荃灣思博 vs 海濱迦南 n班

Hoihinmama

如題， 思博定迦南？
兩間interview感覺都唔差，想求兩邊用家分享！

Ricky1686

我囡之前讀N班海濱迦㑲老師校長有愛心丶後讀k班轉青衣

Hoihinmama

Ricky1686 發表於 17-12-19 23:27
我囡之前讀N班海濱迦㑲老師校長有愛心丶後讀k班轉青衣

感謝你回覆(emoji)
想問下學術方面如何？同之後轉去另一度比較迦南算深定淺？

Ricky1686

四年前伽南學術比較淺，老師校長有愛心開心.現在伽南
我就不知道了！

archie1728

Hoihinmama 發表於 17-12-19 21:05
如題， 思博定迦南？
兩間interview感覺都唔差，想求兩邊用家分享！

荃灣區N班學位唔多，我仔係10月細B，所以4年前得思博呢間新校有offer(p.m.)，結果一讀讀左4年，岩岩2017年9月升小一

我冇機會接觸迦南所以冇條件作比較，不過就N班黎講，小朋友得兩歲，我覺得家長唔應該喺學術上抱太高期望，始終每個小朋友開竅既時間都唔同，早d開將來唔一定最叻，遲少少亦未必係蠢，我仔K2之前都係十下十下，曾經都有考慮過係咪要轉校，不過經歷過直/私洗禮後，我覺得我地按阿仔意願唔轉校既決定係正確既。

學校而言，其實最最最緊要就係小朋友自己熱充返學既，如果小朋友唔鍾意就咩都假！其次就係間學校可以畀多d機會小朋友接觸/經歷不同既人和事，尤其係屋企較少機會畀佢接觸倒既野，例如: 接觸(emoji)同國藉既人、玩集體遊戲等。

我相信冇一間學校係會教壞小朋友，但資源同教學重點的確各有不同。不過經歷過直/私洗禮後，我可以確確實實咁同大家講: 唔好睇得間幼稚園太重！唔好天真地認為返兩、三個鐘學，學校就可以教到小朋友會飛！小朋友如何成長，其實係睇返學以外嗰廿個鐘家長點去運用，呢個世界只有一分耕耘一分收獲！

VVbabyVV

丁丁Mami 發表於 18-1-8 11:50
冇錯，大家唔好睇得間幼稚園太重要，正所謂"養不教  父之過“，小朋友要靠自己教嘅。如果唸住在學校三個鐘 ...

其實如果將迦南的拋書包事件，說迦南老師沒有愛心，那便是五十步笑百步。

創辦了52年，有12家分校的迦南，在過往的日子，確實是發生過一些令家長擔心的不愉快事件。但是比較創校只有4年，負面消息便已不絕的思博，兩校在處理錯失的手法上，便截然不同。

迦南校方於承認過失，不推卸責任，不迴避，迅速問責纠正，令到家長對校方恢復信心。就以拋書包事件為例，迦南没有砌詞狡辯，立即開除違規老師，絕不包疪、姑息、縱容。

反之，思博發生過疏忽令小孩受傷，延誤求醫事件，初則不願向家長承認，家長迫於報警，才能看cctv, 找出真相，事後還要推說是家長搞事。還有去年初，因為資不抵債，被債權人申請清盤，但校方不但沒有及早通知家長作出安排，直至8月底臨近開學，有傳媒揭露事件，初則在記者面前說謊說家長知情。但沒過兩天才正式出通告，說學校已在6月被臨時清盤人接手，並且即將轉手，前言不對後語。如此種種處理過失的手法，諉過於人，有違辦學者該有的春風化雨，以身作則的精神。

很明顯，所謂集團式經營的學校，無論在管理上，教育理念上，身體力行上，以身作則上，經濟實力上，都比部份管理不善的單頭學校優勝。

面對出生人口減少，競爭越來越激烈，那些管理不善的單頭私立學校，只會受到淘汰，面臨隨時倒閉的風險。

所以家長替孩子選校，學校的管理，處事手法，資金實力，是不得不考慮的因素。

HonestBun

VVbabyVV 發表於 18-1-10 14:34
其實如果將迦南的拋書包事件，說迦南老師沒有愛心，那便是五十步笑百步。

創辦了52年，有12家分校的迦南 ...

冰封三尺，非一日之寒; 物先腐而後蟲生。

一間真正做得好的學校，不會無緣無故被清盤的。

HideAndSeek

Hoihinmama 發表於 17-12-19 21:05
如題， 思博定迦南？
兩間interview感覺都唔差，想求兩邊用家分享！

迦南

KKKittyKKK

丁丁Mami 發表於 18-2-2 18:45
迦南而家call waiting, 剩位唔多，點解唔揀思博呢？地方又大，D裝修又特別，只不過係營運差D啫。
...

請問迦南call waiting 完左未? 係咪冇收到電話即係無機會? 現在只得思博收左AM, 但係覺得間學校唔係咁好，唔想讀。而家等緊其他學校 waiting，唔知要等到幾時。

KKKittyKKK

EasyWoman 發表於 18-5-15 20:28
海迦應該full 左，冇call waiting 了。荃迦好似4月底時仲有call waiting, 現在仲有冇call 就唔太清楚。
...

我就唔介意多國內人讀，小朋友仲可以多機會練習普通話。而家只有一家收，但間學校唔係咁好，唔知點算。

B7Mimi

KKKittyKKK 發表於 18-5-16 20:24
我就唔介意多國內人讀，小朋友仲可以多機會練習普通話。而家只有一家收，但間學校唔係咁好，唔知點算。
...

請問係咪細B？ 如果係細B，建議唔好心急，勉強入間唔好嘅N。有老師朋友話，其實大B同细B在身心發展上真係明顯有差别，呢個情況可能上到中二，三先消失。換句話講，好多细B在考K1，小，中學可能表現會唔及大B，入到好學校機會少左。所以不如等多大半年，用大B身份去考N，表現好啲，考到好學校機會大啲，將來升小升中條路都好啲。

所以如果勉強入一間一老師睇11個小朋友嘅幼稚園，不如讀playgroup, 時間靈活，小朋友作息时間好，最重要係出年考到好N機會都斤大左.

DoubleKMami

KKKittyKKK 發表於 18-5-16 20:24
我就唔介意多國內人讀，小朋友仲可以多機會練習普通話。而家只有一家收，但間學校唔係咁好，唔知點算。
...

唔鐘意咪唔好讀囉～

500on99

KKKittyKKK 發表於 18-5-16 20:24
我就唔介意多國內人讀，小朋友仲可以多機會練習普通話。而家只有一家收，但間學校唔係咁好，唔知點算。
...

講咁多嘢都只係想話$4840學費貴啫。。。俾唔起就唔好讀啦。。。讀學卷囉