聖保羅書院小學 VS 優才

Remember_BB

Ryan_baba 發表於 17-11-26 10:50
你指超谷的是SPB？如果是，請問是用什麼標準去判斷是超谷？

朋友是用家，詢問意見時再3提醒是否喜歡這類型學校
1. 功課多且深，家長預咗日日陪做功課，當然，人人資質不同要求亦不同，長短時間因人而異
2.學生放學會去附近補習社操學校past paper,當然這是家長選擇，不過學校風氣如此
3. 初小好嚴，小息係休息唔淮傾計的，不過大d應該會放鬆d

我聽完最終放棄去面試，因為不是我想兒子選擇的類型

manmonster

回覆 Remember_BB 的帖子

請問你朋友的兒子現正讀那一年級?

vickling

我仔 st paul boy f.4. 倒轉如我殞選小學，都會入佢小學..
但我地係外學考入中學的，無讀佢小學。

lovelinda

Remember_BB 發表於 17-11-27 22:31
朋友是用家，詢問意見時再3提醒是否喜歡這類型學校
1. 功課多且深，家長預咗日日陪做功課，當然，人人資質 ...

第一、二點唔講，因每個人唔同，但我本人不認同第三點，我仔初小，每日小息也十分開心，和同學有講有笑，一起吃小食

ATMW227

有冇讀聖保羅書院的家長可以分享一下小朋友讀得開吾開心和好大壓力,學校本身是否好谷,THX

JKR

我仔讀緊聖保羅書院小學，讀得非常開心，學校校長老師都很有愛心，對學生循循善誘，同學間相處愉快，越高年班感情越好。
學習方面，學校確實係有要求，但功課量並不是外間傳說的多，完成需要多久真係個個小朋友唔同。我仔小一至今一般情況下都係一小時左右完成。
每年2測2考，教幾多考幾多，測考前係會比較忙，因每次測考主科副科都要溫習。但我相信學習是需要付出努力的，學校教導學生work hard play hard。
每個小朋友都有唔同性格能力，亦無一間學校一定適合所有學生，所以最緊要家長了解清楚學校以及小朋友特點，選擇最適合小朋友的學校，沒有最好只有最適合。

noming

回覆 JKR 的帖子

請問SPB上課模式是非常傳統坐定嗎? 如上課坐唔直/踢腳/小聲交談老師會如何處理?
午飯後/小息時可否去圖書館睇書/去操場玩?

課堂多不多小組討論?

JKR

noming 發表於 17-11-28 09:34
回覆 JKR 的帖子

請問SPB上課模式是非常傳統坐定嗎? 如上課坐唔直/踢腳/小聲交談老師會如何處理?

上堂是傳統要坐定。我仔係坐姿唔好既小朋友，每年老師都係耐心勸導，間唔中寫手冊提醒要坐直。上堂談話老師會提醒，唔聽勸導就會寫手冊。

小息時小朋友最鐘意係操場或附近傾計食小食，可以去圖書館睇書借書，三年班可以係小食部買小食，高年班可以係操場打籃球，打乒乓球。

vickling

ATMW227 發表於 17-11-28 08:54
有冇讀聖保羅書院的家長可以分享一下小朋友讀得開吾開心和好大壓力,學校本身是否好谷,THX ...

聖保羅書院（中學）家長..
我仔返學好開心..唔覺谷.. 仲有得成日在屋企追劇...放學就成日在學校玩band
我地本身讀普通小學.

noming

回覆 JKR 的帖子

很多謝你的資料, 我仔也是坐姿唔好既, 偶有小動作, 老師會LABEL成曳學生嗎? 會否減少參加班務 / 活動的機會?
寫手冊提醒之後, 對成績表操行也有影響吧?

JKR

回覆 noming 的帖子

坐姿應該唔會影響小朋友參加班務/活動的機會. 但經寫被老師寫手冊確實會影響成績表上的操行 (如小朋友經老師勸導後有改善, 老師不會經常寫手冊的) .

noming

JKR 發表於 17-11-28 10:17
回覆 noming 的帖子

坐姿應該唔會影響小朋友參加班務/活動的機會. 但經寫被老師寫手冊確實會影響成績表上 ...

怪不得書院小朋友都規矩有禮
另除測考外, 是否每週都有中英默?

學校有否要求規定學習一項樂器/運動?

piglet.tso

回覆 noming 的帖子

聽過麥校長講座, 他深知男仔是坐唔定的
每課堂都會有教授, 小組討論時間
教法也是配合男生性格去教的

dolphin.wedding

本帖最後由 dolphin.wedding 於 17-11-28 10:37 編輯

St Paul's College Primary School -
小息: 每日學校都安排不同活動比學生玩，攀石牆、環保單車、中華民化、英文、PTH etc., 学長同老師小息會同初小小朋友玩令佢哋更適應，校長副校老師都好好，小朋友見到佢哋會擁埋去，家長見到就知道平日佢哋相處係點! 還有圖書館同班房書櫃都又大量又新又好嘅圖書!
課後活動: 有很多選擇，有第二輪校車，十分好，資源十分豐富!
Brotherhood: 真係好到暈，from time to time 有同中學一起搞的活動參加；其他活動如童軍係由 SPC alumni 帶，歸屬感強!
功課: 不是最少但一定不是最多(比起一些谷的私校），九月開學會忙D，因上學期少時間D，過咗就好好多。
默書考試： 教乜考乜，有温就得，現在唔知外補情况，但相信只要專心上堂就ok了。

揀SPB讓家長覺得好安心，只要你喜歡間中學便perfect, 因為條龍靚，唔需要擔心升中，小朋友在小學嘅一些小錯誤，家長會更大空間去比佢從錯中學習，唔會太緊張以致有損家庭和諧和親子關係，亦唔需要太擔心佢有否"特異功能"去考中學。

JKR

回覆 noming 的帖子

每次測考都有4次中文4次英文默書. 學校無規定一定要學樂器, 小一至小二如無學樂器, 測考昤可打手號代替樂器 (老師會教), 小三開始學牧童笛.
運動也沒有規定要學, 課外活動有唔同運動的興趣班俾學生參加.

ATMW227

回覆 JKR 的帖子

Thx for your sharing

Ryan_baba

noming 發表於 17-11-28 10:10
回覆 JKR 的帖子

很多謝你的資料, 我仔也是坐姿唔好既, 偶有小動作, 老師會LABEL成曳學生嗎? 會否減少參加 ...

老師對曳學生嘅定義係破壞課堂秩序，欺凌其他同學等。坐姿唔好只係小事，唔算曳。

ATMW227

想問問聖保羅書院小學升返聖保羅書院有什麼條件,每年是否都是大部分升返上書院嗎

JKR

ATMW227 發表於 17-11-28 23:11
想問問聖保羅書院小學升返聖保羅書院有什麼條件,每年是否都是大部分升返上書院嗎 ...

只要主科good pass 同操行良好就可以升上書院，近年大部份同學都升上書院。