小六生要求去同學家過夜玩

Ivy18018

阿囡要求去同班女同學家過夜，話其它同學仔都會去。而家係唔係好普通？請問你地仔仔囡囡有冇要求過？

HaYi

男仔可能係, 女仔就唔知, 我見朋友有大屋都成日有搞.   不過我家細人多, 我冇招乎過人, 而自己個又生活習慣隨便, 唔好意思去打擾人家, 所以冇去過過夜.  最多去下camp

CALVEN

無可能俾佢去，咁細個，
好多性侵案是熟人做的。

MC1128

Ivy18018 發表於 18-1-18 13:15
阿囡要求去同班女同學家過夜，話其它同學仔都會去。而家係唔係好普通？請問你地仔仔囡囡有冇要求過？
...

阿女小六時有去過

最初我反對, 因佢家姐細個都無呢啲要求, 點解要去呢? 其實一早知道同校部分同學較低年級已有到同學家sleep over的做法, 但我個人唔想麻煩人, 亦不覺得有需要

後來,明白, 兩個人有兩種性格, 在社交及朋友相處有不同

我仔細問佢, 女同學是誰? 家裡有甚麼人, 同行有那位同學?

同學的家長是我認識, 經電話傾談確認對方家長亦同意此事, 不介意接待同學過夜, 亦了解她們屆時會同住一間房, 同行同學我們也認識, 亦知道她們是好朋友

事件再經同爸爸商量, 終於同意讓她住一晚 (同行同學已住過多次多晚), 當然提點她要注意的事項

純經驗分享, 理解家長有不同看法

Yanamami

好彩两个女無俾呢个难題我佢地又唔係＋分恨~

四隻貓

CALVEN 發表於 18-1-18 14:59
無可能俾佢去，咁細個，
好多性侵案是熟人做的。

之前聽過一個講座關於少年兩性問題, 其中一個題目便是講近年很多孩子要求去朋友屋企sleepover, 講者提出"好多性侵案是熟人做", 佢唔建議俾孩子去朋友屋企sleepover, 無論男女都存在一定風險. 佢仲講左幾個佢見過既case.

我之前對sleepover 抱開放態度, 因為我中學都有去同學屋企sleepover, 聽完都驚一驚.
我女都有去女同學屋企sleepover, 對方daddy 長期海外工作, 只有媽咪同女兒在家.
但之後我都唔想俾佢去sleepover 了. 日頭去玩咪得囉, 唔好過夜了.

b3410

有幾個從幼稚園開始一起玩到大的friend 就會間中sleep over, 不過父母之間都係非常相熟的朋友，有時會幾家人一起去旅行嗰種。
同學之間好似從來未提過。

MC1128

Yanamami 發表於 18-1-18 15:21
好彩两个女無俾呢个难題我佢地又唔係＋分恨~

關於性侵風險, 我一早同佢哋講好多, 要講例子的話, 由生父、繼父、養父、親友、老師、同學、教練......各種都有,睇#me too就知

試過在一班好熟的uncle面前(我同先生的好朋友), 我都同女講, 不可理所當然以為他們是好人

Jane1983

我女無要求過，不過我應該都唔會比。去到人地屋企，你唔知會唔會突然有個uncle、cousin或者哥哥係邊度返來。咪搞啦！

greentea000

Ivy18018 發表於 18-1-18 13:15
阿囡要求去同班女同學家過夜，話其它同學仔都會去。而家係唔係好普通？請問你地仔仔囡囡有冇要求過？
...

呢種事點會好普遍呢？
人地仔女有咩事點交待？我唔會俾去，亦唔俾黎。

jimjimjim

出左事時 後悔莫及

Jessy

囡就一定唔會比, 囝佢無問過我, 如果佢想的話我可以考慮下或睇情況,
不過多數都係唔比多.  

Jane1983

greentea000 發表於 18-1-18 19:20
呢種事點會好普遍呢？
人地仔女有咩事點交待？我唔會俾去，亦唔俾黎。
...

我唔比去，但如果女的朋友仔好想來，我唔一定唔答應。因為我主場，我有把握唔會出咩大事。但責任係大，始終人地小朋友。

retriever

Ivy18018 發表於 18-1-18 13:15
阿囡要求去同班女同學家過夜，話其它同學仔都會去。而家係唔係好普通？請問你地仔仔囡囡有冇要求過？
...

呢D 野係宗旨問題，點會睇個市多唔多人俾去 SLEEP OVER？

即係有D 環境下，手機，打機，亂派，大麻，軟性都好普遍，唔通又睇個市。

細路細既時候，黑白是非對錯係父母俾，唔係個市俾佢架喎。

retriever

IloveJJ 發表於 18-1-18 14:56
我好傳統，絕不會開此先例。

絕對同意。

宗旨問題。

還有，呢D 拗性侵 *風險* 係敏感又無意思。

即係你去到個環境，個市食大麻好普遍，你拗上癮風險有咩意思？ 有人有上癮，有人無上癮。。。

bobbob

Ivy18018 發表於 18-1-18 13:15
阿囡要求去同班女同學家過夜，話其它同學仔都會去。而家係唔係好普通？請問你地仔仔囡囡有冇要求過？
...

其實都幾普遍，我仔啲同學小1、2已經去同學屋企過夜，不過大多數係男仔，可能女仔會多啲concern

Jane1983

回覆 IloveJJ 的帖子

佢問點解佢唔可以去，我就照講我的憂慮。被熟人性侵、被朋友謀殺，呢d恐怖新聞，香港外地個個星期都有。我係想保護佢，唔係阻佢開心。呢樣嘢係佢青春期前，我和她要有共識，唔係大把交嘈。
至於帶男女朋友回家過夜...聽到都頭赤。好彩我女仲細，未到咁快