A仔飲食交流

bbchu0316

新手A仔媽，想藉飲食改善徵狀。



請問有冇媽媽為A仔介牛奶/奶粉？效果好嗎？代替品係咩？

我仔差不多2歲，早晚也要飲奶。我想揾包裝米奶代替，但唔知營養成份夠唔夠，又唔知有冇防腐劑。 其實羊奶粉係咪都得呢？大家有冇牛奶代替品推介？

另外除了魚油，益生菌外，大家仲有比咩supplements 比A仔食？

希望各位有經驗媽媽交流一下A仔飲食。

creamyXDD

可飮豆奶，米奶，oat milk, 杏仁奶，尢其杏仁奶，營養價值好高，market place 可買到以上各款，so far 小朋友體重同健康都keep 到，冇咩病，生長線係97% 以上。

另外介所以奶類，cheese, creamy 嘢全介，腸胃好左，唔需要食益生菌。

再每日做2種運動（每様20分鐘），曬太陽，對身體幾好。

creamyXDD

以前有食左幾個月supplement, 後來停食後覺得從介奶，gluten 及蛋成效明顯好多，亦唔影響健康。返學帶飯，出街小朋友亦帶自己既飯，去旅行一樣，除米類外，唔食街外野。

糖，色素，朱古力亦唔食， 集中力好左。

MiraLeung

creamyXDD 發表於 18-1-12 09:39
可飮豆奶，米奶，oat milk, 杏仁奶，尢其杏仁奶，營養價值好高，market place 可買到以上各款，so far 小朋 ...

請問你買邊個牌子嘅杏仁奶?

creamyXDD

我唔記得邊隻牌子，其實好似得一、兩隻，我揀無糖嘅。米奶都好好，不過我覺得杏仁奶飽肚d。

有d媽媽會自己買豆漿機整杏仁奶，應該平d，我就冇時間，所以響超市買。應該大d既惠康同百佳都有得賣。

另外港島中環到堅道四周都有好多organic shop 賣gluten free, dairy free, egg free 食物，由五穀到零食都有，連餐廳蛋糕都有，我經常weekend 就出去幫小朋友揾食。

bbchu0316

creamyXDD 發表於 18-1-12 09:45
以前有食左幾個月supplement, 後來停食後覺得從介奶，gluten 及蛋成效明顯好多，亦唔影響健康。返學帶飯， ...

多謝你。介奶介蛋後，怎樣補充動物蛋白呢？

Letter_lalaland

bbchu0316 發表於 18-1-14 00:09
多謝你。介奶介蛋後，怎樣補充動物蛋白呢？

有關牛奶嘅網路文章一則：

https://topick.hket.com/

creamyXDD

bbchu0316 發表於 18-1-14 00:09
多謝你。介奶介蛋後，怎樣補充動物蛋白呢？

我以前都以為要飲奶，小朋友先夠營養。反而介左牛奶羊奶，改飲豆奶，杏仁奶同米奶，腸胃仲好左。我冇諗咁多營養成份呀，不過我地日日煲湯既，自己屋企從細有呢個習慣，所以自己有頭家一樣咁做。

另外因為介gluten, 所以唔食小麥，咁反而食多左米同粟米做既麵，麵包同小食，其實都可以吸收到不同營養。

另外，市面上一般零食餅乾糖果都介既，零食只食水果，gluten free 餅乾條，自家製米包，果jam, 飲水或果汁，小朋友慢慢口味都變左，會中意食新鮮野多d。

bbchu0316

creamyXDD 發表於 18-1-14 21:20
我以前都以為要飲奶，小朋友先夠營養。反而介左牛奶羊奶，改飲豆奶，杏仁奶同米奶，腸胃仲好左。我冇諗咁 ...

請問你有冇幫囝囝做食物敏感測試？在那間做好呢？Biotek 有人話唔準。。。。

另外請問你有冇米包食譜？

好多問題，唔好意思

熊大與兔兔

我仔只戒左飲牛奶同零食, 尤其是糖粉高既食物同味精勁既食物.....轉飲米奶同Gluten free餅干、1d無咁甜既生果做零食/茶點, 但無同學校要戒, 所以學校d茶點會食到奶、糖同gluten既野~
Gluten好對我仔黎講好難戒....我都試過轉Gluten free豉油、自製Gluten free麵包、Gluten free麵/粉,但佢完全唔食.....我都無晒辦法....
因為見到戒牛奶同糖已經好好效果, 咁我就放棄左無特別戒Gluten喇....

另外, 我同我仔都去過鄔醫生度做過敏感測試 (skin test), 都問過佢係咪自閉小朋友多數對Gluten、奶、蛋敏感 同埋戒左係咪有改善, 佢話醫學界無咁樣臨床/ 報告證實自閉同Gluten、奶、蛋敏感有關係!
另外,上網睇過話唔好check igg, 要check ige先有參考價值...而醫學上亦無所謂「延遲性食物過敏」......同埋網頁話「ELISA，靈敏度和準確性未能達到要求，亦未獲美國國家藥物和食物管理局（FDA) 認可」好似係對Bioxxx咁講....加上醫生話做skin test已經係最準確咁搵到致敏源既方法, 反而血液測試既陽性反應誤差可達50％ (假陽性)!

