點解有D人仔女讀唔到書？

ANChan59

IloveJJ 發表於 18-1-25 22:21
我問過老公了，原來不是後生仔，係中年男性。原來是當年DBS畢業，讀大律師的，但做過一段時間後才轉去做銀 ...

HIs career path must be very bumpy.

greentea000

leafun 發表於 18-1-25 14:38
回覆 greentea000 的帖子

其實，可唔可以話佢高智低能，定係自認聰明不可一世呢？

我覺得係其他人一路因為佢既衆多優點而唔忍心打擊佢既不足之處，令佢以為自己優勢咁多可以繞過去。老實講，同事求情俾個文職位佢我真係好愕然，好心真係唔可以亂做。

我自己既例子係考密閉空間合資格人士果陣，我揹得起個氧氣樽但繞唔到阿sir書枱行完一圈。阿sir問我係自費定公司錢報讀，只係要証書定真係落平落脚做。我估如果我話自費同只要証書，佢會俾我合格，我就講左相反，無謂害人害己。

王家爸爸

IloveJJ 發表於 18-1-25 22:42
我問佢哋有咩結論?佢哋話佢份人唔醒!所以做咩都唔掂。

任何學校都有特殊例子，只係傳統名校可能少啲。

jessimm

IloveJJ 發表於 18-1-25 22:21
我問過老公了，原來不是後生仔，係中年男性。原來是當年DBS畢業，讀大律師的，但做過一段時間後才轉去做銀 ...

所以讀到書不是必定優越,  大律師而不開律師樓, 已經大約明白個故事.

小黃豆B

王家爸爸 發表於 18-1-25 23:44
任何學校都有特殊例子，只係傳統名校可能少啲。

我以前有一個同事係QC出身，再去加拿大讀書。英文比我地d土炮好得多，份人吹得下水而且亦算勤力, 但唔知點解做出來d野就係完全唔掂, 咁多年後仲係散仔位浮浮沉沉中。

asweetmom

IloveJJ 發表於 18-1-25 11:38
最近老公同事個仔考學校，正傾開讀咩學校?咩成績?對將來工作表現的影響。

睇下大家有無咩睇法!

根本工作表現的評價標準就和讀書成績完全不一樣的，不明白你有甚麼可疑惑？

1998Ruby1998

回覆 IloveJJ 的帖子

我之前問過 HKU 交流生，同樣大家都係出年畢業，但係佢完全唔知自己想做咩（只知道自己唔想做咩）。我未考 DSE 阿爸阿媽已經不斷迫我諗將來。我班香港讀書嘅同學都係，只知自己可以做咩但係唔知自己想做邊行。
我讀書成績唔多好，但係一講到有錢收／教學就非常積極，阿媽話我判若兩人，感覺似神棍。

GreenMaDad

做"大律師"(即barrister)其實係自僱人士，無工作就無收入，仲要俾錢租 office請秘書，所以起碼二十年前已經出現了兩極的情況，一係成績好入到大chamber (即好多 barristers 夾份租office, etc), 入到後出名的大律師就可能會帶住細的一齊接case, 細的就慢慢學野，多solicitors識後，慢慢就會接到solicitors 俾的case,這些人通常好忙, 但也好揾錢 (我們常常在電視上見到資深大律師，大部份都收一個鐘6、7千蚊或以上）；但另一方面，不是一心做barrister, 但又無律師行請做trainee solicitor, 就通常用一年時間（通常無乜收入)去跟 barrister做pupil , 一年後就做到barrister, 如果錢不是問題， 就算無 case 做(即無收入）都租住office做住先，但這一類的其實很艱難，因他們當初跟的barrister自己都未必有好多case做，帶吾到自己做case, 自己又無乜學過野咁，慢慢就要轉行，好彩的就轉到公司做in house lawyer, 其他的就吾知喇......

王家爸爸

小黃豆B 發表於 18-1-26 00:16
我以前有一個同事係QC出身，再去加拿大讀書。英文比我地d土炮好得多，份人吹得下水而且亦算勤力, 但唔知點 ...

其實好睇做邊行，吹得水但係無嘜創意，去做研發一定死；相反去做銷售之類既工作最適合。

王家爸爸

GreenMaDad 發表於 18-1-26 08:55
做"大律師"(即barrister)其實係自僱人士，無工作就無收入，仲要俾錢租 office請秘書，所以起碼二十年前已經 ...

其實呢個就係讀名校既優勢，你啲師兄師姊大狀師會去學校講career path，如果你咁啱對嗰行有興趣，你中學師兄師姊會幫你起步。當然最終得唔得，就靠自己既能力。

王家爸爸

asweetmom 發表於 18-1-26 07:20
根本工作表現的評價標準就和讀書成績完全不一樣的，不明白你有甚麼可疑惑？
...

讀書可以靠谷攞到好既考試成績，工作唔可以，工作表現需要靠知識（同考試成績無大相關性）加exposure（例如從讀書時搞學會所犯既錯誤中學習）。
呢個就係點解比較谷既學校，會考、高考、DSE成績都好，但係無嘜行業勁人既原因。

Dean2013

小黃豆B 發表於 18-1-26 00:16
我以前有一個同事係QC出身，再去加拿大讀書。英文比我地d土炮好得多，份人吹得下水而且亦算勤力, 但唔知點 ...

1) 唔想埋堆, 唔想擦鞋, 默默耕耘   OR

2) 唔想埋堆, 唔想擦鞋, 唔識做

王家爸爸

Dean2013 發表於 18-1-26 09:28
1) 唔想埋堆, 唔想擦鞋, 默默耕耘   OR

2) 唔想埋堆, 唔想擦鞋, 唔識做

吹得下水既人，唔會唔識埋堆，反而會唔會係白鴿眼，睇唔起人，所以唔想埋堆。

Dean2013

王家爸爸 發表於 18-1-26 09:24
讀書可以靠谷攞到好既考試成績，工作唔可以，工作表現需要靠知識（同考試成績無大相關性）加exposure（例如 ...

讀書可以靠谷攞到好既考試成績 ??? 　20,30 年前既香港就得，　如今要一定要加埋轉數快＋天資，你估香港讀書易呀一早已經唔係死背書可以過關, 要有良好分析力+消化, 再寫番出黎, 絕不能搬字過紙了事

Dean2013

回覆 王家爸爸 的帖子

大有可能。　同意！

王家爸爸

Dean2013 發表於 18-1-26 09:34
讀書可以靠谷攞到好既考試成績 ??? 　20,30 年前既香港就得，　如今要一定要加埋轉數快＋天資，你估香港讀 ...

其實現在既考試更加要靠死背，通識已經係算需要分析力+消化，但係如果你睇返啲Examination Report，你就知道現實同理想有唔少落差。