小朋友唔鐘意睬同學仔

chiubbbb

我女2.5yr, 記性超好, 我曾經講一次電話號碼就記得(仲要事隔2個月後講返出來)。去過一次嘅地方都會認得係點行, 有咩鋪頭同擺設都可以講返出來。
語言能力都好好, 可以講複雜的句子, 識作一個故事講比媽媽聽, 識講大話 (唔想返學叫我打比老師請假, 話自己咳所以返唔到仲要即場扮咳) (利申: 我無喺佢面前講大話)
音樂 --- 超喜歡音樂, 一聽歌會手舞足蹈, 19個月巳識唱幾首兒歌 (英) (我會偶然播下) 現在好多歌基本上聽一兩次巳識唱(中, 英, 普)(所有歌詞一字不漏)。我發現佢明顯學習係快過同級小朋友好多 (因我地有個同級ws group所以大概知其他人進度) 我女開學幾日巳識唱的歌, 佢地大部分2-3個月後先識。有機會老師教1次佢巳入腦, 所以佢早人咁多。
我女一開學巳係咁唱十幾首歌, 日唱夜唱, 但我感覺佢現在好似開始覺得返學好悶咁, 巳無咩唱學校嘅歌。
佢記得同學的名, 有誁同學邊個曳, 做過咩曳野, 老師點話佢地等
專注力幾好, 2yr時可自行砌lego 超過30mins, 仲砌得有紋有路。
性格固執, 怕陌生, 要warm up, 鐘意同大姐姐玩(公園會同姐姐拖住手玩), 唔鐘意同年紀, 細過佢的小朋友玩(從未見過)。
問題來了, 佢係唔睬自己的同學, 人地同佢say hi, 佢會自己向前走(黑起臉轉個臉唔睬人), 教極都係咁, 搞到人地家長同我都好欖介。
但在課室裏表現係幾好的, 會積極參與, 也會分享。
勁敏感(對聲音, 觸覺), 易哭, 易笑, 情緒好係十分可愛, 情緒差就好可惡。識講說話冧媽媽, 識主動關心媽媽, 識睇臉色。

佢社交唔算好, 有時見到(少見)親人都好慢熱, 但人地送d野比佢佢又會say thank又肯同人傾計。

我想問, 點樣可以令佢肯睬同學仔?自問巳講晒道理, 身教打招呼, 成日去公園都係咁
我無同佢check係咪資優, 但呢一刻我係咪要check係咪有咩問題要去follow?

請各位過來人幫助比意見, 多謝晒!

964000

其實兩歲半，未太識一齊玩，通常各自玩，去interview k1也不會in 小朋友合作性，到佢地大個揀朋友也多數嫌三嫌四，都冇乜乎，唯有希望佢學校/圈子多D機會遇到志同道合的朋友仔。

chiubbbb

964000 發表於 18-1-13 19:37
其實兩歲半，未太識一齊玩，通常各自玩，去interview k1也不會in 小朋友合作性，到佢地大個揀朋友也多數嫌 ...

謝謝回覆! 但我見其他小朋友都唔會咁, 最多係唔出聲怕羞
佢嘅反應係本來拖住我就fing開我隻手, 然後黑臉走左去, 頭也不回, 係擺明唔show人地
所以想知咁樣係咪有咩問題?大家的小朋友會唔會咁?