如何處理仔女被班中同學柸葛及言語欺凌 ?

Jane1983

回覆 1998Ruby1998 的帖子

佢如果唔理你叻咗定點樣，一味認定你係低佢一等，6年都係要蝦你。好明顯佢係唔識睇形勢轉變、鼠目寸光之徒。除非真係才高八斗或條命好正，咁既人否則好難捞得好掂。

YolandaTam

IloveJJ 發表於 17-11-25 15:54
唔係，係男友校，只是小學。

佢鼻敏感，常流鼻水，小三嗰年既老師係女性，覺得佢好污糟，加上小一二已出 ...

令公子啲同學好好小女情況就係, 佢小學好多人唔係由附屬幼稚園升上就係名幼抽入.  而小女係一個異類, 佢係讀屋邨幼稚園.  小一上學期英文差唔合格, 其實到下學期大考已80分, 之後KEEP住中游, 但唔知點解到小六啲同學都仲係話佢英文差
咁佢又有少少唔好彩, 小二小三班主任針對佢 (小二佢有情緒問題要見社工, 小三入過兩星期醫院), 小五小六班主任應該係產後抑鬱症將佢同另一位同學當出氣袋日日秤住嚟鬧, 話佢肥喎啲同學咪欺凌佢囉. 試過俾嘢食佢帶返去請同學食, 佢哋嘢照食, 但又照欺負佢咁囉.  

1998Ruby1998

回覆 YolandaTam 的帖子

我都係咁，請同學食野，十幾隻大手全部攞曬我 d 零食，甚至成袋零食攞走。但係轉頭佢地唔會請我食，繼續欺凌。
同樣唔好彩，鬼叫我生得特別矮，注定畀人蝦。佢地成日一放小息就圍攻我，將我 d 文具書本擺係高處／櫃頂，睇我點樣跳黎跳去攞返。之後老師又特別針對我，有咩都賴落我頭上，有 d 同學就順理成章欺負我，當中有唔少係風紀，甚至係風紀隊長，就算係好少事，都會無限放大變成犯規，捉住我隻手強迫我簽違規紙，然後即刻跑去教員室畀班主任簽。

女仔真係特別麻煩

洋蔥頭媽咪

IloveJJ 發表於 17-11-25 20:22
我諗女校係麻煩啲係真既。另外係，我仔唔淋善亦係原因，佢有同同學交涉爭取反駁，佢唔請人食會收櫃裏面， ...

從你嘅描述你仔根本不是弱者，不會怎樣被人欺凌，懂得夾其他人去告人地，分分鐘可以變做欺凌者。所以你唔會太容易明白被欺凌要改變其實唔係話咁容易。

洋蔥頭媽咪

Uncle5metal 發表於 17-11-24 14:10
班中有一帶頭人經常帶領其他同學柸葛、語言欺凌，甚至乎整蠱一位同學。大家如何處理 ?
...

樓主若小朋友只是初小，在校被欺凌家長支援其實十分重要，多留意孩子，要教小朋友學習面對，不過份既語言就當聽不到，但有事要出聲，教佢有須要時要主動找老師甚至社工幫手，更要多结交朋友，家長亦要多關心，有須要時要主動介入，家校合作才能真正幫到孩子。

YolandaTam

1998Ruby1998 發表於 17-11-25 19:40
回覆 YolandaTam 的帖子

我都係咁，請同學食野，十幾隻大手全部攞曬我 d 零食，甚至成袋零食攞走。但係轉 ...

唉, 你當年老師似足小女三年級個班主任呀!小女小三嗰年肺炎入院, 請咗兩個星期病假, 到第五日左右班主任話再唔PRESENT醫生紙就進入退學程序, 似乎想借呢件事叫我女自動退學 (我女當時成績中下, 有啲情緒問題), 其實當時我女仲瞓緊喺醫院, 只好叫醫生幫手先出病假紙應付, 好彩係私家醫院, 俾就可以.  我哋即交病假紙, 校方奈我哋唔何.

我哋日都有去佢學校攞功課, 病中每日都有同學喺佢功課袋度攝張紙仔問候佢, (有人寫: "希望你早日康復, 返嚟同我哋一齊玩:, 又有人寫"大家表面上好似不喜歡你, 其實好關心你) 但出院之後無人敢埋我女身, 睇返同學嘅紙仔, 我哋估計嗰段期間班主任俾咗啲暗示, 我女係麻煩人物.  

家長日, 班主任話我女唔聽人講, 同同學嗌交.  後來我託相熟家長問一個同我女唔熟嘅, 成績好嘅醒目女同學, 對方話係另一同學所為, 無印象我女同同學嗌交.  佢只係話我女啲嘢比較亂而已.

咁咪即係張冠李戴囉?  