雖然醫學話無關/未證實食物敏感同自閉既關係, 但自己小朋友戒左又真係改善左....我都會keep住戒~

Letter_lalaland

熊大與兔兔 發表於 18-1-15 13:53
我仔只戒左飲牛奶同零食, 尤其是糖粉高既食物同味精勁既食物.....轉飲米奶同Gluten free餅干、1d無咁甜既生 ...

可以用返最基本嘅鹽、蔗糖做調味
麵包唔自己整，出街買就盡量買少啲添加哦間。

學校茶點可以要求唔食學校哦啲，帶橙、李、蘋果都可以，飲多啲水又健康，杏仁奶亦有小包裝，或者自己裝好帶返學都得。有啲餅超好食，都冇gluten, 亦可考慮紫菜或米餅。

冇咁彈牙嘅麵通常少啲gluten, 真係要食麵要識揀。意粉都有好多冇 gluten 嘅牌子，又好味。另外亦可以食米粉同飯，其實我地以前嘅飲食相對簡單，問題亦真係較少。

熊大與兔兔

Letter_lalaland 發表於 18-1-15 17:43
可以用返最基本嘅鹽、蔗糖做調味
麵包唔自己整，出街買就盡量買少啲添加哦間。

多謝俾左咁多意見我^^

但我小朋友嚴重偏食, 唔食Gluten free粉面、麵包、紫菜或米餅等....
佢每日都係蒸魚+白飯.....其他肉同瓜菜1d都唔食.....
呢樣先最難搞.....

我係女仔

幼稚園就有介但小二，三慢慢大就開始無介了，因佢都要吸收唔同營養，同埋慢慢開始識好多野，會唔開心，好慘，咩都無得食，咁都會影響佢情緒，而且我發覺到佢無比其他小朋友發育得咁好

Letter_lalaland

熊大與兔兔 發表於 18-1-17 08:59
多謝俾左咁多意見我^^

但我小朋友嚴重偏食, 唔食Gluten free粉面、麵包、紫菜或米餅等....

轉冇gluten 飲食，最高 境界係要好食過平時有奶有gluten 嘅食物。
但你首先要知道成本價格較高，用新鮮有機食材， 有本地有進口 價錢貴平時兩三倍以上， 但一食入口就 高下立見。


另一方面 係時間成本， 好難一站買得曬全部食材， 有時買買下 有可能冇咗間店， 又要再搵過。

放多少少時間 鑽研一下中餐 烹調技巧， 變化非常多 總會搵到啲啱食嘅嘢

Letter_lalaland

我係女仔 發表於 18-1-17 12:06
幼稚園就有介但小二，三慢慢大就開始無介了，因佢都要吸收唔同營養，同埋慢慢開始識好多野，會唔開心，好慘 ...

其實轉無gluten 飲食， 更加會令人嘗試新嘅食物例如 糙米粉、堅果、有機蔬果。 零食選擇反而多咗， 其實小朋友咁細個亦都會明白到食咗某啲食物之後會容易嬲同埋唔開心。 反而係大人 要有恆心同毅力用錢用時間 佢供應有營養嘅食物畀小朋友;重要全家一齊轉飲食習慣有難度。

唔食快餐、 唔食m字餐廳、 唔食快樂餐廳、 茶餐公仔麵、 杯麵 同薯條; 以後餐餐屋企自己煮， 咁唔方便 有幾多個家庭 會下決心做得到？

Letter_lalaland

我係女仔 發表於 18-1-17 12:06
幼稚園就有介但小二，三慢慢大就開始無介了，因佢都要吸收唔同營養，同埋慢慢開始識好多野，會唔開心，好慘 ...

有啲素食者會營養不足， 亦有素食者 面色紅潤兼且大大隻; 後者通常花費大量時間學習， 其實真係好值得考慮轉變飲食習慣嘅網友 參考

Christinamama

想問杏仁奶或者米奶邊度買到？

zeta_leung

我仔由十月開始飲維他命B群，剛剛也分享了。

http://www.edu-kingdom.com/forum.php?mod=viewthread&tid=3592608

doriscatcat

仔仔介左gluten 同奶9個月左右，都好好，會介落去，我買左豆漿機，輪流打腰果/杏仁/米/燕麥奶，天然好多，即飲既始終冇咁好

bbchu0316

doriscatcat 發表於 18-1-18 12:57
仔仔介左gluten 同奶9個月左右，都好好，會介落去，我買左豆漿機，輪流打腰果/杏仁/米/燕麥奶，天然好多， ...

多謝你分享。

請問有冇做法可以分享？要加糖嗎？

另外介了牛奶後，小朋友有什麼改變？