幾年級可放手 溫習 測驗考試？

charmykittyy

現在剛 小一， 中文真的要落手落腳教⋯  幾時可以放手？ 小孩受教， 但未懂自發溫習 ～

skkeung

charmykittyy 發表於 17-11-18 23:44
現在剛 小一， 中文真的要落手落腳教⋯  幾時可以放手？ 小孩受教， 但未懂自發溫習 ～
...

一步一步放！

brother4

估要中學，—般小學生家長很緊張，朋友的孩子名小年年考全级第一都要進補

assado

brother4 發表於 17-11-19 09:43
估要中學，—般小學生家長很緊張，朋友的孩子名小年年考全级第一都要進補
...

小五, 六, 要呈分, 更放不下手。

Jane1983

可以逐樣逐小放。如果你覺得佢ready，比佢自己做功課，或者比佢自己温默書。慢慢小測都可以放比佢自己温，但你要暗中睇住佢有乜進展。

前題係要佢能力范圍做得到，佢係ready的。而家長又唔係太重視分數。

Yanamami

其实好似戒奶同戒片一样，睇住佢ready既程度，得寸進尺禁放手~~先自己搞掂功課，check好做齊未，自己執好書包、自己起床換校服、自己知幾時要默書/默書範圍係乜/自己温好……禁放手又唔代表不闻不问全自动导航(中学就要)……小学嘛，到高小就声控，問：温好乜乜未呀？温好我问你書考你啦~都要住佢强弱项，要傍边輔助下既，但到高小应識得自动自觉，自己紧張自己学業同知書係為自己讀而唔係為向父母交代~態度比一切重要呢｡

charmykittyy

謝謝各位的意見⋯⋯ 同意態度的重要性～

S-Kwok

Yanamami 發表於 17-11-19 12:52
其实好似戒奶同戒片一样，睇住佢ready既程度，得寸進尺禁放手~~先自己搞掂功課，check好做齊未，自己執好書 ...

照睇高小聲控係屬正常事。
仔依家小四，我對要經常問仔是否已做好xxx, 感到好煩，我以為小四應該要全自動唔洗我問

Yanamami

S-Kwok 發表於 17-11-19 16:40
照睇高小聲控係屬正常事。
仔依家小四，我對要經常問仔是否已做好xxx, 感到好煩，我以為小四應該要全自動 ...

我只係考試问温好未，有乜唔識……平日功課早已自动波，可能女仔好d.

retriever

brother4 發表於 17-11-19 09:43
估要中學，—般小學生家長很緊張，朋友的孩子名小年年考全级第一都要進補
...

等中學太遲了。

brother4

retriever 發表於 17-11-19 18:28
等中學太遲了。

自己就是好例子；25年青春讀16年的書，因父母文盲及早出晚歸

retriever

Yanamami 發表於 17-11-19 17:23
我只係考試问温好未，有乜唔識……平日功課早已自动波，可能女仔好d.

分享下。

舊年上小一已經唔CHECK 功課，剩係睇手冊簽名，當然會有甩漏，但進步好快。

今年多左幾天課外，本來擔心佢做功課太慢因下課時間晚左好多，但佢到而家反而好多功課我回家已做哂。

剛評估中，開始佢自己溫書。

asweetmom

不用一次過全部放手，能先做好的先放手。

charmykittyy

S-Kwok 發表於 17-11-19 16:40
照睇高小聲控係屬正常事。
仔依家小四，我對要經常問仔是否已做好xxx, 感到好煩，我以為小四應該要全自動 ...

覺得某程度上都要看 個別 小孩性格和能力， 有朋友的小孩 一個 手腳快、 另一個就 lup 點 ⋯

charmykittyy

Jane1983 發表於 17-11-19 10:20
可以逐樣逐小放。如果你覺得佢ready，比佢自己做功課，或者比佢自己温默書。慢慢小測都可以放比佢自己温， ...

  其實 都係 矛盾位～ 在初小 「分數」 上上落落 都 可以 接受⋯  但同時 又想 他在初小 打好基礎⋯ ⋯    可能引導下他自己 溫下， 不懂 再問 ⋯⋯   

MrBeast

因人而異，若學術related未得，可以放一些自理的東西，eg 汁書包etc

Jane1983

回覆 charmykittyy 的帖子

引導佢、教吓佢、鼓勵吓佢，一步一步放，唔係co l d cut突然間比番晒佢自己搞。始終小一新環境，佢亦只係6、7歲，要monitor住佢進展，唔好操之過急。

little_yolky

charmykittyy 發表於 17-11-20 07:55
其實 都係 矛盾位～ 在初小 「分數」 上上落落 都 可以 接受⋯  但同時 又想 他在初小 打好基礎⋯ ⋯    ...

一D矛盾都無, 基礎好同分數並不劃上等號。矛盾的只有家長, 其實自律自理應該係幼稚園課程, 但幼稚園唔學學術嘢, 又怕考唔到好小學, 所以自律自理要押後。上到小學, 幼稚園要學既未學, 但又覺得小朋友分數低=基礎唔好, 所以自律自理繼續押後, 搞掂成績先。但分數高咗係咪等同基礎好咗? 呢個又無人敢講。到高小, 弊！要呈分了, 更不敢放手了。升到中學, 小朋友適唔適應架? 不如跟多一兩年睇下點先啦。到中三, 要遻科喎, 唔得, 要谷下成績先。升到高中, 哎吔, 要考DSE了, 唔可以放手。入到大學, 家長仲要問：阿女/仔, 你帶咗水壺未呀? 食咗飯未呀? 駛唔駛阿媽同你打掃宿舎呀?

eviepa

我個女唔似老豆，佢唔係D自律性強既人。但係佢讀小一時我就唔查佢D功課，考試唔同佢溫書。最後，效果好好呀。