ChocoMilk33

kwokbobo 發表於 17-11-25 11:05
本帖最後由 kwokbobo 於 17-11-25 11:13 編輯

我一向認為大部分的小朋友都是我本善良的，但我都發現真 ...

絕對有這些品格陰濕的小朋友，有些家長的品格也是同出一轍

Uncle5metal

洋蔥頭媽咪 發表於 17-11-26 23:35
樓主若小朋友只是初小，在校被欺凌家長支援其實十分重要，多留意孩子，要教小朋友學習面對，不過份既語言 ...

我都有經常同阿仔傾計，問佢學校情況。現在情況未去到肢體欺凌果種，但係帶頭女同學經常做一 d 挑釁行為黎引我個仔發火，例如傳薄變飛薄，又成日成班同學圍埋大大聲講阿仔的不是。有時阿仔不服都會同佢嘈，我擔心阿仔終有一日忍唔住會大爆發。

Jane1983

回覆 Uncle5metal 的帖子

識唔識個女仔? 識唔識佢父母? 有無機會雞肶打來牙較軟?

洋蔥頭媽咪

Uncle5metal 發表於 17-11-27 17:03
我都有經常同阿仔傾計，問佢學校情況。現在情況未去到肢體欺凌果種，但係帶頭女同學經常做一 d 挑釁行為黎 ...

見你提到小朋友被老師覺得是麻煩之人，是否小朋友性格比較曳或不合群、較孤僻冇乜朋友仔？又或者行為比較易衝動？要知道欺凌者通常喜歡欺負一些情性較內向、孤僻易衝動嘅人。若小朋友與人相處出問題，老師又幫不了忙，或者考慮找社工幫下手，避免等到仔仔忍受不了而大爆發。

moniko

我女幼稚園都有呢個問題。 我覺得最好既方法係搵到自己既朋友。 就算佢地眼中， 幾個弱者走埋一齊都無所謂。 只要佢地一齊玩， 開心就夠。

1998Ruby1998

回覆 洋蔥頭媽咪 的帖子

個人經驗，唔太鍾意社工。本來以為值得信任，點知所有野都話曬畀班主任聽，然後班主任就明顯對我「唔同」，之後打電話話返畀我父母聽，結果當晚父母不斷鬧我。

yovin

IloveJJ 發表於 17-11-25 15:54
唔係，係男友校，只是小學。

佢鼻敏感，常流鼻水，小三嗰年既老師係女性，覺得佢好污糟，加上小一二已出 ...

me too.

零食攻略。雞髀打人牙骹軟！

洋蔥頭媽咪

1998Ruby1998 發表於 17-11-28 02:42
回覆 洋蔥頭媽咪 的帖子

個人經驗，唔太鍾意社工。本來以為值得信任，點知所有野都話曬畀班主任聽，然後班 ...

社工都係打份工，睇彩數啦，不過有時都要睇情況，某程度上社工都會幫倒啲，當然老師/班主任影響都好大，由其家長嘅支援更不能少。
我大仔性格內向缺乏自信，缺乏社交技巧，社交有問題，是典型被欺凌對象，初小不合群經常被老師投訴，常被人蝦，小三果年我主動向社工求救，在校社工會融入小朋友嘅圈子，了解佢嘅困難教佢舆人相處，小四比佢参加成長的天空，教佢有問題可以有空間去求助，這一切對我仔幫助都不少，當然作為家長的我背後都不断支援佢，亦慶幸班主任十分包容，小五果年佢比個成績要好嘅資優生恐嚇話打佢，佢回家都唔敢講，幸好家人親子關係一向良好，所以較容易察覺到佢嘅問題去幫佢。

洋蔥頭媽咪

Uncle5metal 發表於 17-11-27 17:03
我都有經常同阿仔傾計，問佢學校情況。現在情況未去到肢體欺凌果種，但係帶頭女同學經常做一 d 挑釁行為黎 ...

[size=27.6879px]男仔同女仔最大分別係易衝動，容易被挑釁而動手或打架，我一向教仔都教佢地切勿動手，只要動手無論你幾有理有據都已經輸晒，升中前亦已同佢分享遇到不同情況可以點處理。中一果年，我仔被一同學推到牆邊打左一巴，當時我仔好冷靜沒還手，事後找班主任求助，學校處理欺凌做到得相當好，當日已即時通知我，第二天學校嚴肅處理並對所有學生表明對欺凌 0 容忍，打人同學受到處分，我仔因没動手所以乜事都冇，佢keep住一兩個好朋友，從那次起至中六都再沒有被欺凌。

2jkidsfather

洋蔥頭媽咪 發表於 17-11-28 09:29
男仔同女仔最大分別係易衝動，容易被挑釁而動手或打架，我一向教仔都教佢地切勿動手，只要動手無論你幾有理 ...

You have taught your son very well!