【短片】每七個小學生 一個有抑鬱症狀 學業壓力是元凶

elbar

學生自殺與情緒健康問題備受關注，社福機構調查發現，每7個受訪小學生就有1個出現抑鬱症狀，當中近10%屬嚴重，首三大壓力來源均與學業有關。按調查推算，全港有3.3萬名抑鬱傾向達臨床水平的小學生，嚴重者或致自殺行為。心理學家籲家長勿過份着重成績，給予子女玩樂時間。


浸信會愛羣社會服務處在今年首3個月，以問卷調查9至13歲的小三至小六學生，收回1,301份問卷。結果發現，13.2%受訪小學生受抑鬱情緒困擾，即每7人有1人出現抑鬱徵狀；當中9.7%呈嚴重抑鬱徵狀，以本學年全港有近35萬名小學生推算，抑鬱傾向已達臨床水平的小學生逾3.3萬人，須接受專業輔導及治療。機構指，兒童期與青少年期的抑鬱相關，部份會演變成其他精神病，最嚴重可致自殺行為。





專家倡增加玩樂時間


調查也顯示，近22%受訪小學生經常感壓力，創3年新高。受訪者的首三大壓力來源均與學業有關，依次為功課太多、升中適應問題及成績未如理想；調查也發現23%受訪學生「心理彈性」不足，即缺乏面對或接納情緒的能力，屬引致抑鬱的最高風險因素。


該處臨床心理學家李明琳指，兒童抑鬱症部份病徵與成年人相似，但未必懂得清楚表達感受，較多從日常生活的行為中反映。例如學業成績變差、睡眠失調及對批評感到非常敏感等。她建議師長耐心聆聽兒童心事，避免急於安慰或解決問題，否則易引起反效果，「如果小朋友話驚，父母就話：『使乜驚，你咁咁咁做咪得囉』、『好小事箒、正面啲啦』，咁講會令小朋友窒息，唔敢再講自己感受。有時小朋友會有想法、創意去處理情緒，父母可以一齊商量」。


李明琳指國際研究提倡無功課和增加玩樂時間，但現行學制及催谷文化則反其道而行，形容整個社會都承受很大壓力和處於焦慮。她提醒家長不要過份着重子女學業成績，給予空間和時間小朋友玩樂，有助消化情緒及建立親子關係，「驚削弱小朋友競爭力去谷佢，附帶嘅就係其他（精神）問題出現」。


該處服務協調主任盤鳳愛促兒童事務委員會徹底跟進和改善，及盡快落實「醫教社同心協作計劃」，支援受精神困擾的學生。                                         

elbar

女兒拒上學　家長誤當扭計


■盤鳳愛指，學童抑鬱與自殺的現象至今從未解決，認為社會必須正視。


【病童個案】


社福機構指小學生未必像成人般懂得表達感受。有小六女童抗拒上學，父母最初以為是「扭計」，後來確診患焦慮症及抑鬱症；亦有11歲女童在學校自殘，師長才發現她患抑鬱。


吳氏夫婦的幼女小六時擔任跳舞班小老師，負責教導低班同學，但因家長投訴「唔識教」而遭老師訓斥。吳太憶述，女兒感到委屈，從此不願上學，「每朝起身都用好多時間掙扎，試過全日喺度喊、拉住我件衫、更試過上上吓堂搭車嚟搵我」。女兒升中不久又再因與老師產生誤會而拒絕上學。


11歲女校內自殘


吳父稱當時無察覺女兒可能患有精神病，以為只是普通「扭計」，二人更試過掌摑她，最終要報警處理。後來經醫生診斷，才知道她患上焦慮症和抑鬱症，需留醫一周。女兒中一時亦停學一年，吳父索性放棄工作陪她。女兒對韓文有興趣，吳父就陪她一起學，病況逐漸改善。她現時升讀中二，更參與跳舞班等課外活動。協助吳氏的浸信會愛羣社會服務處服務協調主任盤鳳愛指，吳女性格慢熱，加上年紀小，被師長誤會亦不敢對抗，積累負面情緒就不願上學。


兒童及青少年身心健康服務隊長鄧曼恒指，另有11歲女童在學校以利器自殘，被醫生診斷為輕度抑鬱，師長才發現她因學業壓力、家長缺乏照顧等，習慣將負面情緒「收埋」。

Jane1983

小學搞咗全日制，但講好咗的"係學校做晒功課和温習"唔見咗。身邊唔少讀緊本地學校高小的細路，佢地的學業負担，加埋體藝和補習，根本好唔人道。

Weekday基本上無一個有hea玩一個鐘的可能，好在一般家庭都好錫好關心，唔係兒童問題仲嚴重。

Doray

Jane1983 發表於 17-11-20 19:27
小學搞咗全日制，但講好咗的"係學校做晒功課和温習"唔見咗。身邊唔少讀緊本地學校高小的細路，佢地的學業負 ...

最緊要唔係自己嗰個就得啦，到學校派少啲功課，又到啲家長不安，死啦死啦，band 1 位唔夠多啦……難搞難搞

brother4

家長心魔多咗，少功課要去進補或興趣班…另少默書及考試更好

bbforever

我住九龍區，親眼已見有兩名校生有 [[鬼剃頭]] 甩髮，一個是首屈一指既女校中學生，一個是出名課程教深既英文小學生，真係睇見都心痛…
佢地就算未去到抑鬱，都知佢地受到壓力…

MrBeast

bbforever 發表於 17-11-21 09:10
我住九龍區，親眼已見有兩名校生有 [[鬼剃頭]] 甩髮，一個是首屈一指既女校中學生，一個是出名課程教深既英 ...

你講起最近fd fb 也見到一個，不過至少佢呈一成績很好，值唔值真見仁見智

Jane1983

文中講到吴氏夫婦個女小六時在芭蕾舞班做小老師，做得唔好被老師訓斥 －－ 跳得好先被選為小老師，細路哥唔識教人，有乜出奇，鬧乜嘢？唔做小老師lor，有乜咁大件事。

個女感到委屈，唔願返學，夫婦掌摑佢 －－父母咁處理，個女仔身邊咁多唔稱職的成年人，雞毛蒜皮的小事都又打又殺，係人都頂唔順啦！

October.

Jane1983 發表於 17-11-20 19:27
佢地的學業負担，加埋體藝和補習，根本好唔人道。...

其實每個人既時間就咁多, 有天份的孩子就樣樣佳,大多數人要取舍或降底要求.

我仔女係平凡孩子,就揀學業行先, 學琴以及運動隨心,所以,拖拖拉拉hea學, 但算數, 唔想迫佢,細佬會很累.

Jane1983

回覆 October. 的帖子

體藝除非玩到出神入化，否則都係錦上添吓花。
為課外活動搞到超級唔開心的話，cut咗去算啦!

October.

Jane1983 發表於 17-11-21 17:06
回覆 October. 的帖子

體藝除非玩到出神入化，否則都係錦上添吓花。

你講得冇錯，我幾次叫我仔CUT咗唔好學琴了，咁HEA學來冇成果，但佢又依依不舍呀，晒錢囉。

Jane1983

回覆 October. 的帖子

佢有興趣，閑來會自己彈吓，唔使拍枱拍凳反晒臉叫練琴，其實都ok。

CSW111