

little_yolky

samhongkong 發表於 18-1-28 13:23
小女讀小二，最近連續兩天落校車回家途中尿濕褲，我問她為何不在校去厠所，她說午飯時有去，但那是3小時前 ...

我哋午飯同放學中間仲有一個小息, 好好多。

王家爸爸

samhongkong 發表於 18-1-28 13:23
小女讀小二，最近連續兩天落校車回家途中尿濕褲，我問她為何不在校去厠所，她說午飯時有去，但那是3小時前 ...

上堂去廁所都會被記名及扣分，間學校有啲奇怪。

little_yolky

王家爸爸 發表於 18-1-29 11:46
上堂去廁所都會被記名及扣分，間學校有啲奇怪。

好多都係咁的。

其實係學校安排好大問題, 因為午膳後到放學居然無小息。一般午膳完係12:45, 放學3:00, 但學校應該知道好多同學坐校車, 回到家都4:00以後, 中間三個幾鐘, 即係迫小朋友唔好飲水。但係, 你無得同佢哋講的, 教育界係最封閉既機構, 有佢講無你講, 亦唔可能日日叫小朋友下午舉手去廁所, 所以只好叫小朋友上午多飲水, 小息一定要上廁所, 然後午飯前飲水, 午飯結束前一定要上一次廁所。

little_yolky

samhongkong 發表於 18-1-28 13:23
小女讀小二，最近連續兩天落校車回家途中尿濕褲，我問她為何不在校去厠所，她說午飯時有去，但那是3小時前 ...

另一問題係, 點解女女小一無事, 小二先出事? 有無了解下。

HaYi

好冇陰功, 尤其是女仔忍耐力己是比男仔好, 仲要成2年級, 瀨左真係冇晒自信.   

保護自己, 教佢真急要去就要爭取, 如果被罰都無可耐何, 家長要同學校反應下小朋友唔係玩.  另外上校車去下toliet 先都不為過, 學校唔改, 校車可以就架.  

little_yolky

HaYi 發表於 18-1-29 15:31
好冇陰功, 尤其是女仔忍耐力己是比男仔好, 仲要成2年級, 瀨左真係冇晒自信.   

保護自己, 教佢真急要去就 ...

係呀, 好彩我哋落校車隔離係商場, 阿細都試過幾次落車好急要衝去廁所, 不過佢就唔關學校事, 係貪玩唔去廁所。

不過, 講到瀨咗無自信呢樣嘢, 又真係要讚下C6, 阿女細個試過忍唔住瀨咗, 佢就當無嘢咁, 仲要話：無問題題, 瀨尿之嘛, 爸爸一年級瀨屎添, 要女麻女麻攞校服去學校俾我換, 你哋好小事啫。大家笑到卡卡聲, 一D都唔會覺得難過。C6呢D犧牲小我既精神, 真係值得一讚。