楊潤雄去倫敦 留學生索考AO貼士

elbar

【明報專訊】教育局長楊潤雄（後排右五）外遊喇。佢今次飛去英國倫敦出席今日舉辦嘅世界教育論壇，噚日到埗後，佢就即刻同20幾個拎咗香港卓越獎學金去英國升讀知名大學嘅香港學生聚會，聽佢哋分享升學情况同生活，仲有學生即場問AO（政務官）出身嘅楊潤雄報考AO嘅貼士。


楊局長話，如果佢哋有意加入政府，喺英國都要留意香港時事，又提醒佢哋喺英國都可以報AO。最後，楊潤雄鼓勵佢哋努力讀書之餘，亦要把握機會多啲參加活動、建立人際網絡同留意香港動態，學成後返港發展事業，貢獻社會。