呈三對 1A 1B 來說其實可以 hea 考？

sfuhsg

王家爸爸 發表於 18-1-9 22:59
如果區內B1位唔足夠，而學校過去有30%學生派B1，即係學校多過30%既學生係B1。咁如果你小朋友考20%內，一定 ...

明白，thanks

greentea000

三次呈分試都會影響統一派位組別，對無直私offer既學生黎講，三次都要搏命考。

angiehouse

洋蔥頭媽咪 發表於 18-1-9 22:04
學習態度係跟住孩子，就算有 offer 都唔代表要 hea 考，只是唔駛再咁大壓力啫，我教小朋友一定會盡力做好佢 ...

正確態度好重要，跟一世的

oldgamesman

唔係呈分,畢業試都唔會hea考,因為可能要叩門

rainbow_ho

阿女係B１，佢自己話就算有直資收，都一定會讀書，唔會hea考。

little_yolky

yesthomas 發表於 18-1-9 19:47
這是個問題，虛心請教大家。

理據如下

現實係：
自行：幾百人收幾十人, 仲要有D名校全港學生都會報, 就算B1A, 天外有天, 可能幾百人入面有超過100個B1A, 自行未必收到小朋友, 都係要入大抽奬。

攪珠：B1個pool入面, 頭10名平均分差唔到1分, 20名內亦可能只差一分, 你hea考, 人哋都hea考嗎? B1A可以係級1, 亦可以係級1X, 真的不會相差太遠嗎?

叩門：就算你當對攪珠無影響, 到叩門時, 除咗考筆試, 也是看成績表的, 因為叩門時中學是沒有呈分banding, 只有成績表作參考(或自行考過的banding reference)。否則, 大家又點會話畢業試都要全力考, 作叩門用。又你覺得小朋友呈三hea了, 畢業試hea了, 能一放榜馬上收拾鬥志發揮最高狀態考叩門試? 如果小朋友程度咁高, 其實你都唔駛理佢hea唔hea了, 因為佢自己可以handle, 平時hea, 一到考試就馬上進入狀態了, 唔駛理佢。

但無論如何, 小朋友壓力低情況下, 表現一定更好, 但絕不能心態上hea。

greentea000

其實想hea考果個係咪家長呢？理據咁"充分"

os_ecu

yesthomas 發表於 18-1-9 19:47
這是個問題，虛心請教大家。
理據如下
自行：
全港排名已經根據頭兩次呈分塵埃落定。自行兩間不會考慮呈三成績。
攪珠：
1A 1B 再hea（所謂的hea）都不會相差太遠，換言之穩獲 band1 資格。即對攪珠無影響。
叩門：（機會極微）
通常重新考過筆試，呈1、2、3最多只作參考

前段正確,

但去到叩門就唔可以咁講, 呈三 hea 考成績表唔靚, 突然有次成績大跌, 影響晒成個觀感, 去到呢啲位錙銖必較, 唔係剩係靠個筆試.

提議做返個B1A應該做既嘢, 反正都 doable.

yesthomas

greentea000 發表於 18-1-10 09:11
其實想hea考果個係咪家長呢？理據咁"充分"

分析香港升中遊戲規則而已

josewing

我見兒子開始自己準備中學有幫助的資料, 呈二定晒後, 對小學課程不太感興趣。

gillielam

如果考完呈一、二已經有全港排名，請問呈三作用是甚麼？即是如果呈三失手都不會影響Banding?

chanwendy

我地已經有OFFER, 但都會盡力考呈三, 因為我地傾好晒, 如果呈三上到某個位置, 我地會7月去叩返最心儀的津校, 如果呈三好到抽獎一定中到心儀學校, 我地就會返去抽獎.

王家爸爸

greentea000 發表於 18-1-10 08:30
三次呈分試都會影響統一派位組別，對無直私offer既學生黎講，三次都要搏命考。
...

除非間直資係SPCC、DGS之類，否則點都要預叩門，問題係入得SPCC、DGS之類既，瞇埋眼考都唔會太差，仍然係B1A，最差都係跌去B1B。

王家爸爸

os_ecu 發表於 18-1-10 09:12
前段正確,

但去到叩門就唔可以咁講, 呈三 hea 考成績表唔靚, 突然有次成績大跌, 影響晒成個觀感, 去到呢 ...

因為叩門唔多，老師唔想改咁多卷，所以入閘門檻唔低，真係錙銖必較。我都係建議呈三同埋畢業試（雖然唔係呈分）都唔可以 hea 考，如果成績明顯大跌，感覺真係唔好，中學感覺小朋友成績唔穩定，可能連叩門筆試既機會都無。

hkpapa852

王家爸爸 發表於 18-1-9 23:08
如果係B1A、B1B，呈三點考，都係B1學生。如果係B1C，你都唔敢HEA考。

如果學校既B1學生比例唔係高 (20%或以下), Hea 考又跌到好低既名次 (Bottom 20%/30%) .....

而學生仲要靠大抽獎先有學位的話, 可能會出現驚嚇既結果

chanwendy

好奇一問, 一般一年兩考的學校, 六年級呈三的成績會點反映? 我地就係會六下成績表的考試分呈三同畢業試各佔一半.  其他學校係咪都係咁樣? 如果我打算叩門, 學校知唔知已經反映咗呈三呢?

hkpapa852

chanwendy 發表於 18-1-10 11:33
好奇一問, 一般一年兩考的學校, 六年級呈三的成績會點反映? 我地就係會六下成績表的考試分呈三同畢業試各佔 ...

兩考既學校, 通常六年班會變咗多一次考試

認識幾間兩考學校既安排如下:

呈二: 11/12月
呈三: 3月
畢業試: 5/6月

王家爸爸

chanwendy 發表於 18-1-10 11:33
好奇一問, 一般一年兩考的學校, 六年級呈三的成績會點反映? 我地就係會六下成績表的考試分呈三同畢業試各佔 ...

如果係咁，六年級呈三既成績就係用六年級上學期考試成績計算；六年級下學期考試就係畢業考試。

chanwendy

王家爸爸 發表於 18-1-10 11:37
如果係咁，六年級呈三既成績就係用六年級上學期考試成績計算；六年級下學期考試就係畢業考試。 ...

唔係喎, 六上成績表係呈二的分數, 我睇返上年的六年級通告, 呈三後冇獨立出成績表, 而六下成績表係50%呈三 + 50% 畢業試